ашық тәрбие сағаты "Ұлы күні ұлыстың басы болсын ырыстың" 4 сынып

№34 орта мектебі

«Ұлы күні ұлыстың,басы болсын ырыстың»

(тәрбие сағаты)

Сыныбы: 4 «Б»

Класс жетекшісі: Теміралы М.Н

Ерсұлтан: Құрметті ұстаздар, оқушылар, ата – аналар! Сіздерді қазақтың ұлттық мерекесі Ұлыстың ұлы – Наурыз мерекесімен шын жүректен құттықтаймыз.

Мөлдір: Бүгінгі болғалы отырған «Ұлы күні ұлыстың,басы болсын ырыстың» атты тәрбие сағатымызға қош келдіңіздер! Сіздерді келіп жеткен көктем мерекесімен құттықтап, сіздерге шаттық тілей отырып, мерекелі тәрбие сағатымызды ашық деп жариялаймыз!

Ерсұлтан: Шашу!Шашу!

Көп шашайық шашуды,

Жауғандай кеп аспаннан нөсер жаңбыр.

Уа,жамағат,теріп ал несібіңді,

Ризығың болсын көл көсір!

Хор «Наурыз айы толғанда»
Мөлдір: Күттіріп келген жыл басы
Бізбен бірге жырлашы.
Дастарханға елімнің,
Береке, ырыс сыйлашы.
Ата – бабам тойлаған
Әз – Наурызым, армысың! дей келе кезекті өлең шумақтарына береміз.
Нұрсана:Уа халайық, халайық
Ақ сандықты ашайық.
Бұл мереке бұл тойдың
Шашуларын шашайық!
Карина: Бауырласқа тәнтіміз,
Бұзылмаған салтымыз.
Кең даламның ежелгі,
Қазақ деген халқымыз.
Өзге ұлттай біздің де
Бар дәстүр мен салтымыз.
Мөлдір:Жыл басы - Наурыз, мереке!
Ақ нұрға әлем боянды
Наурыз тойы береке
Тіршілік жаңа оянды дей отырып, келесі кезекті сыныбымыздың мақтанышы Кометия Ерсұлатанды ортаға шақырамыз.

Орындайтын: Кометия Ерсұлтан «Ақбұлақ»
С.Назерке: Тәуелсіз биік халқымның желбіреп туы шалқысын,
Әз Наурыз келіп еліме, Жер – Ана бойы балқысын.
Жаңғырар дәстүр - салтымның көсілсін бұлақ жалғасып,
Қастерлі менің халқымның мереке Наурыз жыл басы!
Ерсұлтан: Біздің қыз жігіттеріміздің орындауында «Қамажай» биі.Қарсы алыңыздар. Амина:Жарқыраған жас нұрлы,
Жаса, Наурыз дәстүрлі.
Бақытыма шалқыдым,
Ашылады нұрымыз
Осынау байтақ елімде
Айтылады жырымыз
Ж.Назерке:Сәулесі бар Наурызда таңғы үміттің,
Басын қосқан сан адам сан ғұрыптың.
Ұлыстың ұлы күні паш етейік,
Белгісін достықпенен мәңгіліктің.
Мансура:Жүріңдер Наурыз тойға басып аяқ
Қалыс адам қалмасын некен – саяқ.
Ән шырқап, би билейік, қауым болып,
Тұрмайтын уақыт келді өнерді аяп.
Ақбота:Наурыз, наурыз наз үнді,
Жер жап – жасыл жаз үлгі.
Жақсылықты жаранға
Жайып келші, бар ізгі.

Ерсұлтан:Армысың Наурыз,
Қуаныш боп, кір төрлет!
Ел болып саған,
Көрсетіп жатыр сый – құрмет!
Болашақ жұлдызымыз Мереке Жансейітті «Мен бақытты баламын» әнімен қарсы аламыз.

Ойын «Орамал тастамақ»

Көпшілік қатысады.Ойынның шарты: ойын бастаушы қатысушы бір адамды ортаға алып шығады.Ол адам бір тектес атау сөзден жаңылмай,кідірмей аттап жүріп айтуы керек.Тоқтамай қателеспей айтып шықса,жүлде алады.Егер қателессе ойыннан шығады.Мысалы: жаңылмай 10 ақынның немесе 10 өзеннің атын атауы керек.
Мөлдір: Наурыздау,ауыл аралап көрісу қазақ даласында үш күнге созылған.Осы күндері әрбір отбасының дастарханынан көжесі,дәмі үзілмеген,есігі ашық,қабағы жайдарлы болған.22-наурыз күні міндетті түрде отбасынан дәм татып,ақсақалдар мен әжелердің батасын алу парыз саналған.
Ерсұлтан: Ер жігіттер арасынан Наурыз көже ішуден сайысымызды басталық.Қане ортаға 4 бның жігіттерін шақырамыз.

Би: «Қара жорға»

Келесі тамашалайтындарыңыз ер жігіттерімізге арналған «Күш сынасу» кезегіне берелік.
Мөлдір: Шығыстың күнтізбесі бойынша күн мен түннің теңескен көктемгі мерекесі жыл сайын асыға күтетін жарқын үміт, жастық пен жаңару мерекесі, бүкіл әлемге береке, бақыт, бейбітшілік дарытатын Ұлыстың ұлы күні – Әз Наурыз құтты болсын.

Ерсұлтан: Күншығыстың Наурызы келгенде Самарқанның көк тасы еріп, жылғалардан су ағып, бәйшешек гүл атып, күннің көзі бүкіл әлемге нұрын шашып, үйсізді үйлімен теңестіреді.
Наурыз келді, көктем келді ағайын!
Жадырайды, жаңғырады маңдайым.
Назды, сазды науан Наурыз, армысың!

Орындайтын: Берікқали Ақбота,Музиева Мөлдір Күй:
Ерсұлтан: Ортаға сөз ізгі ниет, «Ақ бата» беру үшін ата-аналарға беріледі.
Армысыңдар, жамағат!
Ұлыс оң болсын,
Ақ мол болсын.
Қайда барсақ жол болсын!
Ұлыс бақты болсын,
Төрт – түлік ақты болсын!
Ұлыс береке берсін,
Бәле – жала жерге енсін»
Ұлы халқым тоқ болсын»
Көйлектерің көк болсын!
Қайғы – уайым жоқ болсын!
Қуаныштарың көп болсын!
(Әумин)
Мөлдір: «Ұлы күні ұлыстың,басы болсын ырыстың» атты тәрбие сағатымыз аяқталды. Көңіл қойып тыңдағандарыңызға көп рахмет! Өмір жастарыңыз ұзақ, ұлыс бақты, төрт – түлік ақты болсын. Ұлыс береке берсін. Наурыз құтты болсын!