Ашық сабақ.Аналар асыл казынам.

Аналар асыл қазынам

Мақсаты: Балаларға 8 - наурыз халықаралық мейрамы екенің ұғындыра отырып, аналарын ешқашан ренжітпеуге, қолғанат болуға, әрқашан құрметтей білуге тәрбиелеу.

Жүргізуші: Қымбатты балалар, сүйікті аналар, құрметті әріптестер!
Бүгін біз көктемнің алғашқы мерекесі күні әсем залға 8 - наурыз аналар мерекесін тойлауға жиналып отырмыз. Мерекелеріңіз кұтты болсын!

Бала, бала, бала деп,
Түнде шошып оянған
Түн үйқысын төрт бөліп,
Түнде бесік таянған.
Айналасына ас қойып,
Өзенді көлдей шалқытқан.
Қолын қатты тигізбей,
Иісін жүпар аңқытқан

Бұл кім балалар?
Балалар: Ана, ана, ана!
Би: Қуыршақ биі.

Жүргізуші: Құрметті апалар, қадамдарыңызға гүл бітсін, сіздерге арналған мерекемізді бастаймыз. Құлышақ тобының дайындаған аналарымызға арнаған тақпақтарын тыңдасаңыздар:
М Алинұр
Анам болса қасымда
Басқа бақыт не керек.
Анашымның жүрегі,
Мейірімді ғой керемет

Дания
Сенен өскен балалар,
Батырлар мен даналар,
Құттықтаймын мерекеңмен,
Құрметті Аналар!

Назерке
Наурыздың сегізі,
Сұлулықтың негізі.
Әдемі сөз баланың,
Анаға айтар лебізі.

Алижан
Аналарды сүйеміз
Ақылын ойға түземіз
Әжені де ардақтап
Әдеппен бас иеміз.

Ортаға Ару көктемімізді шақырайық.

Ару көктем:
Мен көңілді көктеммін,
Былтыр келіп кеткенмін.
Көзін ашып бұлақтын,
Түбіне тал екенмін.
Гүл боп қырда егілем,
Дән боп жерге себілем.
Жаңбыр болып жауам да,
Нұр боп көктен төгілем.
Шуағын төгіп әлемге.
Жылуын күннің әкелем.
Табиғаттың төсіне тіршілігін сыйлаймын

Жүргізуші. Амансың ба, Ару көктем? Ұлан - байтақ жерімізге қош келдіңіз. Шуағыңды шаттандырып, нұрыңды мол төгебер.
Көктем: Мынау менің құшағым толы қыр гүлін, гүлдей жайнаған қыздарға сыйлағым келіп отыр.- деп гүлдерді таратады. Осы гүлдей, құлпыра беріңдер, аяулы аналар, әжелер, мерекелеріңіз құтты болсын!
Жүргізуші: Ал, Ару көктем біздің қыздарымыздың өзіңе арналған билерін қабыл ал.
Би: Гүлдер

Жүргізуші: Бүгінгі күн тек аналарымызға арналады мерекелеріңізбен құттықтаймыз. «Ананың сүті-бал, Баланың тілі бал» деп бекер айтылмаған. Келесі құттықтауларымыз сіздерге арналады құрметті аналар.
Тақпақтар:
Ислам Алан Ернар

Жүргізуші: Балалар бүгін біздің мерекеге тағы бір қонақ келе жатқан сияқты.
Көңілді музыка ырғағымен Сайқымазақ кіріп келеді.

Сайқымазақ: Жан - жағыма қарасам,
Қонақтар өте көп екен.
Ұлдар да көп, қыздар да көп
Апайларда мұнда көп
Мен сайқымазақпын,
Ақылыма көркім сай.
Ұнаймын жұрттың бәріне
Үлкенге де, кішіге.
Келіп қалдым мен бүгін,
Құттықтауға сіздерді.
Аналарды, қыздарды
Сүйікті әжелерді.
Тәрбиеші: Рахмет, саған Сайқымазақ!
Сайқымазақ: Мен өлең айтқанды жақсы көремін. Кім менімен өлең айтады?
(Балалар хор) «Ақ мамам»

Жүргізуші: Ананың әрбір сөзі жылылыққа толы. Ананың көз нұры, мейірімі тастай мұзды да жібітеді. Сүйікті аналар, сіздерге деген балаларымыздың жылы лебіздерін қабыл алдыңыздар.Біздің балаларымыз сіздерге көмек көрсетіп қолқанат болып келе жатыр. Балаларымыз кір жаюды білемекен соны ойын арқылы байқасақ.

Ойын «Кір жаю»
Шарты: Балалар шелектен жуылған бет орамалдарды алып беріп тұрады, ал аналар жіпке іледі. Бірінші болған топ шелектерін қолдарына алып орындыққа отырады.

Жүргізуші:Біздің топтың сұлуларының сіздерге арналған билері бар.

Би: Қуыршақ биі.

Жүргізуші:

Сүйкімді ғой балалар
Өнерлі ғой баршасы дей келе

Ұлдар биін тамашаласақ.

Би:Ұлдар.

Құрметті аналар мен әріптестер! Сіздерді «Құлыншақ» тобының бүлдіршіндері атынан шын жүректен құттықтаймыз. Аяулы аналарымыз, ардақты әжелеріміз, сүйкімді балаларымыз әрқашан аман болсын!