Ашық сабақ: "Word-тың графикалық мүмкіндіктері. Суреттермен жұмыс"

Word-тың графикалық мүмкіндіктері. Суреттермен жұмыс

Акмарал Бакитжанова Амангелдиевна

Ақтөбе облысы Шалқар ауданы Қорғантұз орта мектебінің информатика пәні мұғалімі

Сабақтың мақсаты:

Білімділік: Оқушыларға Word-тың графикалық мүмкіндіктерін көрсету. Оларды мәтіндік құжатқа графикалық бейне кірістіруді үйрету.

Дамытушылық: Оқушылардың есте сақтау және зейіндік қабілеттерін дамыту пәнге деген қызығушылығын арттыру.

Тәрбиелілік: Уақытты тиімді пайдалануға, жүйелі ойлауға, ұқыптылыққа, шапшаңдыққа, компьютерлік сауаттылыққа тәрбиелеу.

Сабақтың типі: жаңа оқу материалдарын игерту.

Сабақтың түрі: Аралас сабақ

Әдіс-тәсілдер: практикум элементтері бар түсіндірмелі-көрнекілікті. Зертханалық жұмыс.

Сабақта қолданылатын көрнекі құралдар: ДК, Microsoft Office Word 2003, 2007 бағдарламасы, интерактивті тақтада дайындалған слайдтар, Activpen қаламы, Activslate құрылғысы, деңгейлік тапсырмалар, оқулық, жұмыс дәптері,оқушылардың бағалау және эмоционалдық жағдайын анықтау парағы.

Сабақтың жоспары:

І.Ұйымдастыру кезеңі:

а) кабинеттің тазалығын;

б) оқушылардың дайындығын, сабаққа қатысымын қадағалау.

ІІ. Үй тапсырмасын тексеру.

ІІІ. Қорытындылау

ІҮ. жаңа тақырыпты таыстыру.

Ү. Тапсырмалар орындау арқылы түсіндіру.

ҮІ. Сұрақтар арқылы сабақты бекіту.

ҮІІ. Үйге тапсырма

ҮІІІ. Оқушыларды бағалау

Сабақтың өту барысы:

І.Ұйымдастыру кезеңі:

• Сәлеметсіздер ме, балалар! Бейсенбінің белгілі күнінде ақпарат жинап, оны сақтап, таратуға қажетті құралдармен жұмыс жасау үшін дайынбыз ба?

• Оқушылардың жауабы: Дайынбыз...

• Олай болса, алдымен біздің есімізден шығаруға болмайтын қағидамызды кім айтады?

• Оқушылар жауабы: Техника қауіпсіздігі ережесі

• Кәне олай болса бір-бірімізді қайталамай әрқайсысымыз бір ережеден айтып шығайық...

• Өте жақсы. Балалар, «Кім зерделі» ойыны арқылы үйге берілген тапсырманы орындаудағы деңгейімізді анықтасақ.

Бүгін біз MS Word мәтіндік редакторында жұмысымызды жалғастырамыз.

ІІ. Үйге берілген тапсырманы тексеру(Кім білімпаз?)

1. Кестені даярлау үшін...Кесте > Кесте қосу

2. Ұяшықтарды біріктіру үшін... Кесте > Біріктіру

3. Кесте құру батырмасы қай қатарда орналасқан? Стандартты

4. Ұяшық дегеніміз не? Баған мен қатардың қиылысуы

5. Кестеге жақтау орналастыру үшін...Формат >Шекара және Құю>Шекара

6. Жаңа жол қосу үшін қолданылатын перне...tab

7. Ұяшықтарды бөлу командасы...Бөлу

8. Жолдарды кірістіру...Кесте >Кірістіру >Жол қосу

ІҮ. Жаңа сабақ

Ал енді жұмыс дәптерін ашамыз.

