Ашық тәрбие сағаты "Қазақстанның тәуелсіздігі - еліміздің басты бағыты" 4-сынып

Тақырып бойынша 11 материал табылды

Ашық тәрбие сағаты "Қазақстанның тәуелсіздігі - еліміздің басты бағыты" 4-сынып

Материал туралы қысқаша түсінік

материалдың бастауыш сынып мұғалімдеріне көмегі бар.

Материалдың қысқаша нұсқасы

Тақырыбы: «Қазақстанның тәуелсіздігі – еліміздің басты бағыты»Мақсаты:

Болашақ ұрпақтың рухани тұлғалық және адамгершілік құндылықтарын дамыту.

Отанын сүюге,ел тарихын білуге,еліміздің мемлекеттік рәміздерін қастерлеуге,отанымыздың байлығын қорғауға,елімізді өркендетуге білімді ұрпақ болуға тәрбиелеу.

Оқушыларға бостандық, теңдік, тәуелсіздік ұғымдарын кеңінен түсіндіру, білімдерін кеңейту.

Қаншама құрбандықпен қол жеткен тәуелсіздігімізді құрметтей , қастерлей білуге тәрбиелеу, Қазақстанның келешегі үшін аянбай еңбек етуге шақыру. Туған жерін, елін сүйетін, ұлтжанды, намысшыл, адамгершілігі мол азамат етіп тәрбиелеу.

І. Ұйымдастыру кезеңі.Қайырлы күн, қымбатты ұстаздар мен оқушылар!-Бүгінгі тәуелсіздік күніне арналған «Қазақстанның тәуелсіздігі – еліміздің басты бағыты» атты ашық тәрбие сағатымызға қош келдіңіздер!Еліміздің тәуелсіздік алуы - халқымыздың тарихында жаңа дәуірдің бетін ашты, бүкіл қоғамдық өмірімізге жаңа леп, серпін ала келді. Кез-келген мемлекеттік рәміздің ең маңыздысы — гимн. Гимн мемлекеттік салта- натты ән. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған. Әнұраным – жан ұраным, Айтар әнім, сөйлер сөзім. Мәңгі бақи шырқалады Республика Әнұраны!ҚР мемлекеттік гимні орындалсын.-Оқушылар, біз тәуелсіздігімізді қашан алдық? Биыл тәуелсіздігімізге неше жыл толды?ІІ. Негізгі бөлім. Еліміздің рәміздері қашан қабылданды, авторлары кімдер, несімен ерекшеленеді? Міне, осы сұраққа толығырақ жауап алу үшін бейнежазбаға назар аударайық!Еліміздің өзіне тән туы, елтаңбасы, гимні бар. Гимннің авторлары- Ш.Қалдаяқов, Ж.Нәжімеденов, Н.Назарбаев. Қазақстан Республикасының Мемелекеттік туы көгілдір түсті. Онда Алтын күн бейнесі, шарықтай ұшқан дала қыраны және ұлттық ою-өрнек нақышталған тік жолақ бар. Тудың көгілдір түсі - бұлтсыз ашық аспан, бейбітшілік белгісі. Күннің нұр шұғыласы - байлық пен берекенің, тыныштық пен жылылықтың белгісі. Қыран бүркіт – тәуелсіздік белгісі. Өрнек – салт-дәстүрдің белгісі. Мемлекеттік тудың авторы – Шәкен Ниязбеков.Қазақстан Республикасының елтаңбасының бастысы- шаңырақ. Шаңырақ – киіз үйдің күмбезі, ол күн бейнесін, ал уықтар одан тарап жатқан алтын сәулелері.Қазақта «Ат- адамның қанаты» деген мақал бар. Елтаңбадағы тұлпар бейнесі дала пырағы оның шапшаңдығы ер жігітті тәуелсіздікке жетелейді. Бесбұрышты жұлдызы - әр адамның өміріне бағдар беретін өз жұлдызы сияқты. Күн мен айды , жұлдызды кие тұтатын халқымыз «Жұлдызың жарқырай берсін» деген асыл арманын айтып тұрғандай. Елтаңбаның авторлары - Шота Аман Уәлихан және Жандарбек Мәлібекұлы.

Бейнежазба негізінде сұрақтарға жауап беру1.Гимнның сөзі мен әнін кімдер жазған? (Сөзі:Жұмекен Нәжімеденов, Нұрсұлтан Назарбаев. Әні: Шәмші Қалдаяқов) 2. Елтаңба авторы кім? (Шота-Аман Уәлихан, Жандарбек Мәлібекұлы)3. Тудың авторы кім? (Шәкен Ниязбеков)

Поэзия минутына кезек берейік.Нұрбек:Атыңнан айналайын егемен ел, Тәуелсіз күнің туды кенеле бер. Мерейің құтты болсын Қазақстан! Ғасырлар тойы болшы келе берер!

