Ашық тәрбие сағаты«Су-тіршілік көзі»

Ашық тәрбие сағаты

Бағыты: «Еңбек, экономикалық және экологиялық тәрбиесі»

Тақырыбы: «Су-тіршілік көзі»

Мақсаты:

Білімділігі: Балалардың өмірге қажетті білік-дағдыларын тереңдете отырып, білімдерін кеңейту.

Дамытушылық: Оқу дағдысын, ойлауы мен сөйлеу тілін дамыту. Таным белсенділігін арттыру. Сөздік қорын молайту.

Тәрбиелік: Оқушыларды жанашырлыққа, ұқыптылыққа тәрбиелеу.

Түзету мақсаты: Есту, есте сақтау қабілеттерін арттыру. Дыбыстарының дұрыс айтылып отыруын қадағалау. Сұраққа толық жауап беруін талап ету.

Көрнекілігі: суреттер

Барысы:

І. Ұйымдастыру кезеңі:

- Сәлемдесу

• Қабылдағышты ки!

• Сен қалай естисің?

ІІ. Тіл бұрышымен жұмыс

• Дыбысты ата «О» дыбысы

• Буындарды оқимыз: по-по-по, то-то-то, ро-ро-ро

• Сөздерді оқимыз: Отан, отбасы, орман

• Сөйлемдерді оқимыз: Орынбасар мен Орал домбыра тартты. Орынкүл тоқыма тоқыды.

ІІІ. Күнделікті сөздермен жұмыс

1.Жыл мезгілдерін ата?

Қыс, көктем, жаз, күз.

2. Қазір қай мезгіл?

Қазір күз мезгілі

2. Күз айларын ата?

Қыркүйек, қазан, қараша

-Жер бетінде судың маңызы өте зор. Су - бізді қоршаған орта мен адамдардың, өсімдіктердің, жануарлардың тіршілік ортасы. Сусыз тіршілік жоқ. Жер бетінің көп бөлігін су алып жатыр. Жер бетіндегі жанды табиғаттың бәріне де су қажет. Сусыз ешнәрсені жүзеге асыра алиаймыз. Сондықтан да суды үнемдеу керек. Мысалы, адамдар сусыз жуына алмайды, шөлдейді, тіршілік болмай қалады. Суды бостан босқа шашып төгуге, ластауға, жаман заттарды тастауға, ағызуға болмайды.

Сергіту сәті:

-Оң қолымда бес саусақ,

Сол қолымда бес саусақ.

Алақанды ашамыз,

Бесті беске қосамыз.

Ойын: «Тазалық заттарын бөліп ал»

-Берілген заттардың арасынан тазалық заттарын бөліп аламыз.

Тіс щеткасы, тіс пастасы, сабын, жеке сүлгі.т.б

Сұрақ-жауап.

1. Су- туралы айтып бер

2. Сусыз тіршілік болама?

3. Суды қалай үнемдейміз?