Ашық тәрбие сағаты. Тақырыбы: Менің Отаным- Қазақстан

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

«Теміртау қаласы Ғ. Мұстафин атындағы №5 қазақ орта мектебі КММ»

Тәрбие сағатының тақырыбы:

Менің Отаным - Қазақстан

Орындаған : Есбенбетова Сулу Куанышовна

Тексерген:

Теміртау 2018

Тәрбие сағат тақырыбы: «Менің Отаным - Қазақстан».

1. сынып

Күні: 01.09.2018 Уақыты: 11:00

Мақсаты:

Білімділік: Жас ұрпақты Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттырып, махаббат сезімін ояту;

Дамытушылық: Ойларын жүйелі түрде жеткізе білу, шығармашылықпен жұмыс жасап, мәнерлеп өлең оқып, мағынасын түсіне білу дағдыларын дамыту.

Тәрбиелік: Отанын, туған жерін қорғай білуге, халқымыздың талантты ақындарының өлеңдері мен ата - бабаларымыздың өнеге етіп қалдырған даналық сөздері арқылы оқушыларды ұлтжандылыққа, атамекенін көздің қарашығындай сақтай білуге, патриоттық сезімге тәрбиелеу;

Көрнекілігі: суреттер, қанатты сөздер, гүлдер, слайд, видеоролик, Астана қаласына байланысты суреттер.

Әдісі: сұрақ - жауап, әңгімелеу, түсіндірмелі, көрнекілік

Формасы: тәрбие сағаты

Барысы:

І Ұйымдастыру кезеңі

-сыныппен, мұғаліммен таныстыру, мектептегі алғашқы қадамдарымен құттықтау

-оқушыларды түгелдеу

-оқушылардың назарын қарату

1. Психологиялық кезең: Оқушыларды шаттық шеңберге тұрғызып:

Бақыт толы шеңберге

Шаттық толы шеңберге

Қол ұстасып келдік біз

Жан достармыз енді біз.

-Балалар тақтада бірнеше сандар тур, соларды рет-ретімен қойып, астындағы әріптерден бір сөз шығады. Сол сөз бүгінгі тақырыбымызбен байланысты.

«Менің Отаным - Қазақстан» тақырыбында тәрбие сағатын өткелі отырмыз. Өту барысында өз Отанымыз туралы ой - пікірлерімізді ортаға салып, еліміз жайында білетін боламыз.

ІІ Негізгі бөлім

2. Қазақстан Республикасының Мемлекеттік Әнұраны орындалады.

- Балалар, біздің Отанымыз қалай аталады екен?

- Қазақстан

- Қазақстан жері қандай?

- Қазақстан жері үлкен, әдемі, әрі бай.(слайд)

- Дұрыс айтасыңдар, балалар, Қазақстан жері батыстан шығысқа қарай 300 000 шақырымға, солтүстіктен оңтүстікке қарай 1700 шақырымға созылып жатыр.(ҚР - ның физикалық картасынан көрсету) - Біздің еліміз - жерінің кеңдігімен қатар, табиғи байлығы да мол мемлекет. Өріс толы малы, тайдай тулаған балығы, теңіздей толқыған егіні, дала толы аң - құсы, таусылмас кең байлығы да жеткілікті, мол.(слайдтан көрсетіледі)

- Балалар, «Отан» деген сөзді қалай түсінеміз?(ой - пікірлерін тыңдау)

- Осы айтылған ойларымыздың дұрыстығына көз жеткізу үшін қазір мынадай

видеороликке назар аударайық.

3. Видеоролик. Тәуелсіз елім

4. Оқушылардан өздері білетін Отан, Қазақстан туралы тақпақ, өлең шумақтарын, мақал-мәтелдерді сұрау.

5. Ойын. 5-6 шариктің ішінде қызықты тапсырмалар болады.

- Отан үшін сен не істер едің?

- Қазақстан сен үшін қандай мемлекет?

- Отан туралы өлең шумақтарын айт

- Еліміздің бас қаласы қайсы қала?

- Сен Отаныңды сүйесің бе?

ІІІ Сергіту сәті. Көңілді күн

ІҮ Сабақты қорытындылау. Рефлексия

- Ал балалар бүгін біз мектепке алғаш келіп, нені үйрендік?

- Сабақ ұнадыма?

Құстар мен гүлдерді Астана бейнеленген суретке қыстырып, сабақты қорытындылаймыз.