Әңгімелесу.

«Жақсы мен жаманды салыстыру»

Мақсаты:

Балаларға жақсы және жаман әрекеттерді ажыратуды үйрету.

Дұрыс мінез-құлық қалыптастыру.

Әдепті, мейірімді болуға тәрбиелеу.

Салыстыру, қорытынды жасау дағдысын дамыту.

Көрнекіліктер:

Смайлик карточкалары (жасыл – жақсы, қызыл – жаман), суреттер: көмектесу, ренжіту, ойынды бөлісу, ұрсып жатқан бала, жинап жатқан бала.

Әңгімелесу барысы:

I. Кіріспе сұрақтар:

Тәрбиеші:
– Балалар, біз күнде түрлі істер жасаймыз.
Олардың ішінде жақсы істер бар, жаман істер бар.
Бүгін соларды бірге салыстырамыз. Кейбіреулеріміз бір - бірімізбен ұрсысып, таласып жатамыз. Ал біреулеріміз бірімізбен біріміз доспыз. Ал енді қай іс – әрекет жақсы, қайсысы жаман екенін ажыратамыз.

– Ал сендер жақсы болғыларың келе ме?
Балалар: – Иә!

-Олай болса айтыңдаршы «Жақсы деген немене ? Жаман деген немене?»

1. Тәрбиеші түсіндіреді:

Жақсы іс дегеніміз:

Көмектесу.

Сыпайы болу.

Жинау.

Бөлісу.

Қуантатын әрекет жасау.

Жаман іс дегеніміз:

Ұру.

Жылау, шақыру.

Айқайлау.

Тәртіпсіздік.

Өтірік айту.

2. «Бұл жақсы ма, жаман ба?» суретпен жұмыс.

Тәрбиеші суреттерді көрсетеді:

Сурет 1: Бала досына көмектесіп тұр.

Тәрбиеші: – Бұл қандай іс?
Балалар: – Жақсы!

Сурет 2: Екі бала таласып жатыр.

Балалар: – Жаман!

Сурет 3: Бала ойыншықтарын жинап жатыр.

Балалар: – Жақсы!

Сурет 4: Бала бұзықшылық жасап жатыр.

Балалар: – Жаман!

III. «Салыстыр, айырмашылығын тап» жаттығуы.

Тәрбиеші екі бала әрекетін айтады, балалар салыстырады.

1-мысал

– Адиз ойыншықтарын ұқыпты жинады.
– Ал Айбек ойыншықты жерге тастай салды.

Сұрақ: Қай баланың жасаған ісі дұрыс деп ойлайсыңдар?
Балалар: Адиз!

-Ия үнемі жауапкершілікті мойнымызға алып жүруіміз керек. Ол тазалыққа бастайды. Жауапкершілікке бастайды.

2-мысал

– Анель үйінен әкелген ойыншығымен бөлісті.
– Ал Досымжан ешкімге бермеді.

Сұрақ: Қайсы бала жақсы іс жасады деп ойлайсыңдар?
Балалар: – Анельдің жасаған ісі жақсы.

-Әрине.Бірақ үнемі біреуден сый күтуге де болмайды.Себебі ол ұят нәрсе және біреудің қолына қарау - ол да болмайды.Жақсысы өзіңде бар ойыншықпен ойна, жоқ болса біреудің ойыншығына көз алартпа.

3-мысал

– Айзерені Имран ренжітіп қойды.
– Бірақ Имран дереу Анельден кешірім сұрады.

Сұрақ: --Қай баланың ісі дұрыс?
Балалар: – Кешірім сұраған!

• Әрине кешірім сұраған. Себебі кешірші сөзі сиқырлы сөз. Егерде сен біреуді ренжітіп алсаң, дереу одан кешірім сұрау керек екенін есіңнен шығарма. Бірақ кешірім сұрай салам ғой деп үнемі ренжітіп жүре беруге де болмайды.Бұл іс қайталана берсе «кешір» сөзінің сиқыры кетіп қалады.Досың саған кейін сенбеуі мүмкін.

«Жақсы, жаман» ойыны.

Тәрбиеші сөйлемдерді оқиды, балалар карточка көтереді.

«Мен досыма көмектестім.» Жасыл.

«Жанель ойыншықты сындырды.» ❌Қызыл.

«Анамның айтқанын тыңдаймын.» Жасыл.

«Досыммен ойнап отырып, оған айқайладым.» ❌Қызыл.

«Кешірім сұрадым.» Жасыл.

Сергіту сәті: «Жақсы баланың қимылы»

Балалар қимылмен көрсетеді:

Жинау.

Көмектесу.

Құшақтау.

Күлімдеу.

Қорытынды : «Мен жақсы бала боламын!»

Тәрбиеші:
– Балалар, жақсы іс әрқашан қуантады екен. Олай болса әрдайым үлкендерді , достарыңды да, жалпы жанымыздағы адамдарға әрқашан көмектесіп, олармен ешқашан ұрсыспай жүрейік. Жарай ма.
Кім жақсы болса – соны бәрі жақсы көреді.

Сұрақтар:
– Қандай іс жақсы екен?
– Жаман іс неге болмайды?
– Сен қандай бала болғың келеді?

Балалар:
– Жақсы!
– Жауапты!
– Көмектесетін!

Тәрбиеші:
– Өте жақсы! Бүгін сендер жақсы мен жаманды ажырата алдыңдар.Сендер барлығыңда жақсы балаларсыңдар.
Сондықтанда мен барлығыңа «Жақсы бала» жапсырмасын беремін.

Бекітемін:

№13 «Шұғыла» б/б

меңгерушісі: ---------

Н.С.Калдыбекова

«Ботақан» ересек тобы.

Әңгімелесу.

«Жақсы мен жаманды салыстыру»

2025 – 2026 оқу жылы.