Ашық ұйымдастырылған оқу қызметі "Күзгі көрініс" балабақша

№ 5 «Ақбота» бөбекжай-балабақшасы

Тәрбиеші :Иманбаева М Я

Білім беру саласы: «Шығармашылық»

Бөлімі: Жапсыру

Тақырыбы: «Күзгі көрініс»

Мақсаты:балалар қайшымен жұмыс істей алады,ретімен дұрыс желімдейді, ұжыммен бірігіп композиция құрастырады.

Алдын ала жұмыс:серуенде ағаштардың жапырақтарының күзгі өзгерісіне назар аударту;

Қ/құралдар:т/түсті қағаздар,желім,қайшы,мақта таяқшалары,дайын  жұмыстың үлгісі, майлықтар

Әдіс-тәсілдер: түсіндіру, көрсету, жапсыру, сұрақ-жауап.

Шаттық шеңбер : Армысын -Алтын күн!

Армысын жер- Ана!

Армысын достарым!

Сендерді көрсем қуанам!

Жұмбақ жасыру.\сыни ойлау\

Өрік алма,
Жидек жүзім піседі.
Қауын қарбыз,
Қияр, сәбіз дүкендерге түседі.
Астық пісіп, орақ түсіп,
Қырман дәнге толады.
Бөбектерім айтыңдаршы
Бұл қай кезде болады?(күз)

2. Балалармен әңгімелесу.

-Қазір жылдың қай мезгілі?

-Күзде табиғатта қандай өзгерістер болады?

-Күз мезгілінің қандай ерекшеліктері бар?

Балаларға әртүрлі суреттер көрсету.

Балалардың тақпақтары :

Нұралы :Жемісін мол теретін

Күз дос екен бізбенен

Бәрін тауып беретін

Жомарт екен күз деген

Ақниет:Алтын сары ,қызыл,көк

Алуан алуан жапырақ

Ағаштардан жамырап

Ұшты кенет жапырақ

Ахмедияр:Тұмсығында түймесі

Деп тұрғандай тимеші

Азулыдан сақтайтын

Кірпінің көп инесі

-Бүгін біз сұлу күзгі көріністі өз қолымызбен жасайтын боламыз. Табиғат көрінісінің композициясын құра отырып, негізгі қағаз бетіне орналастырамыз.

Құрылымдалған ойын «Қай ағаштың жапырағы?»

Мақсаты:Ұқсас белгісіне қарай жапырақтарды таба алады.

Карточка таратып үш топқа бөлу\командамен жұмыс\

І-команда қайшымен жұмыс \кірпінің тікендерін желімдеу\

ІІ-команда жіппен желімдеу жұмыс\алма мен саңырауқұлақты желімдеу\

ІІІ-команда жырту әдісімен\ ағаштың жапырақтарын желімдеу\

Балаларға жұмыс орнын қалай дайындау керектігін, қайшымен, желіммен қауіпсіз жұмыс істеу ережесін есіне түсіру. Балаларға қажетті құрал-жабдықтар мен материалдарды дұрыс орналастыруға көмектесу.

І- команда

Балаларға жолақшаларды қалай дұрыс қию керек екендігін көрсету,қайшымен қауіпсіз жұмыс істеу ережесін есіне түсіру.

ІІ-команда Үстелдің үстінде ыдысқа салынған түрлі-түсті дайын қиылған жіптер ,желім тұрады.\Жіппен желімдеу \

ІІІ-команда

Үстелдің үстінде ыдысқа салынған түрлі-түсті қағаздар тұрады. Балалардан не көріп тұрғандарын сұрап, олардың түстерін, анықтау. Мысалы: жапырақтар, қызыл, сары, жасыл; т.б. сұрақтардың көмегімен балаларға жапырақтар күзде түрлі- түсті болатындығы туралы айтып түсіндіру.Қағазды жырту әдісін пайдалана отырып ағаштың жапырақтарын желімдеу.

Содан соң балаларды жапсыруды барлық кезеңімен көрсете отырып түсіндіру.

• Композицияның барлық бөлшектерін ПВА желімін пайдалана отырып, қағаз бетіне ретімен желімдеу.

• Балалар күзгі көрністің композициясын құрады.

• Педагог балалар жұмысын бақылап, бағыт-бағдар беріп отырады.

Орнымыздан тұрайық,

Қолымызды созайық,

Белімізді жазайық,

Айналаға қарайық

Отырайық,тұрайық,

Біраз тынығып алайық.

Қорытындылау.

• Қортындылау «Ашық сұрақ» әдісі

• Бүгін біз нені жапсырдық?