Ашық тәрбие сағаты 6 сынып "Жүрек жылуы"

Автор: Капасова Назым Жаксылыковна
Ашық тәрбие сағаты «Жүрек жылуы»
Сыныбы: 6
Мектеп: «Маяковский атындағы орта мектебі»

Әнұран орындалады

Мұғалімнің сөзі: Жан-жағына нұр шашып
Арайлап жарқын таң атса,
Жер бетінде жайқалып,
Көгеріп өссе көк майса,
Жүрегім жыли бастайды.
Оралғанда сапардан
Алдымнан жақын жан шықса,
Кездескенде достарым
Құшағын маған кең ашса,
Жүрегім жыли бастайды.

Дей отырып « Жүрек жылуы» атты ашық тәрбие сағатымызды бастаймыз.
Мақсаты: Балалардың бойларындағы адамгершілік, қайырымдылық, сүйіспеншілік, ізгілік, инабаттылық, ақылдылық, әдептілік қасиеттерін ояту.
Міндеттері: - Жақсы тілек, ізеттілік, ізгілік туралы түсініктерін қалыптастыру;
- Қайырымдылық қарым - қатынас жасау, іскерліктерін дамыту;
- Мейірімділікке, ізгілікке тәрбиелеу.
Көрнекі құралдар:,видеосюжет, проектор, слайд.
1. Шаттық шеңбері:
Сәлеметсіздер ме, менің қымбатты достарым. Мен сендерді көргеніме өте қуаныштымын.
- Біздің бүгінгі сабағымыз «Жүрек жылуы» деп аталады. Олай болса, шаттық шеңберіне тұрайық.
- Балалар қолдарыңызды жүрек тұсына бір сәт қойып, дүрсілін тыңдап көріңдерші. Сендердің жүректерің мейірімге, қайырымға, махаббатқа, жылы сезімге толы. Адам бойындағы бар жылу мен мейірім жүректен шығады. Енді осы жүректен алған жылуымызды айналамызға шашып бөлісейік.
2. -Әңгімелесу. Рухани жаңғыру жолында
- Мейірімділік дегенді қалай түсінесіңдер?
Мейірімді адам өзге адамға, туған - туыстарына, табиғатқа деген жанашырлық сезімін, қамқорлығын көрсетуге дайын тұрады. Әрқашанда адамдар бір - біріне жылы сезімдерін білдіріп, тек жақсылық ойлау, игілік жасау арқылы мейірімділік таныта алады.
3.- Табиғатқа қамқорлық жасаған кездерің болды ма?
- Сендер үлкендерге қандай көмек көрсеттіңдер?
4.- Рухани жаңғыру жолында әр адамның жүрегі мейірімді де қайырымды болу үшін не істеу керек?
Парасатты болу
Жақсылық жасау
Қамқорлық көрсету
Көмек беру
Мейірімділік көрсету
Жанашырлық таныту
Ізгілік
Адамгершілік сақтау
6.Видео көру(ой толғау)
7.Кластер жасау

Жүрек жылуы

8. Ал балалар айтындаршы, мейірімділікті біз кімнен үйрену керекпіз?
Әрине анамыздан. Ана деген кім ?Ана туралы қандай өлендер, мақалдар білесіңдер.
9. .Тапсырма.
- Сен досыңмен көлге шомылуға бардың. Расұл досыңның «Құтқар» деген даусын естідің. Сен не істер едің?
- Сен жолда келе жатырсың. Шұңқырға түсіп кеткен балапанды көрдің. Балапан «шиқ - шиқ» етіп шығудың әрекетін жасайды. Бірақ оған шамасы келмейді. Айым, осы жағдайда сен қандай әрекет істер едің?
Жүрегінде жылуы бар адамдардың көмекке мұқтаж жандарға, жан - жануарларға, табиғатқа қамқорлық жасайды. Жақсылық жасау – адам жүрегіндегі ең асыл қасиеттерінің бірі. Жақсы адам қол ұшын беруге, жәрдем етуге, жанашырлық танытуға, көмек көрсетуге, қолдау жасауға әрдайым дайын тұрады.
Жүрегінде жылуы бар адамдардың көмекке мұқтаж жандарға, жан - жануарларға, табиғатқа қамқорлық жасайды. Жақсылық жасау – адам жүрегіндегі ең асыл қасиеттерінің бірі. Жақсы адам қол ұшын беруге, жәрдем етуге, жанашырлық танытуға, көмек көрсетуге, қолдау жасауға әрдайым дайын тұрады.
10. Жақсылық жерде қалмайды
Жақынды досты аяла,
Қанаттың сонда талмады.
Барыңды жұрттан аяма,
Жақсылық жерде қалмайды.
Жайдары жүзбен жарқыра,
Қатыгез болу-сол қайғы.
Қайырымды бол халқыңа,
Жақсылық жерде қалмайды. С. Бағай
11: Біз бақытты баламыз балалар суре салады
12. « Біз өмірдің гүліміз» деген әңді айту
Зеңгір көктен
Нұрын төккен
Ортақ біздің күніміз.
Жайдары өскен,
Біз өмірдің гүліміз.
Бал достыққа,
Жолдастыққа
Шақырады әніміз,
Тыныштықта,
Нұр құшақта
Бақыттымыз бәріміз!
Осымен сынып сағатымыз аяқталды. Сау болындар!

Анализ
Этот открытый классный час призывает учашихся 6 класса быть милосердынми по отношению к окружающим. Через бесебу про милосердие и доброту, через любови к матери и окружающим, через патриотизм была раскрыта эта тема. Своими добрыми песнями, стихами, добрыми пожеланиями и красивыми высказываниями был закончен этот классный час.