Ұзақ мерзімді жоспардың тарауы:

Ұлттық және отбасылық құндылықтар. Фонетика

Мектеп:

М-С.Бабажанов атындағы ЖОББМ

Күні: 02.10.2020

Мұғалімнің аты-жөні:

Құбаева Бұлбұл

Сынып: 6

Қатысқандар: 14

Қатыспағандар:

Сабақтың тақырыбы

Ұлттық құндылықтар – ел қазынасы

Осы сабақ арқылы

жүзеге асатын оқу

мақсаттары

6.1.4.1. мәтіннің құрылымдық ерекшелігіне назар аудара отырып, жетекші сұрақтар арқылы негізгі ойды анықтау.

Сабақтың мақсаттары

Барлық оқушылар орындай алады: мәтіннің құрылымдық ерекшелігін ескеріп, жетекші сұрақтар арқылы негізгі ойды анықтай алады.

Оқушылардың көпшілігі орындай алады: мәтіннің құрылымдық бөліктеріне назар аудара отырып, жетекші сұрақтар арқылы сұхбат жүргізіп, негізгі ойды талдайды.

Кейбір оқушылар орындай алады: жетекші сұрақтар арқылы негізгі ойға қатысты өз пікірлерін білдіріп, тұжырымдайды.

Бағалау критерийлері

-мәтіннің құрылымдық ерекшелігін ажырата алады;

-жетекші сұрақтарды еркін құрастырады, жауап бере алады;

-негізгі ойды анықтайды.

Тілдік мақсат

Оқушылар орындай алады:

мәтіннің құрылымдық ерекшелігіне мән бере отырып, жетекші сұрақтар көмегімен негізгі ойды анықтай алады.

Пəнге қатысты сөздік қор мен терминдер: құндылық, ұлттық құндылық, адами қасиет, әдет- ғұрып, салт-сана, менталитет, мәдениет, өнер, тағамдар, ұлттық қолөнер, тұрмыстық бұйымдар, ұлттық ойындар;

мәтін, құрылымдық бөліктер, кіріспе, негізгі бөлім, қорытынды.

Талқылауға арналған сұрақтар:

Сенің түсінігіңше, құндылық дегеніміз не?

Құндылықтардың түрлеріне қандай мысалдар келтіруге болады?

Неліктен құндылықтарды адамға тән деп есептейді?

Құндылықтарды анықтауда адамзат неге негізделеді?

Құндылықтарға баулу

Қазақстандық патриотизм, ынтымақтастық, құрмет

Пəнаралық байланыс

Өзін-өзі тану, әдебиет

Тақырып бойынша алдыңғы білім

Мәтін туралы, мәтіннің құрылымдық ерекшелігі туралы біледі

Сабақтың жоспарланған

кезеңдері

Сабақтағы жоспарланған жаттығу түрлері

Ресурстар

Сабақтың басы

5 мин

Ширату

«Шаттық шеңбері» әдісі бойынша шеңбер құрып, ынтымақтастық атмосферасын орнатып аламын. Оқушылар бір-бірінің бағалайтын, құнды қасиеттері туралы айтады.

Миға шабуыл. Талқылау сұрақтары:

• Мәтін дегеніміз не, ол қандай бөліктерден тұрады?

• Мәтіннің тақырыбы дегеніміз не?

• Мәтіннің идеясы дегенді қалай түсінесіңдер?

Сабақ мақсатына жету үшін өткен материалды қайталап, мәтін туралы ұғымдарды еске түсіреді.

Оқу мақсаты және бағалау критерийлері хабарланады.

Сабақтың ортасы

25 мин

Тыңдалым алдындағы тапсырма

1-тапсырма. Жұмыс түрі – Ж.

-«Құндылық» дегенді қалай түсінесің?

Оқушылар «құндылық» сөзіне қатысты ойларын дәптерлеріне «Кластер» әдісі түрінде жазады, оларды маңыздылығына байланысты орналастырады. Көрші отырған жұбымен ассоциацияларын алмасады, өзара талқылау жасайды.

Дескриптор:

-өз түсініктеріңізді тірек сызбамен келтіреді;

-маңыздылығына байланысты орналастырады.

ҚБ: «Смайликтер» арқылы бағалау.

Саралау: «Диалог және қолдау көрсету» тәсілі бойынша жетекші сұрақтар ұсынамын.

Жетекші сұрақтар:

1. Сенің түсінігіңше, құндылық дегеніміз не?

2. Құндылықтардың түрлеріне қандай мысалдар келтіруге болады?

Тыңдалым тапсырмасы

Оқушылар мәтінді (аудиожазбаны) тыңдайды.

Әр ұлттың өзінің ұлттық құндылықтары болады. Бір ұлтты екіншілерінен ерекшелендіріп тұратыны оның: тілі, ертегілері, мақал-мәтелдері, лиро-эпостық және батырлар жырлары, әдет- ғұрпы, салт-санасы, менталитеті, мәдениеті, өнері, тағамдары, ұлттық қолөнері, тұрмыстық бұйымдары, ұлттық ойындары, т.б. өзгелерге ұқсамайтын қасиеттері. Осылардың бәрі – ұлттық құндылықтарға жатады.

