Ашық сабақ Зат есім. 2 сынып

САБАҚ:Қазақ тілі

Тақырыбы:Зат есім

Мектеп: «Музыкалық колледж-дарынды балаларға арналған музыкалық мектеп-интернат»

Күні:

Мұғалімнің есімі: Т.Б. Канафина

СЫНЫП: 2 «А»

Қатысқандар саны:

Қатыспағандар:

Сабақ негізделген оқу

мақсаты (мақсаттары)

2.1.4.1 - тірек сөздерді қатыстыра отырып, берілген тақырып бойынша әңгіме құрау

2.4.2.3* - сөз таптарын (зат есім, сын есім, сан есім, етістік) ажырату

Сабақ мақсаттары

Барлық оқушылар:

• Оқулықта берілген тапсырмаларды орындайды. Тақырыпты меңгереді.

Оқушылардың басым бөлігі:

• Тақырыптың маңызы туралы дәлелдеп айтып бере алады. Зат есімді ажырата алады; тірек сөздерді қатыстыра отырып, берілген тақырып бойынша көлемді әңгіме құрастыра алады.

Кейбір оқушылар:

• Білімді сыныптастарына түсіндіріп оқулықтан тыс ресурстар қоса алады.

Тілдік мақсаттар

Оқушылар:

Зат есімнің ережесін біледі,мысалдар келтіре алады;

Пəндік лексика жəне терминология: 

Сөз таптары (сын есім,зат есім,сан есім,етістік)

Диалог/жазбаша жұмысқа қажетті пайдалы фразалар топтамасы Талқылау:

–Берілген суреттер қандай сұрақтарға жауап береді?

-Зат есім дегеніміз не?

Жазу:жұптық,топтық тапсырмаларды жазады

Бағалау критерийі

Жеке, жұптық, топтық тапсырмаларды орындай алады.

Сабақ барысында тыңдаушының назарын өзіне аудара алады.

Ресурстар

Оқулық, суреттер, топқа бөлуге арналған кеспе қағаздар  және  әртүрлі  заттар, топтық тапсырмалар, кері байланыс, стикер.

Әдіс-тәсілдер

Сұрақ-жауап, әңгімелеу, түсіндіру, ойын, көрнекілік. Рефлексия.

Пәнаралық байланыс

Музыка, қазақ тілі,әдебиет.

Жоспарланған

уақыт

Жоспарланған жаттығулар (төменде

жоспарланған жаттығулармен қатар,

ескертпелерді және оқушының әрекетін жазыңыз)

Ресурстар

Басталуы 5 минут

Психологиялық ахуал қалыптастыру:

1 минут

Сиқырлы шаттық шеңбер:

Әрқайсыларыңның алдарыңда сиқырлы дөңгелектер жатыр, оларды алып, артын аударып қарасаңдар сиқыр табасыңдар, онда бір – біріңмен қалай сәлемдесу керектігінің сиқырын көресіңдер. Егер күлкі бейнеленсе, онда бір – бірімізге күлімдей қарайық, алақан суреттенсе қолымызды қысып амандасайық, жүрек бейнеленген болса – құшақтасайық, күн бейнеленген болса – жақсы сөз айтып сәлемдесейік.

Күн көзіндей күлімдеп,

Көңілді болып жүрейік.

Қазіргі болар сабаққа,

Жүректен ақ жол тілейік.

1-топ «Шілдехана»

2-топ «Ат қою»

3-топ «Бесік жыры»

Алдыңғы оқу

5 минут

Балалар, қарап тұрсаңдар мен сендерді 1-топ «Шілдехана»,

2-топ «Ат қою», 3-топ «Бесік жыры» деп бөлдім. Неге деп ойлайсыңдар? Олар неге жатады? (Себебі біз салт дәстүр және ауыз әдебиеті деген бөлімді бастадық, өткен сабақта «Бесік жыры», «Шілдехана», «Ат қою» сияқты салт дәстүрмен таныстық).

• Жақсы, ал қазір әр топ өз атын қорғап бере аласыңдар ма?

Шілдехана – жаңа туған нәрестенің құрметіне жасалатын той. Мұнда «Балаңыздың бауы берік болсын» - деп айтады. Жастар жиналып ән салып, домбыра тартып, өлең, жыр айтады. Шілдехана – өмірге адам келгеннің белгісі.

Ат қою – сәбиге ат қою қазақ халқы ерекше көңіл бөлген. Баланың атын жақсы, беделді кісілерге қойғызып, құлағына үш рет атын айтып айқайлайтын.Қонақтар «Өмір жасы ұзақ, денсаулығы зор болсын» деп тілектер айтады.

