Ашық тәрбие сағаты "Менің ауылым" 5 сынып

Сабақтың аты

Менің ауылым

Сілтеме

жоспар

Жалпы мақсаты

Оқушыларды туған ауылдың өткен тарихымен таныстырып, туған жерге деген ыстық сезімін бөлісуге, әр баланың елін, Отанын қадірлеуге бағыттау.

Күтілетін нәтиже

Оқушыларды туған ауылдың өткен тарихымен танысады, бір-бірімен туған жерге деген ыстық сезімдерімен бөліседі, әр бала елін, Отанын қадірлеуді ұғады

Негізгі идеялар

оқушыларды халқымызға болашағынан үміт күтетін білімді ұрпақ керек екенін ұғындыру.

Тапсырмалар

Топтық жұмыс «Болжау-зерттеу әдісі»

Тапсырмалар

Жұптық жұмыс « Қос жазба күнделігі»

Тапсырмалар

Жеке жұмыс «РАФТ» әдісі

Сабақ бойынша мұғалімнің жазбалары: (мұғалім және оқушы немен айналысады)

І.Ұйымдастыру

1. Сынып оқушыларына жағымды ахуал туғызу. (1 минут)

Топқа бөлу тренингі. «Айна»
Екі адам бір-біріне қарап тұрады, біреуі айна, екіншісі айнаға караған адам болады. Таңертең ұйқыдан тұрып, айнаға қарайсыңдар, сабаққа шығып кеткенше жасайтын іс-әрекеттеріңді айнаға қарап көрсетеді. Сонда екеуі де куледі. Осы тренинг арқылы жағымды эмоциямен сабаққа кіріседі. Топқа бөлу (таңдап алынған карточкалардың астындағы суреттер бойынша /1 топ- балық түрлері, 2 топ – балық құралдары , 3топ – балық өнімдері ( 2 минут)

ІІ. Қызығушылықты ояту. Менің ауылым (5 минут)

Ауыл туралы видеоролик көрсету

«Бір әңгіме қозғашы ауыл жайлы

Бұдан артық рахат табылмайды.

Бұлдырасын сағымдай өткен бір күн,

Бір әңгіме қозғашы ауыл жайлы».

М. Мақатаев.

Ауыл — адамзаттың кең дүниенің есігін ашып, өмірге келген жері. Бізге дейін сан толқын ұрпақтың кіндік қаны мен маңдай тері тамған киелі мекені. Дүниедегі ең құдіретті  АНА болса, ауыл да бар лық халықтың анасы, тіршіліктің нәрі.

Ауыл — халқымыздың бойына нәр құятын алтын бесігі, негізгі мекен –жайы, ұлттық рухтың қуат алар қайнар көзі. «Гүлденсе ауыл, гүлденеміз бәріміз» дегендей, ауыл көркейсе, халық өмірі жақсарады, әлеуметтік жағдайы көтеріледі деген сөз.  Жусаны мен жуасы бұрқыраған, ауыл төсінде жайқалып егін өссе, жайылып мал өрсе – ауылдың сәні емес пе?

Жүгі нарда, қазаны теңде болып, көшпелі ғұмыр кешкен қазақ халқының ертеден-ақ ежелгі мекені – ауыл болғаны анық. Яғни, ауыл – ұлтымыздың ұйытқысы.Елбасымыздың: «Біз кез-келген ұлттың түп-тамыры ауыл жұртында жататынын естен шығармауга тиіспіз» ,- деген сөзі өте дұрыс айтылған.

Ауыл – қазақтың алтын бесігі, салт-дәстүрі, өлең-жыры, өнері, мәдениет пен адамгершілік ортасы. Сөз өрнегін оймақтап, жырдан кесте тіккен ақын-жазушыларымыз да, өз өрнегін айшықтаған сазгер , күйшілеріміз де, аты аңызға айналған даналарымыз да сол қарапайым ауылдың қара шаңырағынан шыққан.Саналы әрбір азаматқа туған ауылдың ұлтарақтай жерінің өзі қымбат қазына болуы тиіс. Жұмыр жер өз төсін мекен еткен барша халықтың шежіресін жаза беретін мәңгілік кітап тәрізді.

ІІІ. Топтық жұмыс «Болжау-зерттеу әдісі» бойынша Кеше, бүгін, ертең кестесі (15 минут)

І топ: Кеше- Өткен ауыл тарихы туралы баяндау

ІІ топ: Бүгін- Бүгінгі ауыл келбетін суреттеу

ІІІ топ: Ертең –Болашақ ауылды қалай елестетесің эссе жазу

ІV .Жұптық жұмыс « Қос жазба күнделігі» ( Мақалдың жалғасын тауып, мағынасын ашу)

(4 минут)

V. Сергіту сәті (Оқушылар өнері) (2минут)

VІ. Жеке жұмыс «РАФТ» әдісі

Р – роль
А – аудитория
Ф – формасы
Т - Тақырыбы

VІІ. Кері байланыс.

«Бір  сәт  қуаныш»  бүгінгі  сабақтан  алған әсері  туралы  жазып, тақтаға  іледі.

1. Тәрбие сағаты ұнады ма?

2. Қиын тапсырма кездесті ме?

VІІІ. Қорытындылау

  Әрбір жан ауылдың тұрмысы мен тіршілігі, мәдениеті мен ғылымы, хал-жағдайларының жақсаруына қолдарынан келгенше үлес қосуы керек. Себебі ауыл күйзелсе, халық өмірі жақсармайды.

Алдағы уақытта барлық адамзат көрікті ауыл, келбетті қалада бақытты тұрмиыс кешуге тиіс. Жасампаз ауылдың тұтқасы – білімді де өнегелі жастадың қолында. Ауылдың көркеюі – жастардың санасы мен сезіміне,рухы мен ерлігіне, білімі мен билігіне байланысты. Сол үшін біз білім шыңына талаптануымыз керек!Терең білім, тума талант, дархандарын ауылдың ауасымен сусындаған жастардың бойында мол.

Қазақ ауылы гүлденсе, әр атқан таңнан үміт күтетін ауыл халқы үшін зор қуаныш екені сөзсіз.

Келешекке үлкен сеніммен көз тастасаң, біздің ауылымыз — сәулеті асқан, дәулеті тасыған, рухани дамыған, берекелі де, мерекелі, құтты мекенге айналады. Міне, сондықтан да балалар, осы ауылды көркейтуге  келешекте өз үлестеріңді қосады деп ойлаймын.Тектіліктің тамырын тереңге тартқанын ойлайтын халықпыз ғой. Өткенімізден өнеге алар, үлгі болар сәттерін еске түсіріп, естелігін тыңдап, тағылымын ұғынып өсуге арналған бұл тәрбие сағатымыздың мәні зор.

Сондықтан ауылдан жырақ жүрсекте,

 «Қарашада қара үй тұр,

                                          Қарайлай жүр артыңа» — деген жырау сөздерін естен шығармасақ екен.
Елдің еңсесін көтеру жастардың мойындағы міндеті, бабалар заманнан қалған арман – тілекті алға апарушы жастар екенін әрбір жас білуі тиіс. Құрметті қонақтар, оқушылар Аманаттың ақ ордасы – ауыл. Ауыл мәдениетін көрейік. Аманаттың ақ жолына қанат қағайық ағайын. Міне, осымен «Менің ауылым» атты тәрбие сағатымыз аяқталды.

Ән-шашу «Ауылға кеткім келіп тұрады»