Егеменді ел болғаннан бері ұлтжанды азаматтар ұлттық құндылығымызды қалпына келтіруге ниеттенуде. Бірақ, биліктің ұлттық құндылықтарға деген немқұрайлылығы көп жағдайда кедергі келтіруде. «Нарықтық қатынас, әлемдік қауымдастыққа кірігу» деген сылтаумен ұлттық құндылыққа көңіл нашар бөлінуде. Қазір жалпы ұлттық мүддеге қарағанда, әркім өзінің жеке қара басын көбірек ойлайды.

Ұлттық құндылықтарды әр ұлттың ата-бабалары өздерінің өмір сүру салтына байланысты шығарып, пайдаланып, дамытып ұрпақтарына мұра етіп қалдырып отырған. Сондықтан ұлттық құндылықтар сол ұлттың меншігі болып есептеледі. Оны әр ұлттың ұрпақтары сақтап, заманына қарай дамытып отырулары керек. Егер халық өздерінің ұлттық құндылықтарын жоғалтып алса, ол халық – «ұлт» деп саналмайды. Сондықтан әр ұлт өздерінің ұлттық құндылықтарын сақтауға тырысады, әрі қорғайды. Қазақ халқы да өзінің ұлттық құндылықтарын сақтауы керек.

2-тапсырма. Жұмыс түрі – ЖЖ.

Мәтіннің құрылымдық ерекшелігіне назар аудара отырып, «Түртіп алу» әдісі бойынша мәтіннен тірек сөздерді анықтайды.

Дескриптор:

-мәтінді мұқият тыңдайды;

-мәтіннің құрылымдық бөлімдерін анықтайды;

-мәтін бөліктеріндегі тірек сөздерді анықтап жазады.

ҚБ: «Отшашу» әдісі бойынша бағалау.

Саралау жұмысы. «Сыбырлау» әдісі бойынша жұп болып отырған оқушыдан көмек алады.

3-тапсырма. Жұмыс түрі – ЖЖ.

 «Ұлттық құндылық – ел қазынасы» тақырыбында  жұппен өзара диалогтік сұхбат жүргізеді.

Дескриптор:

-тыңдалған мәтін бойынша жетекші сұрақтар құрастырады;

- сұрақ негізінде толық жауап береді;

- жұбымен диалогтік сұхбат жүргізеді;

- сұхбат барысында өз пікірін қосады.

ҚБ: «Жұлдызшалар» арқылы бағалау.

Саралау жұмысы. «Сөйлемді сұраққа айналдыр» әдісі

Мәтін ішінен сөйлем таңдап алып, сұраққа айналдыра отырып, сұхбатқа түседі.

4-тапсырма. Жұмыс түрі – ЖЖ.

Мәтінде айтылған негізгі ойды анықтайды.

Дескриптор:

- мәтіннің құрылымдық бөліктерін еске түсіреді;

-кіріспе бөлімнен негізгі ойды білдіретін 1 сөйлем жазады;

-негізгі бөлімнен негізгі ойды білдіретін 1 сөйлем жазады;

-қорытынды бөлімнен негізгі ойды білдіретін 1 сөйлем жазады.

ҚБ: «Бағдаршам» әдісі бойынша

Жасыл түс – жұмыс барлық талаптарға сай орындалған;

Сары түс – менің сұрағым бар;

Қызыл түс – ұсынысым бар .

Саралау жұмысы:

«Серпілген сауал» әдісі бойынша саралаймын.

1. Мәтінге қандай тақырып ұсынар едің?

2. Неліктен құндылықтарды адамға тән деп есептейді?

3. Құндылықтарды анықтауда адамзат неге негізделеді?

https://drive.google.com/file/d/1v7_5QAw8Q-uLEUTzlPn58F5Yog4dzv6Q/view?usp=drivesdk

Сабақтың соңы

10 мин

4-тапсырма. Жұмыс түрі. Ж

«Құндылықтарды сақтау – парызымыз» тақырыбында

5 минуттық эссе жазады. Жұбымен талқылап, біреуін ұсынып, сынып алдында оқиды.

Дескриптор:

-уақыт құрылымын сақтайды;

-өз ойын

-құндылықтарды сақтаудың маңыздылығын жеткізеді.

ҚБ: «Екі жұлдыз, бір тілек» әдісі арқылы бағалау.

Саралау жұмысы:

Тірек сөздер ұсыну арқылы жүргіземін.

(ұлттық болмыс, халық тарихы, бай мәдениеті, ұлттық құндылық, қасиет, борыш санау, Мәңгілік ел, бағалау)

Оқу мақсаты мен бағалау критерийлеріне кері ораламын.

Рефлексия. «Аяқталмаған сөйлемдер» әдісі

«Бүгін мен .......... білдім»

«........... қызықты болды»

«........... қиын болды»

«.......... тапсырманы орындадым»

«........... екенін түсіндім»

«Мен енді .......... білемін»

«Мен ........... сезіндім»

«.............. мені таңғалдырды»

«Сабақ менің өміріме ............. берді»

«Менің ............ жасағым келді».

Жауабының себебін түсіндіріп жазады.