Ашық тәрбие сағаты: "Гүлдер мерекесі" мектепалды даярлық тобы

Тақырыбы: «Гүлдер мерекесі»

Мақсаты: Балаларға гүлдердің атын атай білуге үйрету. Гүлдер туралы білімдерін әрі  Қарай дамыту. Гүлдерді күтіп баптауға, әдемілікке, сұлулыққа деген сезімдерін ояту арқылы табиғатты қорғай білуге тәрбиелеу.

Әдіс-тәсілдер: түсіндіру, үйрету, ойын, сұрақ-жауап, әңгімелеу.

Көрнекіліктер: Әртүрлі гүлдердің суреттері, ойынға қажетті суреттер.

Балалар бүгін біздерге көптеген қонақтар келіп отыр, қане келген қонақтармен амандасып алайық.

Амандасу:

Шеңбер болып тұрайық,

Алақанды ашайық.

Күннің нұрын шашайық,

Таза ауаны жұтайық.

Жүрекке жылу салайық,

Жиналған жылы шуақты.

Қонақтарға шашайық!

Таң ғажайып сәт.

Гүлдер ханшайымы келеді.

- Сәлеметсіздер ме балалар? Мен сіздерге қонаққа келдім. Мен гүлімнің бір күлтесін жоғалтып алдым. Маған көмектесесіңдер ме?

- Ия, көмектесеміз.

- Жарайсыңдар, балалар.

(Балаларға гүлдер туралы айтып беру.)

- Балалар бәріміз тақтаға назар аударайық. Нелердің суреттерін көріп тұрмыз?

- Гүлдердің.

          Балалар енді осы гүлдер туралы гүл ханшайымына тақпақтар айтып берейікші.

 Әйгерім:                       Түймедақ деген гүл болам,

                                        Достарым менің қызғалдақ

  Өсе тұғын жайқалып,

                                        Көп болса екен саябақ.

Дильназ:                      Құлпырған мен раушан гүлімін,

                                        Жапырағым жайылған.

                                        Сұлулық бар бойымда,

                                        Тамырым кең тараған.

-Жарайсыздар балалар, тақпақты өте жақсы айтады екенсіздер.Енді менің сіздерге алып келген тапсырмаларым бар орындауға дайынсыздар ма?

-Ия.

-Балалар,гүлдер ханшайымының тапсырмаларын орындасақ оның бір күлтесін тауып береміз,көмектесеміз бе?

 1. Тапсырма. «Сиқырлы гүлдер» ойыны.

Ойын шарты: Әртүрлі гүлдер берілген, балалар көздерін жұмады. Сосын тәрбиеші бір гүлді алып жасырып қояды, балалар көздерін ашып қандай гүл жоқ екенін табулары керек.

2. Тапсырма.  «Пішіндерді ата» ойыны.

Ойын шарты: Берілген гүлдердегі пішіндерді балалар жеке-жеке атап берулері керек.

Сергіту сәті:

Бір саусағым тіпті де,

Ұстай алмас жіпті де.

Екі саусақ бірікті,

Ине қолға ілікті.

Үш саусағым оранды,

Жүгіртеді қаламды.

Өнерлі екен он саусақ,

Қала салсақ ,жол салсақ.   

3. Тапсырма. «Ненің бейнесі?»  ойыны.

Ойын шарты: Қиылған пішіндерді құрастырып, ненің бейнесі екенін атап айту.    

4. Тапсырма. «Жануарларды тамақтандыру» ойыны.

Ойын шарты: Берілген жануарлардың қайсысы қандай тамақпен қоректенетінін айырып  айтып беру.

Гүлдер ханшайымы:

- Жарайсыңдар, балалар, ойынға барлығың да жақсы қатыстыңдар, менің тапсырмаларымды орындап, менің күлтемді тауып бердіңдер, сіздерге көп-көп рахмет.

Балалар гүлдер ханшайымын шығарып салады.

Қазақстан Республикасының Білім және ғылым министрлігі Зайсан ауданының әкімдігінің «М. Әуезов атындағы орта мектебі » КММ

ТАҚЫРЫБЫ:

«Гүлдер мерекесі»

ашық тәрбие сағаты

Даярлық «В»тобы: Мейрамбаева Айжан

Сайлаубаевна

Зайсан қаласы

2018 жыл

Тақырыбы:  «Гүлдер  біздің  сәніміз»

