Ашық сабақ зат есім

Сабақтың тақырыбы: Зат есім

Сабақтың мақсаты:

а) білімділігі: Оқушылардың зат есім туралы білімдерін кеңейту. Зат есімді сөйлем ішінен тауып, оған дұрыс сұрақ қоя білуге үйрету.

ә) дамытушылығы: Жаңа технология элементтерін пайдалана отырып шығармашылық қабілеттерін дамыту.

б) тәрбиелілігі: Сауатты, көркем жазуға, өзара ынтымақтастыққа, шапшаң ойлай білуге баулу.

Сабақтың түрі: Жаңа сабақ

Сабақтың әдісі: Сұрақ-жауап, іздену

Көрнекілігі: Сөзжұмбақ, суреттер, слайдтар, шығармашылық тапсырмалар

Сабақтың жүру барысы:

I Ұйымдастыру кезеңі

Сыныпты төрт топқа бөлу «Бірлік», «Достық», «Татулық», «Ынтымақ»

Амандасу: Күн нұрындай әсем,

Бас иетін барша әлем.

Нұр ойнаған жүзінде,

Ұстаздарға бір сәлем.

Психологиялық дайындық:

Айналаға алақанмен,

Жылулықты шашайық.

Сәттілік тілеп, күлімсіреп,

Біз сабақты бастайық.

«5» болсын алар бағамыз,

Біліммен бақыт табамыз.

Өнер, білім көп тоқып,

Өсе берсін санамыз.

II Үй тапсырмасын тексеру

315-жаттығу

III Үй тапсырмасын бекіту

1. Түбір сөз дегеніміз не?

2. Сөздің түбірге жалғанған бөлігін не дейміз?

3. Қосымша нешеге бөлінеді?

4. Жұрнақ деген не?

5. Сөз бен сөзді байланыстыратын қосымшаны ата

6. Қосымшаның қай түрі бұрын жалғанады?

7. Сөз таптарын ата

IV Жаңа сабақ

Қызығушылықты ояту. «Ой қозғау»

Білесіңдер Кім? Не? деген сұрағын,

Сөйлемдегі ой иесі боламын.

Не істеді? сұрағымен

Көркейемін, толамын.

-Бұл қай сөз табы деп ойлайсыңдар?

-Зат есім

-Ендеше зат есім туралы білетінімізді есімізге түсірейік.

V Оқулықпен жұмыс

317-жаттығу. Суреттегі заттардың атын пайдаланып, сөзжұмбақты шештіру. Сол сөздерге сұрақ қойғызу.

(қыз, шаңырақ, түйе, шеге, сандық,бүркіт, домбыра)

-Бұл сөздер тобын не деп атайды?

318-ж. Мақалдарды көшіріп жаз. Кім? Не? сұрақтарына жауап беретін сөздердің астын сыз.

1. Ақыл-тозбайтын тон,

Білім-таусылмайтын кен.

2. Шешен сөз бастар,

Батыр қол бастар.

Ереже шығарайық!

Зат есім

VI Сергіту сәті

319-ж Ойын: Бұл не?

Сызбаның орнына не? сұрағына жауап болатын сөзді қойып, сөйлемдерді көшіріп жаз.

------------------- үреді. -------------------ұлиды. ------------------қарқылдайды.

------------------ шақырады.

320-ж Ойын: Кім көп біледі?

Сөздерді оқы,кім? сұрағына жауап беретін сөздерді бір бөлек, не? сұрағына жауап беретін сөздерді бір бөлек топтастыр.

VII Шығармашылық тапсырмалар

1-топ «Дәл жауап»

Кім?-------------------------------------

Не?--------------------------------------

Кімдер?--------------------------------------------

Нелер?----------------------------------------------

2-топ «Ойлы сөйлемді аяқта»

------------------------------ кітапханаға барды. Орманда түрлі -------------- жүр ---------------------------- компютерді үйренді. -------------------- пісіп тұр еді.

3-топ «Ұйқасын тап»

Аппақ доп тауып,

Шақырды ақ .............(тауық)

Алмастан тыным,

Шабады..................(құлын)

Өзінше ноян

Қорқақ..................(қоян)

4-топ «Сөз ойла, көп ойла»

Құстар:-------------------------

Аңдар:---------------------------

Туыстық атаулары:-------------------------------------------------------

VIII Бейнежазба көрсету

IX Сабақты қорытындылау

• Бүгін қандай сөз табымен таныстық?

• Зат есімге қандай сұрақтар қойылады?

X Үйге тапсырма

321-жаттығу. Ереже жаттау

XI Бағалау