Ашық тәрбие сағаты "Заманауи техникалардың келешек ұрпаққа әсері"

Тақырыбы: Заманауи техникалардың келешек ұрпаққа әсері.

Мақсаты: Ата-аналарға заманауи техникалардың пайда-зияны туралы түрлі мағлұмат бере отырып, оқушылардың ғаламторға, ойын құрылғыларына деген тәуелділіктерін азайту, одан келетін қауіптің алдын алу.

Күтілетін нәтиже:

• Ата-аналар заманауи техникалар туралы толық мағлұмат алады

• Оқушылардың психологиялық ахуалын анықтай біледі

• Оқушылардың қиын жағдайға тап болмауының алдын алады

• Қажет жағдайда дұрыс шешім қабылдап, қажетті көмек көрсете біледі

Ресурстар: интерактивті тақта, маркерлер, стикерлер, таратпа материалдар

Әдістер: ситуациялық сұрақтар, сараптау, топтық жұмыс, психологиялық тренинг

Жоспар:

1. Ұйымдастыру (түгендеу, тақырыппен және оның мақсатымен таныстыру, топқа бөлу) 5 минут

2. Шаттық шеңберін құру (сізде 40 секунд бар ) 5 минут

3. Арнайы сюжет (ұялы телефонның түрлері, зияны және компьютерлік ойынға байланған оқушы әрекеті жайында) 10 минут

4. Жағдаяттық сұрақтар (берілген жағдаяттық проблеманы шешу жолдарын қарастыру) 10 минут

І-топ: Балаңыз ғаламтор арқылы теріс ағымдағы топқа тіркелгенін білдіңіз. Сіздің іс-
әрекетіңіз қандай болмақ?
ІІ-топ: Сіздің балаңызға сатып әперген қымбат ұялы телефонын мектеп әкімшілігі алып
қойды. Сіздің іс- әрекетіңіз қандай болмақ?
ІІІ-топ: Оқушы қыз бала өзінің тұрпайы фотосуретін әлеуметтік желіде жариялады. Сіздің
іс- әрекетіңіз қандай болмақ?
ІV-топ: Балаңыз компьютерлік ойын ойнау үшін Сізбен және басқа да адамдармен
ұрсысып, төбелесуге дейін барды. Сіздің іс- әрекетіңіз қандай болмақ?
V - топ: Балаңыз Сіздің қолыңыз жетпейтін ноутбук немесе қымбат ұялы телефон алып
беруіңізді талап етуде, «алып бермесең сабаққа бармаймын, үй шаруасын
жасамаймын» деп жатыр. Сіздің іс- әрекетіңіз қандай болмақ?

5. Топтық жұмыс (Тақырыпқа байланысты, тығырықтан шығар жол тақырыбында берілген суреттерге жан бітіру) 10 минут

6. Сараптау (екі жұлдыз, бір тілек) 3 минут

7. Психологиялық кеңес 5 минут

8. Рефлексия 3 минут

Елбасымыз  Нұрсұлтан  Әбішұлы  Назарбаев  халқымызға  арнаған   жолдауында    «Қазақстан болашақта  бәсекеге  қабілетті, дамыған  елу елдің   қатарынан  табылатын  болады» деп  алдымызға  үлкен  міндет  қойған.Дамыған  елу  елге  теңесу  үшін  әрбір  оқушы  телефонды  да,  компютерді   де   меңгеру  керек. Дегенмен, кейбір тұлға психологиялық және рухани ахуалының төмендігінен осы құрылғылардың құрығынан шыға алмай жатады. Әсіресе, ақыл тоқтатпаған мектеп жасындағы балалар. Мұның пайдасын білгенмен де көрінбейтін зияны қаншалықты екенін біріміз білсек, біріміз білмейміз. Сол себепті Сіздермен бүгінгі қарастырып отырған тақырыбымыз «Заманауи техникалардың келешек ұрпақ үшін әсері» болмақ.

Шығыс Қазақстан облысының Балалардың құқықтарын қорғау департаментіне «Витязь» журналистік тергеу мен құқықтық ақпарат агенттігінің редакторы А.Н.Боковтан өтініш келіп түсті. Өтініш беруші жасөспірімдер арасындағы тәртіп бұзушылық пен балалардың өз-өздеріне қол жұмсауының бір себебі қатігез компьютерлік ойындардың әсерінен екендігінен айта отырып, оқушылармен өткізілген сауалнаманың қорытындысы бойынша дайындалған есепті және облыстық психоневрологиялық диспансердің жауабын жолдаған.

І-топ

Балаңыз ғаламтор арқылы теріс ағымдағы топқа тіркелгенін білдіңіз. Сіздің іс-әрекетіңіз қандай болмақ?