Мақсаты: Гүлдердің  түрлерімен  таныстыру Гүлдердің  түр – түстерін  ажырата  білуге  баулу. Өсімдіктерді күту  ережелерімен  таныстыру. Түстер  туралы  ұғымын  бекіту, түстердің  атын  білуге  машықтандыру. Сөздік  қорын  молайту, тілдік  белсенділік  қызметін  арттыру. Гүлдердің  түр – түстерін  есте  сақтау, қабылдау, ойлау  сезімдерін  дамыту. Түған еліннің табиғатына, гүлдер мен өсімдіктерге қамқорлық көрсетуге, күтуге, сүйіспеншілікке жастайыннан тәрбиелеу. 
Жаңа  сөздер: қызғалдақ, күнбағыс, раушангүл, түймедақ, лалагүл, бәйшешек, бақытгүл, «жеті қазына».
Көрнекі  құралдар: экран-проэкторға салыған  гүлдердің  суреттері, қойылған  бөлме  гүлдері, қиылған  гүлдердің суреттері.
Әдіс- тәсіл: әңгімелесу, көрсету, түсіндіру, сұрақ- жауап.
Сабақ  барысы: Балалар  жарты  шеңбер  болып  тұрып, бір- біріне  күлімдеп, келген  қонақтармен  амандасады.
Балалар: Білер  қазақ  баласы
                  «Сәлем»-  сөздің  анасы
                  Алдымыздан  кезіккен
                  Көп  танысты  көреміз
                  Бәріне  де  ізетпен
                  Біздер  сәлем  береміз
Тәрбиеші: Балалар,  келіңдер  шеңбер  болып  отырайық, бәріміз  көзімізді  жұмып, әуенді  тыңдайық. Осы  кезде  гүлдердің  киімдерін  киген  қыздар  келеді. Балалар  орындарынан  тұрып,  орындыққа  отырады. Олай  болса  мен  сендерді  гүлдермен  таныстырайын.
   
Бәйшешек:  Бес  дегенім  бәйшешек
( Меруерт)   Бірінші  гүлі  көктемнің
    Бәйшешекті  оятар
    Баяулап түртіп, көктен  нұр.
Түймедақ:  Түймедейін  сары  дақ  ортасында,
( Анеля)     Тарала  өскен  ақ  гүлі  бар  қасында
    «Түймедақ»  деп  аталып  кеткен  екен,
    Түймеге  ұқсас  сол  дақтың  арқасында.
Қызғалдақ: Қырқалардың  төрінен
( Айнамкөз)Лаулап  көзге  ұрады
     Қызғалдақтар  өңірді
    Қып- қызыл  ғып  тұрады
    Лалагүл:  Лаулап  оттай  шілде  айында лалагүл,
( Айғаным)  Лала  гүлмен  құлпырады  дала  бір
    Ләззат  алмау  мүмкін  болмас  көркінен
    Лалагүл  де өзгеше  әсем, дара  гүл  

Күнбағыс: Көк  төсінде  алтын  күн
Көрінгенмен  мұнша  алыс
                     Келеді  одан  көз  алмай    
                     Кербез  сұлу  күнбағыс
Раушангүл: Әдемімін, менен  қай  гүл  аса  алған
Әуелден  -ақ  «Гүл патшасы»  атанғам
    Әсемдік  пен  хош  иістен  нәр  алдым 
     Әлемнің  көп  жерлеріне  таралғам
Бақытгүл:  Бұл  әсем гүл күзде, ұзақ  гүлдейді
Басқа  гүлдей  шілдеде өмір  сүрмейді
                     Бір  мереке  бар  жапондар  елінде
                     Бақытгүлі  тұрады  оның  төрінде
Сергіту  сәті: Жайқалады  ағаштар,
                            Бетімізге  жел  еседі,
                            Кіп- кішкентай  балалар,
                             Үп- үлкен  болып  өседі.
                            Біз  гүлдерше  өсеміз 
                            Жапырағы  жайқалған
                            Сабақтары  салалы,
                            Желмен  бірге жайқалған    
           
Жарайсыңдар  балалар!  Балалар  орындыққа  отырады.
Ойын: «Жеті  қазына»
Шарты: Қоржыннан  түрлі- түске  боялған  асықтарды, балалар  бір-  бірден  шығып, алады.  Қандай  түсті  алса  тура  сол  түсті  гүлдің  шоғырын  алып, оның  ішіндегі  суретін  атап  әңгімелейді.
Әңгімелеп  болған  соң, тақтаға  іледі.
Тәрбиеші:  Балалар  бәріміз  енді  мына  үлкен  теледидарға  қарайық. «Түстерді үйренеміз»  атты  слайдқа  қарайық.
Қыздардың  орындауында  «Гүлдер»  биі.
Балалардың  шығармашылық  жұмысы  «Меруерт гүлін»  жапсыру. Номинациялар бойынша балаларграмоталар тарату.