20.02.2018 математика пәні бойынша «1 санымен амалдар қолдану» тақырыбында

2 «Ә» сыныбында өткізген ашық сабаққа рефлексивтік есеп

Сабақты оқушылармен 1 шумақ өлең айтудан бастадым. Өлең айтқыза отырып, оқушылардың көңіл-күйін көтеріп, жағымды ахуал тудырдым. 4топқа бөліп,топта жұмыс жасау ережесін айтқыздым.

Үй тапсырмасын тексеруде тиімді әдіспен қандай қосылғыштарды біріктіргендерін түрлі-түсті қарындашпен белгілеп келді.

Жаңа тақырыпты ойын арқылы болжап,мақсаты айқындалғаннан кейін ортақ тақырыпты «Адасқан сөздер» , «Анықтамасын тап» әдістері арқылы аштық.

Жаңа сабақтың тақырыбын да, жетістік критерийлерін де балалар өздері тапты.

Сабақта алған білімдерін жеке жұмыстар жасап, одан әрі бекітті. Жеке жұмыста көбейтудің ауыстырымдылық қасиетін пайдаланып, көбейтінді жазды,көбейтіндіні бірінші көбейткішке бөлу арқылы және көбейтіндіні екінші көбейткішке бөлу арқылы бөлінді жазды.

Жұптық жұмыста санды 1-ге көбейту жағдайын әріпті өрнек түрінде жазып көрсетті.Сонымен қатар санды 1-ге бөлу жағдайын ,1-ді санға көбейту жағдайын әріпті өрнек түрінде жазып көрсетті.

Сабақта алған білімдерін топтық жұмыстар жасап, одан әрі бекітті. 4 топқа бөлініп топпен жұмыс жасау барысында оқушылар бір-бірінің пікірлерін тыңдай отырып, біріге жұмыс жасай алатындары байқалды. Топтық жұмыста екі амалмен шығарылатын есеп берілді. Әр топ қосымша берілген жұмыстарын қорғап шықты. Топтар бір-бірлерін бағалады.Әр оқушы тапсырмасын орындаған деңгейіне қарай сабақ кезеңдерін бағалау парақшасына белгіліп отырды.

Рефлексиялық шеңберде оқушылар өздерінің сабақта не үйренгендерін және қандай әсер алғандарын айтып,кері байланысты жақсы меңгергендерін көрсетті.