Ашық сабақ "Я әрпі мен дыбысы" 1 сынып

Ақтөбе облысы

Мұғалжар ауданы

Құмжарған орта мектебінің

Бастауыш сынып мұғалімі

Алдабергенова Мансия Каймуллиновна

Сауат ашу сабағы

Сабақтың тақырыбы: Я дыбысы мен әрпі, «Сұр қоян».

Сабақтың мақсаты:

Білімділігі: Я дыбысы бар сөздерді оқи, жаза білуге дағдыландыру. «Сұр

қоян» өлеңін мәнерлеп оқи білуге, мазмұнын түсіндіруге үйрету.

Тәрбиелілігі: Өз ойын еркін айтуға дағдыландыру. Әсемдікті сезіне білуге,

табиғатты сүюге тәрбиелеу.

Дамытушылығы: Ойын арқылы жаңа әдіс - тәсілдерді тиімді қолдану.

Сабақтың пәнаралық байланысы: Ән, дүниетану.

Сабақтың әдісі: Аралас сабақ - топтық, жеке жұмыстар /ойын түрінде/.

Сабақтың түрі: Бекіту сабағы.

Сабақтың көрнекілігі:

1. Сөзжұмбақ шешу.

2. Үнтаспа, теледидар.

3. Кесте: Я - дыбысы мен әрпі бар сөздер. «Сұр қоян».

4. Қималар.5. Сахналау.

Сабақтың барысы: Ұйымдастыру сәті.

Психологиялық дайындық

Бүгін бізде көп қонақтар келіп отыр.

Қазақта: «Қонақ - ырыс әкеледі»- деген теңеу бар.

Ендеше алдымыздан тек жақсылық күтсін. Сәлемдесу /оқушылар арттарына яғни, қонақтарға қарап бас иеді. Жақсы балалар! Бүгін біз «Білім еліне - саяхатқа» шығамыз.

Бірінші аялдама: қане, кім батыл? /сұрақ - жауап әдісі/.

Дыбыс деген не? ---Дыбысты естиміз. Құлақпен естілетін үн/.

Әріп деген не?-- Әріпті көреміз, жазамыз, айтамыз/.дыбыс таңбасы

Әріптердің баспа түрі қайда жазылады? /Кітапта/

Жазба түрі ше? /Дәптерде

Дыбыстар қалай бөлінеді?-

Дауысты дыбыстар қалай бөлінеді?

Дауыссыз дыбыстар қалай бөлінеді?

Екінші аялдама: « Орнынды тап!» ойыны

1. ПИЯЗ ҚИЯР ҰЯ

Сөздерді суреттердің астына орналастырады.

2. ұя жайлы сергіту сәті айтылады

Торғай,торғай,торғайсың,

Таяу келіп қонғайсың

Ұя жасап берейік,

Сонда аязға тоңбайсың

Үшінші аялдама: Тездет, бірақ қателеспе!

1. «Ұя» өлеңін жатқа айту.

2. «Я» дыбысы бар қандай сөздер білеміз.

3.Тақтаға жазғызу: Күн бұлттанып, «Бұлттан әріптер жауғанда» (сөздік жұмыс,түсініктеме беру)

ұя аяқ қияр бояу сия мая

Баян таяқ пияз қоян қия жая

Жақсы, балалар! Бұл тапсырманы да орындадыңдар.

Төртінші аялдама: «Кім жылдам?» тапсырмасы. Сөзжұмбақ шешу.

Тосын сәт.

-Балалар, бізге бүгін тағы бір қонақ келіпті.Ол қонағымызда бір дорба жұмбағы, өлеңі бар.

-Іске сәт! Кезекпен келіп алайық.

Қолы жоқ - сурет салады,

Тісі жоқ - тістеп алады. /аяз/

Жесең ащы,

Көзіңнен шығарар жасты. /пияз/.

Есек құлақты, Ешкі құрықты.

Мысық аяқты, көрдім жүйрікті. /қоян/

Тал басында

Тамаша үй. /ұя/

Балалар, осы сөзжұмбақ ішінде бір аңның аты бар. Сол аң бізге қонаққа келе жатыр, ол қандай аң?- қоян.

Ассоциация әдісі: ҚОЯН қорқақ,ақ,сұр сүйкімді.жүйрік,сақ,үркек.

Буынға бөлгізу: Қо - ян

Дауысты, дауыссыз ажырату:

Неше дауысты дыбыс бар /2/: қандай? /о, я/ неше дауыссыз дыбыс бар /2/, қандай /қ, н/; кеспе әріптерді пайдаланып оқушыға қоян сөзін жаздырту.

1 оқушы тақтаға жазады.

Жаңа сабақтың тақырыбын ашу /сурет арқылы/.

Ақ қоян-ау, ақ қоян.

Үркек қоян, сақ қоян,

Дыбыс шықса қашасын

Таудан бір-ақ асасын

1925-1988жж

Бесінші аялдама: оқулықпен жұмыс. Тоқаш Бердияров

Жаңа сабақ : «Сұр қоян»

Мұғалім «Сұр қоян» өлеңін мәнерлеп оқып береді.

Ұзын құлақ сұр қоян

Естіп қалып сыбдырды,

Ойлы-қырлы жерлермен

Ытқып-ытқып жүгірді.

Қарап еді артына

Қиығын сап көзінің,

Келе жатқан томпаңдап.

Көжегі екен өзінің. Т.Бердияров

Қарамен жазылған /қиын/ сөздерді түсіндіру.

Қандай қоян?- /ұзын құлағы бар сұр қоян/

не істеді? /қоян сыбдырды естіп қалды да, ытқып2 жүгіре жөнелді/.

Бір кезде артына көзінің қиығын салып қарасы томпаңдап келе жатқан өзінің көжегі екен.

Алтыншы аялдама: Сергіту сәті: маска киіп, сұр қоян өлеңін/.

Ауылдағы қоянның,

Сәбіздерді көп екен.

Теріп, теріп алайық,

Қалтамызға салайық.

Кісі аттары, Жер - су аттары қандай әріптен басталып жазылады, білеміз бе?- /бас әріптен/.

Кісі аттары. Жер-су аттары.

Аян, Баян, Баянауыл, Аягөз,

Әсия, Әлия, Сырдария,

Ғалия,Данияр. Әмудария

Жетінші аялдама:Дәптермен жұмыс. Жай дәптерге Яя Аян, баян, Әсия, Әлия, Ғалия, Данияр, Баянауыл, Аягөз, Сырдария, Амурдария т. б. /оқушылар кезектесіп тақтаға да орындайды

Сегізінші аялдама:жаңа білімді бекіту

-Сабақ ұнады ма?

-Не туралы білдік?

Бүгінгі сабақ көңілді

Серпілттік бір сәт өмірді

Ауамыз таза болсын

Жан-жануар барлығы аман болсын.

Бүгін сабаққа жақсы қатыстыңдар, рахмет. Енді сендерге бүгін сабағымызда өткен «Сұр қоянның» кішкене сыйлығы бар екен.

Ой толғаныс.

1. Я – дыбысы қандай дыбыс?

2. Қалай айтылады?

3. Буын сөз құрайды.

Тоғызыншы аялдама: Оқушыларды мадақтау.