Бүгінгі күнді және сабақтың тақырыбын жазамыз. «Суреттермен жұмыс істеу». Бұл сабақта сіздер:

- Word мәтіндік процессорының графикалық мүмкіндерін;

- Мәтіндік құжатқа суретті қалай кірістіруді;

- автофигуралардың көмегімен бейне жасауды біліп, меңгерулеріңіз керек. Сонымен, Word-тың графикалық мүмкіндіктері:

1. Графикалық редактордан кірістіру

2. Сурет салу панелін қолданып, графикалық бейне жасау

3. Дайын суреттер кітапханасынан алынған суреттерді кірістіру

4. Фигуралық мәтін кірістіру

І. Графикалық редактордан кірістіру алгоритмі:

1. Графикалық редакторында сурет салу

2. Суретті ерекшелеп алып, алмасу буферіне енгізу

3. Суретті алмасу буферінен алып, құжатқа кірістіру.

4. Мәтіндік құжатты ашу және меңзерді сурет кірістірілетін жерге апару.

ІІ. «Сурет салу» (Рисование) панелін қолданып графикалық бейне жасау

1. Аспаптар панелінен Автофигуралар командасынан қажетті фигураны таңдау.

2. Суретті ерекшелеп алып, сызықтың түсін, типін өз қалауыңша ауыстырасың

3. Суретті белгілеп алып, құю командасын орындай отырып бояйсың.

4. Салынған сурет еркін бағытта жылжу үшін оны белгілеп алып, аспаптар панелінен Обтекание қосымшасынан вокруг рамки және т.б. таңдап, ОК шерту.

ІІІ. Дайын суреттер кітапханасынан алынған суреттерді кірістіру

1. Сурет қойылатын жерге курсорды орналастыру қажет

2. Қою – Сурет – Картина (Вставка – Рисунок - Картина) командасын таңдау керек.

3. Пайда болған терезеде Word-тың деңгейіне байланысты әр түрлі суреттердің тізімі ұсынылады.

4. Суреті бар файлдардың атын таңдап, ОК батырмасын шерту керек.

5. Таңдалынған сурет құжатқа орналастырылады.

Диалогтық мәтін кірістіру.

1. Курсорды мәтіннің басына орнатыңдар

2. Вставка – Рисунок- Объект WordArt командасын орындаңдар

3. Коллекция WordArt диалогтық терезесінде ұнаған қаріп стилін таңдап, ОК шерту.

4. Изменение текста WordArt диалогтық терезесі пайда болады. Ондағы Текст надписи өрісіне өздерінің мәтіндеріңді енгізіп, ОК шерту

5. Мауспен фигуралық жазбаны орнатыңдар.

Тапсырма: Төменде берілген мәтінді теру. Достық деген атаумен сақтау.

Дос табу оңай емес...

«Бір дос бар қолындағы мал шашқанша, бір дос бар маңдайынан тер шыққанша, бір дос бар көкірегінен жан шыққанша» - деген нақыл сөздер әр түрлі достарға арналған. «Бірлесіп көтерген жүк жеңіл», - дегендей, қиындықта да, қуанышта да қасында досың болса, бірлесе бірлік арта түскендей сезіледі. Өмірдің шырғалаң бұрылыстарында жол табуға көмектесетін де нағыз достар.

WordArt диалогтық терезесінде Сол достармен қатынаспай, көңілді кештерден құр қалсаңыз, өздеріңіздің сәтті кездеріңізден айырыласыз.

Тапсырма:

ДОСТЫҚ

Ү. Практикалық жұмыстар:

Үлгі бойыша салыңдар

№1 жұмыс міндетті деңгей Paint-та дайын сурет кірістіру

№2 жұмыс лайықты деңгей Word – та дайын сурет кірістіру

№3 жұмыс күрделі деңгей Автофигураның көмегімен салу

Ары қарай

Автофигураны белгілеп алып, қажетті түстерді пайдалана отырып, сызықтың түсін ауыстырып, түс құйыңыз.

ҮІ. Сабақты бекіту Индекстік тест

ҮІІ. Үйге тапсырма. 9.6- тақырып «Суреттермен жұмыс істеу»

ҮІІІ. Бағалау