Бану:
Көк аспанда тулардың

Желбірейтін күні бұл!

Амина:

Атамекен ақ үйдің

Азат болған күні бұл!

Арсен:

Құндақтағы сәбидің

Қазақ болған күні бұл!

Сұлтанәли:

Менің ана тілімнің

Жаңа ашылған күні бұл!

Амина Б:

Алты алаштың баласы

Қауымдасқан күні бұл

Қанағат:

Бір-бірімен жарасып,

Бауырласқан күні бұл
Аяна:

Дүбірлетсін өңірді

Дүрілдетсін дүлдүлі,

Қазақ деген елімнің

Құтты болсын бұл күні!

Хормен:

Қазақ деген елімнің

Құтты болсын бұл күні!

-Ал сол тәуелсіздік, егеменді сөздерінің мағынасын қалай түсінесіңдер?

- Тәуелсіз - толық еркі бар, ерікті, бағынышты емес.

-Егемен - өз билігі, бас бостандығы өзінде, тәуелсіз.

«Фрейер» моделімен жұмыс

Тәуелсіз Мағыналас сөз

Толық мағынасы Сөйлем

Осы жылдар ішінде елімізде қыруар істер атқарылды. Жеріміздің шекарасы халықаралық шарттарға сай бекітілді. Мемлекеттік рәміздеріміз, ата заңымыз, ұлттық валютамыз және Сарыарқаның кең жазық даласында барша елді өзінің тез көркейіп өсуімен таңқалдырып, жаңа астанамыз дүниеге келді. Әлемдік қауымдастық алдында «Қазақстан Республикасы» деген асқақ рухты ел екенін мойындаттық. 

«Жылдар жаңғырығы»

Батырхан:

1990 жылы 24 сәуірде Жоғарғы кеңестің бірінші сессиясында Нұрсұлтан Әбішұлы Назарбаев Республиканың алғашқы Президенті болып сайланды.

Батыр:

1991 жылы 16 желтоқсанда Жоғары Кеңес Қазақстан Республикасының тәуелсіздігін жариялады.

Аяна:

1992 жылы 4 маусымда Қазақстан Республикасының Жоғарға Кеңесінің сессиясы Республиканың Елтаңбасын, Мемлекеттік туын және Әнұранын бекітті.

Нұрай:

1992 жылдың 8 мамырында Президент «Қазақстан Республикасының Қарулы күштерін құру туралы» жарлыққа қол қойды. Отанды қорғау үшін Қарулы күштер – әскер ұйымдастырылды.

Аңсар:

1992 жылы 1 қазанда Тұңғыш ғарышкер Тоқтар Әубәкіров ғарышқа самғады.

:

1993 жылдың 15 қарашасында Төл теңгеміз дүниеге келді.

Амирхан:

1995. жылдың 30 тамызында Қазақстан Республикасының Жаңа Конституциясы қабылданды.

Әмір:

1997 жылы 11 шілдеде Қазақстан Республикасының «Тіл туралы» Заңы қабылданды.

Арайлым:

Қазақстан Республикасы Президентінің Жарлығымен 1997 жылдың 10 желтоқсанынан бастап Ақмола қаласы Қазақстан Республикасының жаңа астанасы болып жарияланды.

Хормен:

Тәуелсіздік – ел бақыты, ертеңі,

О,халайық, құтты болсын қуаныш!

Ән : «_________________» орындайтын: Аяна,Аңсар,Іңкәр

Амирхан Батырхан,Іңкәр,Дәулет,Арайлым,Алихан,Айза,Анель

Топтық жұмыс:

Енді «Сөздер банкісі» ойынын ойнайық. Ол үшін топтарға әртүрлі сөздер беріледі. Сол сөздердің ішінен Қазақстанның 25 жылдығына қатыстыларын теріп алу қажет.
Тәуелсіздік Елтаңба Әнұран Ту Шаңырақ Президент Астана Ата Заң Теңге Тоқтар Әубәкіров Назарбаев 26 жыл 16 желтоқсан Ресей Путин Соғыс жамандық аштық бүркіт барыс

• Дұрыс, балалар. Міне біздің халқымыздың 26 жылда жеткен жетістіктерінің біразы осындай. Енді елімізді ары қарай дамытатын, биікке самғататын сендерсіңдер. XXI ғасыр-Білім ғасыры.Бүгінгі білім – ертеңгі байлығымыз. Біз гүлденген Қазақстанға өз білімімізбен үлес қосуымыз керек.

Тақпақ

3.Қорытынды бөлім

Әр топ өздері сабақ басында құраған жүректеріне Қазақстанға деген тілектерін жазып, тақтаға іледі.

Елім, Жерім, Отаным деген қасиетті ұғымдар әр адамзаттың өз табалдырығынан, өз отбасынан, өз қаласынан, өз өлкесінен басталады. Яғни өз отбасыңды, мектебіңді, достарыңды сыйлаудан, жақсы көруден басталады. Сендер мектеп ережелерін қатаң ұстап, ұстаздардың берген білімдерін миыңа сіңіре білсең, ата-анаңды сыйласаң, Отанның дамуына қосқан үлесім деп біліңдер.

Ендігі мақсатымыз – ұлттық рухты көтеру, халқымыздың аса бай рухани қазынасы – ана тілімізді ардақтау.

Хор: «Туған жер», «Отаным-Қазақстаным»