Қазақтың кесте тігу өнері.

Сагинбаева Майкен Сыздыкановна

Қарағанды облысы,Қарағанды қаласы,Октябрь ауданы. «№12 ЖББОМ» КММ

Қарапайым тігістерді орындау:көшіру ,көктеу, бүгіп көктеу,тышқан із тігісінің түрлері.

Сабактың мақсаты:

А)білімділігі : халқымыздың қолөнері, көркем тігістері туралы ұғымды қалыптастыру

Ә)дамытушылығы: танымдық қызығушылықтарын дамыту, ой өрістерін, қол шеберлігін, қызығушылығын, эстетикалық талғамын ұштау

Б) тәрбиелікке:еңбекке тәрбиелеу, салт-дәстүрді құрметтеп, әсемдікке, эстетикалық талғамға тәрбиелеу.

Сабақтың әдіс тәсілі: түсіндіру,сарамандық, сұрақ-жауап
Пәнаралық байланыс:бейнелеу, тарих, математика

Сабақтың көрнекілігі:слайд,ине жіп түрлері, қайшы, мата, суреттер

Сабақтың түрі:жаңа сабақ

Сабақтың барысы:

1. Ұйымдастыру кезең

2. Үй тапсырмасын сұрау.

Сөзжұмбақ

Қол жұмысы кезінде қолданылатын құралдар мен құрылғыларды ата

2.Ине.

3.Сәнмүсін.

4.Таспа

5.Лекало.

3.Жаңа сабақ

Бүгінгі сабағымызда қазақтың қолөнері –кесте туралы және кесте тігудің түрлерімен танысамыз.Кесте қазақ халқының қолөнерінің ерекше түрінің бірі. Қазақтың ұлттық кесте өнері тарихының түп тамыры ғасырлар қойнауында жатыр. Кесте сан ғасырлар бойына халқымыздың талантты ісмерлерінің көркем қиялдарын шеберлік құдіретімен бейнелеген ақыл парасаттарының жауһары. Небір керемет кесте үлгілері ұрпақтан ұрпаққа жалғасып,толыктырылып,жаңғыртылып отырды. Атадан баласына, анасынан қызына мирас болып келе жатқан сәндік өнерінің өзі ұлттық мәдиниетіміздің дамуына ықпал етеді.Аталарымыз қызымыз бен ұлымыз сегіз қырлы, бір сырлы болуын қадағалаған. Әсіресе қыз балаға: ине сабақтап, түйме қадау, кесте тігуді, ас пісіруді үйретсе,ұл балаларға таспа тілу, өрім тоқу, мал сою және мүшелеуді үйреткен.

Бүгінгі күннің талабына сай қолөнер түрлері де сан алуан. Енді біз бүгінгі сабағымызда, соның ішінде кесте тігу өнеріне толық тоқталамыз. Кестелеу, көркемдеп тігу, ою-өрнектерді әшекейлеу.Кестені көңіл сызады, қол тігеді, көз сынайды дегендей, кесте тігудің алуан әдісі бар.

4. Сарамандық жұмыс

Жұмыс кезіндегі қауіпсіздік ережелерін еске түсірейік:

Қайшыны жолдасыңа үшкір ұшымен берме.

Қайшыны арнаулы қобдишаға сақтау қажет.

Инемен жұмыс істегенде оймақ киген дұрыс.

Инені киімге қыстыруға болмайды.

Инені тістеп ауызға салуға болмайды.

Тот басқан инемен жұмыс жасауға болмайды.

І.Тышқан із тігісінің түрлері.

ІІ.Шалып торлаудың түрлері.

ІІІ.Таңдай тігіс әдісімен тігілген қабырға кесте.

Сергіту сәті.Жалғасын тап ойыны.

Қауіпсіздік ережелердің басы айтылады,жалғасын табу керек.

Қайшыны жолдасыңа ............................(үшкір ұшымен берме)

Қайшыны арнаулы ................................(қобдишаға сақтау керек)

Инемен жұмыс істегенде .......................(оймақ киген дұрыс)

Инені киімге ...........................................(қыстыруға болмайды)

Инені тістеп.............................................(ауызға салуға болмайды)

Тот басқан инемен .................................(жұмыс жасауға болмайды)

ІҮ.Түйін тігіс.

Ү.Жіп салып тігу.

ҮІ.Айқас тігіс.

4. Қорытындылау:

-Бүгінгі сабақтан не үйрендік?

-Кестенің шығу тарихын білдік.

-Кестені тігудің түрлерін үйрендік.

-Тышқан із тігісінің үш түрін үйрендік.

-Шеберлікке үйрендік.

-Өзіне-өзі қызмет етуді үйрендік.

-Байқағыштық қабілеті артты.

Бағалау.

Үйге тапсырма беру. Жұмысты аяқтау.

Еңбек құралдары туралы мақал-мәтелдер дәптерге жазу -10