Ашық сабақ:"Сүйкімді жануарлар"

Тақырыбы: Спорт – денсаулық кепілі

Мақсаты: балаларды бір ортақ мақсатты жұмыла бірігуге , ұйымшылдыққа баулып, қимыл-әрекетке жаттықтыру. Салауатты өмір салтын насихаттауға және спортпен шұғылданып тұруға шақыру. Сымбаттылыққа , шымыр болуға және ептілікке тәрбиелеу.

Қолданылатын құралдар: кішкене доптар, шелектер, әуе шарлары, кубиктер, таяқшалар, шығыршықтар, кеглилар.

Жүру барысы: Сәлеметсіздер ме құрметті ата- аналар, балабақша қызметкерлері, бүлдіршіндер. Бүгінгі өткелі тұрған «Спорт- денсаулық кепілі» атты спорттық эстафеталық жарысымызға қош келдіңіздер!

Жүргізуші: Спорт – көркі өмірдің ,

Спорт – досың серігің ,

Жаттықсаң шымыр боларсың

Шынығып өсіп , толарсың

Ендеше жарысымызды бастамас бұрын әділ-қазы алқасын таныстырып өтейін:

1.Балабақша меңгерушісі : Г.М. Тойшибекова

2.Балабақша әдіскері:

3.Балабақша медбикесі:

Ендігі кезекте жарысқа қатысушы «Жалан» тобы мен «Жұлдыз» тобын ортаға шақырамыз. Қол соғып қошеметпен ортамызға шақырайық.

Жарысымыздың кезеңдерімен таныстырып өтелік:

1. «Көңілді әуе шарлар» ойыны

2. «Кім ұқыпты» ойыны

3. «Доп жалғастыру» ойыны

4. «Күлімде, Күн» ойыны

5. « Кенгуру» ойын

6. «Кім епті» ойыны

Балалар екі қатарлас топ бір-бірлеріңе сәлемдемелеріңді жолдаңдар.

Біз спортпен біргеміз

Біз спортты сүйеміз,

Спорт – денсаулық

Спорт-ойын!

Сайысымызды бастаймыз.

Жүргізуші:

Ал, келіңдер, келіңдер,

Мұндағы қызықты көріңдер

Бір-бірне дес бермес,

Мықтыларды көріңдер.

1-ші кезең: «Көңілді әуе шарлар» ойыны

Шарты: әуе шарларын қолымызға ұстап, кедергілер арасынан өтіп, межені айналып, қайтарда жүгіріп келу.

• Бәрекелді балалар не деген шапшаңсыңдар!

2-ші кезең: «Кім ұқыпты»

Шарты: Тенис таяқшасына шарикті салып кедергілер арасымен жүгіріп межені айналып жүгіріп қайту.

3-ші кезең: «Доп жалғастыру»

Шарты: Әр топ бір қатарда бір-бірінің артынан тұрып, допты бастан асырып беріп, соңғы бала допты аяқ арасыынан өткізіп алға қарай береді . Ойын осылайша 3 рет жалғасады.

4-ші кезең: «Күлімде , Күн»

Шарты: Топтың бірінші ойыншысы кедергілер арасымен өтіп, еденде жатқан шығыршықтың шетіндегі таяқшалармен «күн» құрастырады ,кезекті келесі ойыншыға береді.

5-ші кезең: «Кенгуру»

Шарты: Шығыршықтан-шығыршыққа секіріп, қолындағы допты себетке лақтырып түсіріп, жүгіріп қайтады.

6-шы кезең: «Кім епті»

Шарты: Кедергілер арасымен шығыршықты беліне салып жүгіріп межені айналып , тура жүгіріп келіп кезекті келесі балаға береді.

Жүргізуші:

Жарыс заңы ежелден

Жеңімпазды анықтау

Жеңімпаз болу шарты сол

Еңбектену, жалықпау

Біреу озса, сайыста

Біреу – артта қалады

Жеңілгендер ренжімей,

Тараса бізге жарады.