ашық сабақтар интеллектуалды ойындар

Сабақтың тақырыбы:Білімді мыңды жығар

Сабақтың мақсаты:

Білімділігі:Жарыса отырып ойнау арқылы негізгі пәндер бойынша алған білімдерін пысықтау.

Дамытушылығы:Логикалық және есте сақтау қабілеттерін дамыту.

Тәрбиелігі:Пәнге деген қызығушылықтарын арттыру

Сабақтың түрі : Сайыс сабақ. Жарыс сабақ.

Сабақтың көрнекілігі: слайд, мақтау қағазы

Пәнаралық байланыстылығы: Қазақстан тарихы, өнер, салт-дәстүр

Сабақтың әдіс-тәсілдері: сұрақ-жауап

Сайыс барысы:

І. Ұйымдастыру кезеңі.

Сайыс 5 кезеңнен тұрады. Оқушылар 2 топқа бөлінеді.

I – кезең “ Таныстыру “

II –кезең “ Бәйге ”

III – кезең “Өз өнерін көрсету”

IV – кезең “Қызықты сұрақтар ойыны”

V кезең “ Сөзді тап ”

1- кезең. Сайыстың жүру барысы: Таныстыру

Екі топты ортаға шақыру.

1-ші топтың аты «Алға»

Ұраны: «Алға қарай самғаймыз, екілікті алмаймыз»

2-ші топтың аты «Талап»

Ұраны: «Жас ұрпақпыз талапты, жақсы оқимыз сабақты»

2-кезең. «Бәйге» ойыны

Аралас сұрақтарға жауап беру. Әр дұрыс жауапқа 5 ұпайдан қойылады.

Қарап тұрмай бәйгеге еріңіз,

Шәкірттерге әділ шешім беріңіз

Жүзден жүйрік, мыңнан тұлпар шығарар

Бәйге, бәйге, бәйгелерді көріңіз – дей,отырып ал жас қырандар “ Бәйге “ кезеңін бастаймыз . Бұл кезеңге 10 сұрақ беріледі.

Сұрақтар

«Алға» тобына.

1) Қазақстан Президенті кім?

2) Адамдардың қатынас құралы не?

3) М. Әуезовтың қандай шығармасын білесің?

4) Дененің қызуын өлшейтін құрал?

5) Қазақстан Республикасының рәміздерін ата?

6) Ы.Алтынсариннің қандай өлеңін білесің?

7) « Жұмған аузын ашпау» деген сөздің мағынасы?

8) Киіз үй жабдықтарын атау.

9) «Дүние де-өзі, мал да-өзі, Ғылымға көңіл бөлсеңіз…» кімнің өлеңі?

10) С – қандай дауыссыз дыбыс?

«Талап» тобына.

1) Қазақстанның астанасы қай қала?

2) «Таза бұлақ» кімнің шығармасы?

4) Дауыссыз дыбыстар нешеге бөлінеді?

3) «Қыс» өлеңін кім жазған?

5) Қазақстан Премьер-министрі кім?

6) «Төбе шашы тік тұрды» деген сөздің мағынасы?

7) Алдымызда қандай мейрам келе жатыр?

8) Қазақ Батырларының атын ата.

9) «Өгіз бен Бақа» мысалында қандай мінезді сынайды?

10) Ш – қандай дауыссыз дыбыс?

3 кезең

Өз өнерлерін көрсетеді

4-кезең

1. Білмеген не ішеді?(у ішеді)

2. Өтірікші кімді алдайды (өзін-өзі алдайды)

3. Бір қазанға сыймайтын қандай бастар?

4. Адамда арқау бола ма? (Ас адамның арқауы)

5. Түкіріктен көл бола ма?( Көп түкірсе көл болар)

6. Ердің атын не шығарады?

7. Көпке не шашпа? (топырақ)

8. Дос басқа қарайды, ал дұшпан ше?(дұшпан аяққа қарайды)

9. Тауық түс көре ме? (тауықтың түсіне тары кіреді)

10. Сиырдың сүті қай жерде? ( сиырдың сүті тілінде)

11. Бейнет түбі не? (зейнет)

12.Не қылыштан өткір? (тіл қылыштан өткір)

13. Тұз астың дәмін келтірер, ал сөздің дәмін не келтірер? (мақал сөздің дәмін келтірер)

14. Оқусыз не жоқ? Білімсіз не жоқ?

5- кезең

Оқушылар мұндағы сөздерді дұрыс табу арқылы өздеріне таныс сөздермен де, мағыналары түсініксіз сөздермен де танысады.

1) Сөз дауыссыз әріптен басталып дауыссыз әріппен аяқталады.

2) Көлденеңі бес, тігінен бес қатар тор көз екі топқа бірден беріледі.қ,к;

Осымен ойынымыз шарықтау шегіне жетті.

Жарыс заңы ежелден,

Жеңімпазды анықтау.

Жеңімпаз болу болу шарты сол,

Еңбектену,жалықпау- деп сөз кезегін әділқазылар алқасы алады. Жеңімпаздарға марапаттау айтылады.