Ашық тәрбие сағаты

9.12.2017ж

Сабақтың тақырыбы:Жеті лақ

Сабақтың мақсаты:Ертегілермен таныстыра отырып , сұраққа толық жауап бере білуге, жағымды , жағымсыз кейіпкерлерді ажырату білуге үйрету. Балалардың көркем шығармалар арқылы тіл байлығын, ауыз екі сөйлеуін дамыту. Адалдыққа , батылдыққа, байқағыштыққа , жан – жақты болуға, мейірімділікке тәрбиелеу.

Сабақтың түрі: ертегі сабақ.

Әдіс – тәсілі: ертегіні сахналау , өлең , диалогты сөйлеу.

Қажетті құрал: атрибуттар , үй ағаш, суреттер.

Сабақтың барысы:

1.Ұйымдастыру кезеңі.

2.Кіріспе

-Балалар сендер «Қасқыр мен жеті лақ» ертегісін білесіндерма?

- Қасқыр туралы не білесіңде?

- Қасқыр қандай жануар?

- Жабайы жануар.Қауіпті аңдар қатарына жатады.

- Ал ешкі мен лақ туралы не білесіңдер?

- Ешкі мен лақ үй жануары.Олардың адамға пайдасы мол.

- Еті , сүті,терісі,түбіті адамға пайдалы.

- Ендеше, «Жеті лақ» ертегісінің қойылымын көрсетейік.

«Жеті лақ» ертегісінің сценарийі

Автор: Баяғыда бір ешкінің жеті лағы болыпты.Ешкі көк майсада шөп жеп, мұп-мұздай су ішуге орманға кетеді екен.Ол кетісімен лақтары үйшік есігінің күршегін іліп алып, өздері ешқайда шықпайды екен.Ешкі өрістен келген соң, есікті қағып:

Лақтарым, шырақтарым!

Аша қойыңдар, аша қойыңдар!

Енелерің келді-

Сендерге сүт әкелді

Емешегім иіп тұр.

Аппақ сүтім тамшылап,

Тұяғыма тиіп тұр! –

Автор: деп өлеңдетеді екен.

Жеті лақ есік күршегін ашып енелерін кіргізеді.Ешкі лақтарын сүтке тойғызып, қайтадан орманға кетеді.Ал, лақтары есікті мықтап жауып алады.

Автор:Ешкі орманға кеткенін байқап қасқыр: О, мына орманда ешкі де тұрады екен ғой!Өзінің неше лағы бар, оңай олжаға тап болдым ғой.Қарным бір тоятын болды.(деп қарнын сипап қояды.)

Автор:Ешкінің өлеңін қасқыр тыңдап тұрады.Ешкі орманға кетісімен, қасқыр есікке келіп жұп-жуан даусымен.

Қасқыр: О, Лақтарым!Ой шырақтарым!

Аша қойыңдар,

Аша қойыңдар!

Енелерің келді-

Сендерге сүт әкелді

Тұяғым шылқыған су.

Автор: -дейді өлеңдетіп.

Лақтар:

-Естідік, естідік-біздің енеміздің даусы жіңішке, өлеңі де бұдан басқа. – дейді.

Автор:Қасқыр не істесін.Ұстаға барады да, көмейіне жіңішке тіл салып беруін сұрайды.Өлең айтқанда даусы жіңішке шықсын деп ұста көмейіне жіңішке тіл салып береді.

Қасқыр:

О, ұста менің көмейіме жіңішке тіл салып бер әйтпесе жеп қоямын.

Ұста:Қолымнан келмейді.

Қасқыр:Жеп қоямын, жіңішкертіп бер дейді.

Автор:Үйшіктің жанына келеді де, бұта арасына жасырынады.Өрістен ешкі келеді.Есікті қағып.

Лақтар: Бұл кім?

Ешкі:Лақтарым, шырақтарым!

Аша қойыңдар!

Енелерің келді-

Сендерге сүт әкелді

Емешегім иіп тұр.

Аппақ сүтім тамшылап,

Тұяғыма тиіп тұр!-

Автор:дейді әндетіп

Лақтар:Есік ашып, енесін кіргізеді.Бәрі қасқырдың қалай келгенін, өздерін жемек болғанын анасына айтып береді.

Ешкі кетерінде:

-Егер біреу келіп, мен айтатын өлеңді түгел айтпаса және даусы жуан болса есікті ашпаңдар,-деп қатты тапсырады.

Автор:Ешкі кетісімен қасқыр есікке келеді.Содан жіп-жіңішке даусымен.

Қасқыр:

Лақтарым, шырақтарым!

Аша қойыңдар, аша қойыңдар!

Енелерің келді-

Сендерге сүт әкелді

Емешегім иіп тұр.

Аппақ сүтім тамшылап,

Тұяғыма тиіп тұр! –деп әндетеді.

Лақтар анасы екен деп есікті ашады.

Қасқыр:О, шырақтарым менен қорықпандар.Мені сендерге енелерің жіберді, аналарың орманда күтіп отыр,-дейді.Лақтар қасқырдың соңынан еріп жүре береді.

Автор:Ешкі өрістен келеді, өлеңін қанша рет қайталайды.Үн жоқ.Қараса есік ашық, үйге кісе, бір лақ қалмаған.Пештің ішін қараса, жалғыз лағы қалыпты.Лақтарынан айрылған ешкі есігінің алдына отырып жылай береді.

Лақ:Апа, сіз жоқта, қасқыр сіздің даусыңызды салып, сіздің өлеңіңізді айтты.Біз есік аштық.Қасқыр бізді алдап бауырларымды орианға алып кетті.

Автор:Ешкі орманда аңшыны көріп жылап көмек сұрайды.

Ешкі:Аңшы, маған көмек беріңіз!Қасқыр менің лақтарымды алдап, орманға алып кетіпті.

Аңшы:О, жүр мен оның сазайын тартқызайын. Ешкі аңшыны ертіп қасқырдың ұясына келеді.

Қасқыр:Ой, мынау аңшы ғой, қолындағы мылтығы ма?Қой атып тастамай тұрғанда қашайын.

Лақтар:О, анамыз келді, апа кешіріңіз енді есікті ешкімге ашпаймыз,-деп жылайды.

Автор: Ешкі лақтарымен табысып, орманда бақытты өмір сүреді.

- Балалар, қасқырдың іс- әрекеті дұрыс па? (жоқ)

- Өйткені ,ол құқық бұзды.

- Ол қандай құқық бұзды?

- Бөтен ешкінің үйіне баса көктеп кіріп, мүлкіне қол салды.Лақтарды үркітіп , қорқытып ұрлап алып кетті. Заңға сәйкес , қасқырды жазалауымыз керек. Қандай шара қолдануға болады?(Атамыз, басқа жаққа қуамыз, қамап қоямыз,тамақ бермейміз,суыққа қалдырамыз)

- Балалар, айтқаның бәрі орынды.Дегенімен, қасқыр өз кінәсін түсінсін деген оймен қайта тәрбиелеу орталағына жіберуге қалай қарайсыңдар? Себебі, қасқыр аш болғандықтан, тұрақты мекендейтін жері болмағандықтан осы әрекетке барды. Бұған не дейсіңдер?