Бесік жыры. Бесік – қасиетті мүлік. Жаңа туылған сәбиді бесікке бөлейді. Осы кезде әже-аналарымыз бесікті тербете отырып, бесік жырын айтып баланы ұйықтатады.

• Тамаша, балалар, рахмет, енді қазір интербелсенді тақтаға назар аударайық. Қазір көрсетілетін бейнеролик арқылы жаңа қазақтың ұлттық салт –дәстүрімен танысамыз. Мұқият қараймыз!

• Балалар, жаңа көрген бейнеролик қандай салт-дәстүр туралы айтылған? (Тұсаукесер)

• Дұрыс, тұсаукесер қашан жасалады?

• Баланың тұсауын кім кеседі?

• Немен кеседі?

• Ала жіп нені білдіреді?

• Үйде кішкентай бөпелерің бар ма?Оған тұсаукесер жасалды ма?

Сәби қаз тұрғаннан кейін тез жүгіріп кетсін деген тілекпен жасалатын салт. Ол үшін арнайы ала жіп дайындалады. Сол жіппен баланың аяғын кәдімгідей тұсап, оны аяғын жылдам басатын адамға қидырады. Сүріншек, жайбасар адамдарға кестірмейді. Тұсауы кесілген баланы қолынан ұстап тез жүгіртеді, шашу шаылады. Баланың ата-анасы тұсау кесішінің кәдесін береді.

• Тұсаукесер кезде қандай сөздер айтылады?

• Балалар үстелдің үстінде түрлі суреттер берілген. Осы суреттерден тұсаукесерге жататын заттарды ажыратындар. (шашу, ала жіп, ақжол, қайшы, әже, қонақтар, бала, бата).

• Ажыратқан заттарға сұрақ қойыңдаршы?!

• Кім? Бала. Кімдер? Қонақтар. Не? Ала жіп ...т.б.

• Бұл қандай сөз табының сұрақтары? (Зат есім)

• 

• Дұрыс, ендеше бүгінгі сабақтың тақырыбы қандай? Зат есім және «Тұсаукесер» салт-дәстүрі.

Мақсат қою: «Тұсаукесер» салт-дәстүрі туралы әңгімелейміз. Зат есім туралы білімдерін бекітеміз.

Акт слайд

Оқушылар өз топтарының атына ауызша сипаттама береді.

Ортасы 20 минут

Сергіту сәті

(2 минут)

Қолдану

(8-10 минут )

Білу және түсіну 10 минут

Оқушылар оқулықтағы негізгі тақырыппен танысады.

Бүгінгі тақырыбымыз осы сөз таптарының ішіндегі «Зат есімге» байланысты болмақ.

Оқулықпен жұмыс. (5 минут)

48 бет, 21-тапсырма.

Сөйлемдерді көшіріп жаз. Зат есімдерді тауып, түбір мен қосымшаға ажырат.

Тұсау кесу – бала тәй-тәй басқанда жасалатын дәстүр. Баланың тұсауын ала жіппен кеседі.

1 топтың тапсырмасы:

Зат есімдердің мағыналары кең, өте бай болып келетін аңғарту үшін мынандай тапсырмалар беремін. Әртүрлі ұғымды білдіретін зат есімдер қойылады. Мысалы: ән,би,оқу т.б. Оқушылар сұрақ қою арқылы топтарға бөледі

2 топтың тапсырмасы:

Оқушылар салт-дәстүрге байланысты суреттерді сұрақ қою арқылы ажыратады.

Кім? Кімдер? Не? Нелер?

Әже, қонақтар, бала, бесік, ала жіп, пышақ, шашу,

сәби, ата-ана бата, дастархан

3 топтың тапсырмасы:

Оқушылар венн диаграммасы арқылы «Бесікке салу» мен «Тұсау кесу» салт-дәстүрін салыстырады.

Б есікке салу Тұсау кесу

ала жіп

бесік

бала

алғашқы қадам

қасиетті мүлік

Салт-дәстүр

ақжол

отпен аластау

тілек айту

пышақ

әлди-әлди

СТО әдісі

Тапсырма топта орындалады. орындайды. Бір оқушы шығып тақтамен де жұмыс жасайды. Тексеру.

Оқушылар постер жасайды

Оқушылар топпен бірлесіп тапсырма орындайды

Қима қағаздармен жұмыс жасайды

Оқушылар қима қағаздармен, венн диаграммамен жұмыс жасайды

Рефлексия

• Бүгін сабақтан қандай әсер алдыңдар?

• Не қызықты болды?

• Қандай қиындық туды?

• Не білгілерің келеді?