Алматы облысы, Іле ауданы, Чапев ауылы «№45 орта мектеп» МКМ

Авторы Калибекова Алма Жамбуловна математика пәнінің мұғалімі

Ашық тәрбие сағаты

Тақырыбы: «Мен және менің отбасым»
Мақсаты: Оқушыларға «Отбасы» туралы, оның құндылығы туралы түсінік беру. Жанұядағы сыйластыққа, адамгершілікке, инабаттылыққа, үлкенді үлгі, кішіні мақтан етуге, отбасының бірлігін сақтап, ата - ана алдындағы парызын өтеуге, жанұяның мақтанышы болуға тәрбиелеу.
Күтілетін нәтиже: Отбасының қоғамдағы орны туралы біледі.
Тапсырмаларды орындауда сындарлы ойлайды, ізденеді, ой түйіндейді.
Түйінді түсінік: Отбасы, адамзат, қоғам.
Керекті жабдықтар: Интербелсенді тақта, компьютер, бағалау, смайликтер, кері байланыс парағы,

«Қолданылатын әдіс – тәсілдер: Топтық жұмыс: сыни тұрғыдан ойлау стратегиясы

Ұйымдастыру кезеңі

Оқушылармен амандасу.
- Оқушылар, көңіл-күйіміз қалай?

• Сабағымызды бастамас бұрын барлығымыз шаттық шеңберіне тұрайық.
  Шеңбер – бұл әлемдегі мейірімділік, жақсылық,тұтастық. Шеңбер арқылы – бір – бірімізге күлімдеп қарап, бақыт, қуаныш, жылылық таратайықшы.
  
  

• Оқушылар сандық қағазды таңдау бойынша мақал-мәтелдерді құрастырып 3 топқа бөліну.
  Әке-асқар тау, _____ (ана-бұлақ), бала- ________(жағасындағы құрақ)
  Әкеге қарап _______(ұл өседі), шешеге қарап _________(қыз өседі)
  Отбасы-адамзат ____________ ( бесігін тербеткен ұя)

- Балалар, біз неге осы сөздер арқылы бөліндік?

Кіріспе

-Отбасы дегеніміз не? Қалай түсінесізіңдер? Отбасы қандай болуы керек? Отбасы деген ол сіздер өскен шағын мемлекет, яғни жанұя бірлігі, ынтымақтастығы, достығы, өзара сыйластықтары. Сыйластық, жарастық орнаған орта; шағын мемлекет;ата-әже, әке-шеше; қоғамның басты негізі; бала тәрбиесінің алғашқы ұжымы; адам ғұмырының тірегі.
Отбасы әр адамның шағын отаны.Отбасынды өсіп-өніп тәрбие алады. Біз жастаймыздан өзгелерге қамқор болуды, ата-ананы үлкендерді сыйлауды, жақсы көруді отбасынан үйренеміз. Бізге ең жақын ең қымбат жандар отбасында яғни бірге жанымызда болады. Отбасы ата –әженің ұрпағынан тарап, шағын мемлекетке айналады.
Отбасы- Бірге тұратын, бір -біріне қамқорлық жасайтын және ортақ шаруашылық жүргізетін бір үйдің адамдары.

1 топ «Мен және менің отбасым»,

2 топ «Отбасының тірегі – сүйіспеншілік»

3 топ «Отбасы болу бірлік және сенім» атты әр топ тақырыптың мазмұнын, тақырыбын, идеясын, тәрбиелік мәнін ашу мақсатында жоба құрады, қорғайды.

• Отбасы туралы пікірлерін ортаға салады, бағалайды (бас бармақ әдісі бойынша бағалайды басқа топ).

Ата-ананың қадірін білмеген – халық қадірін білмес
(Ғ. Мустафин) дана сөз текке айтылмаған

Жаднама айту оқушыларға

«Ата-анам – ардақтым!»
Ата-анаңды өмір бойы сыйла!;
Ата-анаңа ауыр сөз айтпа;
Күнде таңертең амандас;
Үй шаруасына қолғабыс ет;
Алыста жүрсең жиі хабарласып тұр;
Ата-анаңа жаманат келтірме;
Өзің есейгенде рухани, материалдық жағынан қарасып тұр!;
Ата-анаңның достарын сыйла;
Қартайған шақтарында көңілдерін аула!;
Ауырып-сырқағанда қабақ шытпай бақ!;
Олар қандай жағдай да сен үшін «ең асыл жандар» екенін ұмытпа!

Кері байланыс парағы:
Бүгін мен сабақта білдім (нені)?
Бүгін мен сабақта үйрендім (неге?)
Бүгін мен үшін күтпеген нәрсе болды (не?)

• Жыр арнау топтық ән (әр топ) балдык жүйемен

Қорытынды ашық тәрбие сағатына қатысқан үздік топтар мактау қағаздарымен марапатталады.