Ашық тәрбие сағаты Айналайын анашым

Ана - өмірдің гүлі!

Сабақтың тақырыбы: Ана - өмірдің гүлі!

Мақсаты: 8 - наурыз аналар мен қыздар мерекесін атап өту. Отбасының

берекесі, бүкіл адамзаттың өмірі, өмір гүлі аналарды, нәзік

жанды қыздарды сыйлауға үйрету;

Қыздарды әсемдікке, іскерлікке баулу;

Аналарына деген балалық махаббатқа, ер балаларды қыз балаға

деген қамқорлыққа, сыйластыққа тәрбиелеу.

Көрнекіліктер: Құттықтау сөздері жазылған плакаттар,слайд, шарлар, магнитофон, үнтаспа.

Мұғалім: Құрметті ақ жаулықты әжелер, асыл аналар, қадірлі ұстаздар, қымбатты қыздар! Сіздерді 8-наурыз халықаралық әйелдер күні мерекесімен құттықтаймын. Бұл күн тамаша мереке, көктем мерекесі, табиғаттың оянатын мезгілі. Ең жылы сезімдер – қайырымдылық пен кішіпейілділік, үміт пен сенім, махаббат пен адалдық бірігеді. Осы тамаша күнге орай ұйымдастырылған «Ана өмірдің гүлі» атты тәрбие сағатымызға қош келдіңіздер!

Жүргізуші; "Ана дегеніміз – әлемнің жан – дүниесі, оның бастауы мен таусылмайтын жалғасы. Ол – тіршілік, үлкен тағдыр, махаббат пен шабыттың нәрі. " Ана" сөзі бізді елең еткізбей, жылылық пен шуақты сездермей қоймайды! "

Хор «Анашым әні»

Шұғыла: Ана деген - адамзаттың данасы,

Ана деген - сәбилердің панасы.

Ана деген – жарық жұлдыз шырағың,

Ана деген - қайнар ыстық бұлағың.

Ана деген - өмірдегі қамқорың,

Ана деген - сүйенерің жан құрбың!

2 оқушы: Ана десе сезім билер тым ыстық,

Жарасымды адамдарға туыстық.

Бір адамға берсе ана мейірім,

Орнар еді бар әлемде тыныштық.

Әдемі: Адамзат қуат алар ақ сүтіңнен,

Мәпелеп әлдилеген пейілің кең.

Аналық махаббатың кәусар бұлақ,

Сөнбейтін ақ жүрегің мәңгі шырақ.

Жастар күйі» Серикбаева Ләйләның орындауында

Қару :Тосып тәтті дәмдерін,

Ол бар жерде бал жедім.

Мен ұйықтарда айтады,

Ертегісін, әндерін.

Біздің үйде осындай,

Әжетайым бар менің!

Шұғыла; Әже менің бұл әжем

Айтқан сөзі дәл әжем

Аман болса көреді

Қызығымды әлі әжем

Һарун: Ана деген - бастауы ұлылықтың,

Ана деген - рәмізі сұлулықтың.

Ана деген бір жыр бар шырқалатын,

Асқақтатар биікке ұрпақ атын.

Шамшархан Қарудың орындауында "Бозторғай" әні

Аяла : Ана деген - бәйтерегі өмірдің,

Ана деген - қуанышы өмірдің.

Ана деген - әрбір үйдің жылуы,

Ана деген - гүлі туған өмірдің

Раяна: Құрметтейік, о, адамдар аналарды,

Бізді өмірге әкелген даналарды.

Себебі ана деген асыл жан ғой,

Ойлауменен істелік әр қадамды.

Асилбек Шұғыланың орындауында "Кукарелла" биі

Ақайша: Ана деген - ақылшың,

Анаң барда батырсың.

Қасыңда кім болса да

Тек анаңа жақынсың!

Ерасыл :Бір өзіңнен бастап өмір жолдарын,

Жүрегіңе жүрегімді жалғадым.

Өзің мына сыйға берген өмірде,

Ақ сүтіңді ақтап өту-арманым.

Ләйлә: Барша ана,құтты болсын мерекеңіз,

Әрқашанда ана сізбен берекеміз.

Ақтасақ ақ сүтіңді,асыл анам.

Сонда біз кісілікке теңесеміз.

Гусейнова Раянаның орындауында "Әкеге мың алғыс"әні

Мөлдір: Өмірде ана бұлақ, ана пана,

Өмірді өркендетер ана ғана.

Өсірген талай көсем, талай шешен,

Талай ер, талай ақын, талай дана.

Алинур: Сегізінші наурызда,

Құттықтаймыз ананы.

Теңеп оны жұлдызға -

Сый тартамыз бағалы!

Абдулла: Ана - біздің елде ардақты адам,

Кіші де, үлкен де оны ардақтаған.

Өзінің аяулысы - Отанды да,

Ана деп біздің халық текке айтпаған

Ауесхан Аяланың орындауында«Өзбек биі».

Айсултан: Анаң болса қасыңда,

Басқа бақыт не керек.

Аналардың жүрегі,

Мейірімді ғой керемет.

Көрініс « Мейірімді бала» (авт.Ерасыл, анасы –Ләйлә , балалары – Абдулла, Қару, Һарун) .

«Жүргізуші: Дүниедегі барлық өмірдің сарқылмас бұлағы - ана. Ақын да,

батыр да анадан туады. Ана - үйдің берекесі, қыз баланың

өнегесі, отбасының темір қазығы, шаруаның несібесі.Ананың көзінен төгілген нұр жан - жағына шуағын шашады, олай болса,

- Достар, бізге осы жарық дүниені сыйлаған кім?

Бәрі: - АНА

Мұғалім: Бізді дүниеге әкелген кім «Ана» дұрыс айтасыңдар енді тақтаға бала жүректеріңнен шыққан жыллы лебіздеріңді, сөздеріңді жабыстырыңдар!

Би«Алаш»

Ән: «Аяулы анашым» хор

Құрметті аналар, мерекелеріңіз мерекеге ұлассын! Білімді де сүйкімді, өнерлі де сымбатты қыздарыңыз бен ұлдарыңыздың қуанышына тоймай, ұзақ өмір сүріңіздер!

Назарларыңызға рахмет!!!