Ашық сабақ "Ұжымдағы өзара қарым- қатынас." 7 сынып Өзін өзі тану

Сабақ мақсаты: Ұжымдағы қарым-қатынастың адамгершілікке негізделуі керектігін ұғындыра отырып,сүйіспеншілік құндылығының мәнін ашу.

Міндеттері:

Білімділік: оқушыларды ұжымдағы тұтастық,сыйластық,сүйіспеншілік құндылығына негіздеуге үйрету;

Дамытушылық: оқушыларды айналасындағыларға шынайылық қарым- қатынас жасауға дағдыландыру;

Тәрбиелік: оқушыларды қайырымдылыққа,мейірімділікке,риясыздыққа тәрбиелеу;

Ресурстар:(құралдар, мәлiметтер)

Дәйексөз,ұнтаспа,аңыз,әндер жинағы.

Сабақ барысы:

1.Ұйымдастыру кезеңi. 5-Т ережесі. 5-затты тексеріп, ұпайларын түгендейміз. Тыныштық сәті. Нұрға бөлену.

2. Үй тапсырмасын тексеру

Марат Қабанбайдың «Қала және қыз бала»повесінен «Айгүлдің әңгімесі» атты үзінді

-Айгүл мен әжесінің арасындағы сыйластықтың сыры неде?

-Айгүл сыныбынан неліктен жылылықты сезіне алмады?Ол неге жалғызсырады?

-Айгүл сыныптастарының арасынан нені іздеді деп ойлайсыңдар?

-Айгүлдің «Мен жер астындағы алтын,күміс емес,дос,туыс болуға татитын адамдарды іздеп жүрмін ғой»деген сөзінен нені аңғаруға болады?Айгүлге қалай көмектесер едің?

Сабақ барысын талқылау:

3. Дәйексөз

«Кішіпейілділік- кісінің көркі» халық нақылы

-Кішіпейілділік адамдардың бойында тағы қандай қасиеттердің ашылуына себеп болады?

/Кішіпейіл адамда ізгі яғни барлық жақсы қасиеттер болады/

оқулықтан

4. Оқиғаларды әңгімелеу./мұғалім сыйы/

«Шебер өсиеті»

Шебер қарындашты қорапқа салмас бұрын оны жанына қойып:Сені әлемге аттандырмай тұрып,сен білуге тиіс бес қағида бар,дейді.Әрқашан есіңде ұста және ұмытпа,сен сонда ең жақсы қарындаш атанасың.

Біріншіден:сен өзіңді біреудің қолында ұстауға рұқсат етсең ғана көптеген істер жасай аласың.

Екіншіден:сен уақыт өткен сайын ұштаған кезде жаның ауырып,қиналасың,бірақ бұл жақсы қарындаш болуың үшін қажет.

Үшіншіден:өзің жіберген қателіктеріңді түзеп отыруға қабілеттісің.

Төртіншіден:сенің ең маңызды бөлігің сенің ішінде орналасады.

Бесіншіден:кез келген тегіс жерде өз ізіңді қалдыруға тиіссің.

Қандай жағдайда болғаныңа қарамастан сен жазуыңдң жалғастыруың керек.Ең бастысы,барлығын махаббатпен қабылдауың керек.Қарындаш бәрін түсініп,есте сақтауға уәде берді жүрек қалауымен орналастырылды.

-Шебер қарындашқа қандай ақыл айтты?

-Осы бес қағиданы адамға арнауға бола ма?

-Әрқайсысының мәнін қалай түсіндіруге болады?

-Адам осы ақылды орындаса,бойында қандай қасиеттер пайда болады?

-Сонда сүйіспеншілік құндылығымыз неден шығады екен?

/Адам жақсы істер жасап,қиналған кезінде жаныңңан дос табылуына,жасаған қателігіңнен сабақ алып тұрсаң,ең маңыздысы бойыңда сыйластық,қайырымдылық,шынайылық,мейірімділік бәрі жүрегіңнен шықса,бүкіл әлемге де риясыз сүйіспеншілігімізді арттырамыз.Сүйіспеншілігімізді көзқарасымыз,жақсы сөзіміз,істеген жақсы істеріміз арқылы береміз./

Әпсана әңгімелер

5.Шығармашылық жұмыс, топтық жұмыс.

1-топқа Сыныптағы сыйластық

2-топқа Сыныптағы шынайылық

3-топқа Сыныптағы қайырымдылық,тақырыбында сахналау көрсетесіздер.

6.Топпен ән айту

«Не деген керемет күн!» Сөзі:Мұқағали Мақатаев әні:Тұрсынжан Шапай

7.Үй тапсырмасы.

22-сабақ. «Алғашқы айлар»Мұқан Иманжанов,87-бет

8.Соңғы тыныштық сәті

Баяу әуен қосылады,көзімізді жұмамыз.

Сендер мектепте бірлесіп қоғамдық пайдалы іспен шұғылдансаңдар,бір біріңе көмектессеңдер,ұжымда сыйластық та, шынайылық та,мейірімділікте болады.Сүйіспеншілік өз жүрегімізде. Сол сүйіспеншілігімізді достарымызға,бүкіл әлемге таратайық,Сабақ аяқталды.Сау болыңыздар.