Аружан:Ел болдық егеменді, теңдік алып, Бар әлем қазақ елін болды танып Қойнауы кенге толы Қазақ елі, Жыл сайын келеді өсіп, қанат жайып.

Шынтас:Кең далалы, кең пейілді қазақпыз, Құл емеспіз, еркін жанбыз, азатпыз Ел намысын ешбір жанға бермейміз, Өмірді алға бастырамыз өрлейміз.

Райымбек:Тәуелсіздік, тәуелсіздік, жыр-әнім, Ел іргесі берік болсын – ұраным. Тәуелсіздік - өзіңді еркін сезіну, Салт-дәстүрім – қолдан түспес құралым.Ойын «Мақал-мәтел» жалғасын тап.1.Туған жердей жер болмас, Туған елдей ел болмас2. Отан үшін отқа түс – күймейсің3. Отанды сүю отбасынан басталады.4.Еңбек түбі-береке5.Ерлік бірлікте емес,жүректе6.Көз қорқақ,қол батыр7.Үлкенді сыйласаң- қадірлі боласың Кішіні сыйласаң-құрметті боласың8.Жақсыдан үйрен, жаманнан жирен9.Ерді намыс өлтірер, Қоянды қамыс өлтірер10.Отанға опасыздық еткенің, өз түбіңе өзің жеткенің.11.Отан – отбасынан басталады12.Отан – оттан да ыстық13.Отансыз адам - ормансыз бұлбұлОқушылар, еліміздің астанасы қай қала?«Астанаға саяхат» бейнежазба көрсетіледі.«Тәуелсіздік жемісі» тақырыбында сурет салу. Хор «Атамекен»Егеменді елмін бүгін,Өзге елдермен тең жұлдызым.Қазақстан – Тәуелсіз ел,Сақтайтұғын ел бірлігін, - демекші жас Қазақстанымыз 27 жыл ішінде көркейіп, гүлденді. ІІІ. Қорытынды«Бүгінгі білім – ертеңгі байлығымыз!» (сұрақ-жауап)- Біз бүгін, тәрбие сағатында не туралы білдік?- Біз гүлденген Қазақстанға қандай үлес қосуымыз керек?- Жақсы оқу, үлгілі тәртіп, үлкенді сыйлау, талмай іздену, талпыну.- Иә, Ұлы Абай атамыз айтқандай «Сен де бір кірпіш дүниеге, кетігін тап та, бар қалан» - деп елімізде өркендетуге өз үлесімізді қосайық.Қазақстан Республикасы:Туымен тұғырлы, Елтаңбасымен еңселі, Гимнімен айбатты. Еліміздің туын биік ұстап, Мемлекетіміздің Рәміздерін әрқашан қадірлей білейік!Тәуелсіз еліміздің көк байрағы көгімізде желбіреп, елтаңбасы шалықтап, гимні шарықтай берсін! Көк байрақ иілмесін, жығылмасын,Көзге жас, кеудеге өксік тығылмасын. .Тұрғанда көкшіл Туың көкті тіреп,Қазағым, сен қашанда тұғырдасың! ,- деп «Қазақстанның тәуелсіздігі - еліміздің басты бағыты» атты ашық тәрбие сағатымызды аяқтаймыз.

Егіндібұлақ жалпы орта білім беретін «мектеп-балабақша» кешені КММ

Ашық тәрбие сағатыТақырыбы: «Қазақстанның тәуелсіздігі – еліміздің басты бағыты»

Сыныбы: 4 «А»Өткізген: М.А.Муратова

2018-2019 оқу жылы

Жүктеу

Бөлісу

ЖИ арқылы жасау

Файл форматы:

docx

Сынып жетекші Тәрбие сағаты 4 сынып

16.02.2019

1084

Жүктеу

ЖИ арқылы жасау

Жариялаған:

Муратова Малика Асылбекқызы

Бұл материалды қолданушы жариялаған. Ustaz Tilegi ақпаратты жеткізуші ғана болып табылады. Жарияланған материалдың мазмұны мен авторлық құқық толықтай автордың жауапкершілігінде. Егер материал авторлық құқықты бұзады немесе сайттан алынуы тиіс деп есептесеңіз,
шағым қалдыра аласыз

Ашық тәрбие сағаты "Қазақстанның тәуелсіздігі - еліміздің басты бағыты" 4-сынып

Ашық тәрбие сағаты "Қазақстанның тәуелсіздігі - еліміздің басты бағыты" 4-сынып

Химия пәні

Тарих пәні

Биология пәні

Ағылшын тілі пәні

География пәні

Информатика пәні

Мектепке дейінгі білім беру

«Қазақ тілі» жəне «Қазақ əдебиеті»

Дене шынықтыру

Білім алушылардың білім сапасын арттыру

Инклюзивті білім беру