Ашық сабақ.Өзін-өзі тану.4 сынып.Талаптыға нұр жауар

Сабақ мақсаты:

Оқушыларға талаптанудың адам өміріндегі маңыздылығы дұрыс әрекет арқылы жүзеге асатындығын ұғындыру.

Міндеттері:

- сыйластық туралы түсініктерін кеңейту.

- батылдық қасиеттерін дамыту

- оқушыларды табанды болуға тәрбиелеу.

Ресурстар:

оқулық, дәптер

(аудио, жазбалар) интерактивті тақта,

музыка.

Сабақ барысы:

І.Ұйымдастырукезеңi: Сәлемдесу.

Оқу құралдарына назар аудару. 5Т

1.Тыныштық сәтi.

«Күннің нұры» (3 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз.Көздеріңізді жұмуларыңызды өтінемін.

Елестетіп көріңіз:

Біз барша тіршілікке жылуы мен жарық шашқан күннің көзіне айналдық. Күннің көзі болып жарқыраған басымыз тек жақсылық ойлайды.Күнннің жылуымен рахаттанған қолдарымыз тек жақсы істер жасайды. Жап- жарық сәуле шашқан аяқтарымыз тек дұрыс жолмен жүреді. Күннің жарығы аузымызға да кірді – ол тек шындықты айтады. Ал құлағымыз жақсы сөздерді естиді. Маңдайымызға жеткен жарық сәулемен бірге ең сүйікті адамдарға, отбасына, әлемге, жануарларға, табиғатқа жылы сәулемізді сыйлап, іштей жақсы тілектер тілейік. Осындай тыныштықта сәл отыра тұрайық. Қандай жан тыныштығы! Енді жайлап көзіңізді ашуға болады. 
Рахмет.

2.Үй тапсырмасын тексеру:

18-сабақ 87-90 бет. Б.Әділов «Қанат пен Жанат» әңгімесін оқып келу.

(Бірнеше оқушыдан әңгіменің мазмұнын сұраймын.)

1.Атасының үйіне келген қонақ кім еді?

2.Жанат атасына қандай өтініш айтты?

3. Жанат пен Қанаттың әрекеттері туралы не айтар едіңдер?

4. Қанат домбыраны үйрену ниетіне қалай жетті?

5.«Талаптыға нұр жауар» деген сөздің мағынасын қалай түсінесіңдер?

6.Талапты бала қандай болады деп ойлайсыңдар?

7.Адам көздеген мұратына жету үшін қандай әрекеттер жасайды?

3.Сергіту

Домбырам күмбірлеп,

Күй шерте аламын.

Бұрала би билеп,

Сурет те саламын.

Ұқсатып кілемге

Кесте де тігемін.

Актерше рөлде

Ойнай да білемін.

Жалықпай талай күн,

Жасаймын мүсін де.

Сабақ барысын талдау:

4.Дәйексөз.(Тақтаға дәйексөзді жазып қоямын.)

«Талаптан да білім мен өнер үйрен,

Білімсіз,өнерсіз болады ақыл тұл». Шәкәрім Құдайбердіұлы

Неге білім мен өнер үйренбесең ақыл тұл?

2-рет ұлдарға, 2- рет қыздарға айтқызу.

Бәріміз қосылып айту.Дәптерге жазып аламыз.

5. Әңгiмелеу .(Мұғалімнің сыйы)

Өнер өрге сүйрейді

(Аңыз әңгіме)

-Күнкөріс үшін қарт пен бала қандай іспен айналысты?

-Артықәлі қандай өнерді меңгерді?

-Керуенге жалданған бала қандай оқиғаға тап болды?

-Оның аман қалуына өнерінің септігі тиді ме?

-Адамның мұратына жетуіне қандай қасиеттер көмектеседі?

-Білім мен байлықтың қандай айырмашылығы бар?

-Білімнің талапқа қатысы бар ма?

6.Ойын-жаттығу:түстер арқылы екі топқа бөлемін.

-«Талап» сөзін естігенде ойларыңа не түседі? Ассоциация жасау.(оқу,кітап,

білім,Абай,бес асыл іс,өнер,еңбек,ниет,мақсат,әрекет,құштарлық.т.б.)

-Адам өз мақсатына қандай «қадамдар»арқылы жететіндігін баспалдақтарға

жазып шығады.Екі топ мүшелері жазған қадамдарын оқиды,шығармашылық

бұрышына іледі.

7.Шығармашылық жұмыс. Жеке жұмыс.

Тақтадағы суреттерді пайдаланып,өз өнерлеріңді ортаға салыңдар.

Өздерің ынта-ықластарыңмен ізденіп,талаптанып,үйренген өнерлерің

туралы эссе жазыңдар.

8.Топпен ән айту.

«Ақ тілек»

Сөзі мен әні:Абдрахман Асылбек

1.Арайланса ғалам бар
Ағарып таң атты деп,

Бір- біріне адамдар

Айтып жатыр ақ тілек.

Гүлге толы бар аңғар

Жұпар сепсе бақ тілеп,

Бір -біріне адамдар,
Айтып жатыр ақ тілек.

Қ- сы.-2 рет.

Адам жақсы ниетпен,

Бар адамға бақ тілеп,

Жарып шыққан жүректен
Сөздің бәрі ақ тілек.

2.Аттанса да сапарға

Жолға шығар сәтті деп.

Бір біріне адамдар,
Айтып жатыр ақ тілек.
Сүйіп құшып сәбиді

Тілі қандай тәтті деп

Жайсан жандар бар игі
Айтып жатыр ақ тілек.

Қ- сы -2рет.

-Бүгінгі сабақ ұнады ма?

-Көңіл күйіміз қандай болды?

-Тақтадағы смайликтерден бүгінгі көңіл күйімізді көрсетейік.

Алдымыздағы көңілді смайликтерге жүрегімізден шыққан ақ тілектерімізді

жазып,апайларымызға сыйлайық.Әрқашан көңілдеріңіз көтеріңкі болсын.

9.Үй тапсырмасы.

1. №18-сабақ,жұмыс дәптерінің 25-бетіндегі тапсырманы орындау.

2. № 19-сабақ. Оқулықтың 93-94-бетіндегі С.Ақаевтың

«Қорада малың,көшеде талың болсын» әңгімесін оқып келу.

10.Соңғы тыныштық сәтi.

- Енді көзімізді жұмып осы сабақта айтылған ойлар мен істерді ой елегінен өткізіп көрейікші.

- Барлық айтылған жақсы ойларды жүрегіміздің түкпіріне апарып орналастырайық.

- Енді көздеріңді аша ғойыңдар. Сабақ аяқталды. Бүгінгі күндерің қуаныш әкелсін!