Ашық ұйымдастырылған оқу қызметі Ортаңғы топ

Әрекет кезеңдері

Тәрбиешінің қызметі

Балалардың қызметі

Мотивациялық - қозғаушы

Ұйымдастыру – іздестіру

Рефлексивті - түзетушілік

Шаттық шеңберіне тұрады, сәлемдеседі. Өлең жолдарын айтады.

-Қане, балалар, тобымызға қонаққа келген апайлармен сәлемдесейік.

Жыл мезгілінің ерекшеліктеріне тоқталу.Соған байланысты сұрақтар қою.

-Балалар, мен сендерге жұмбақтар жасырғым келіп тұр. Мұқият тыңдаңдар:

1 Шырша сая күркесі,

Өзі орман еркесі.

Қарғып жүрер жан – жаққа,

Өте құмар жаңғаққа. Ол не?

2 Ит сияқты пішіні,

Ұнатпайды кісіні.

-Жарайсыңдар, балалар! Жұмбақтардың шешуін дұрыс таптыңдар. Ендеше бүгін көркем әдебиет оқу қызметінде «Ақ тиін мен қасқыр» деп аталатын ертегімен танысатын боламыз.

(Фланелеграфпен жұмыс)

Ертегіні айтып беру. (фланелеграфқа ертегі кейіпкерлерін іле отырып)

-Балалар, сендерге ертегі ұнады ма?

-Ертегіде не туралы айтылыпты?

-Қасқыр қайда жүреді?

-Тиін нені жақсы көреді?

-Ертегідегі қасқыр тиінмен дос болды ма?

Ғажайып сәт: Тиін келеді.

-Сәлеметсіңдер ме, балалар?Мені танисыңдар ма? Мен кіммін?

-Ой, жарайсыңдар! Мені танитындарыңа қуанып қалдым.Мен туралы не білесіңдер?

-Балалар, Тиін досымызға бүгінгі тыңдаған ертегіні сахналап берейік, ол қуанып қалсын.

(Атрибуттар киіп, ертегіні рольге бөлініп ойнайды)

-Жарайсыңдар, енді ойын ойнауға қалай қарайсыңдар? Ойнаймыз ба?

Ойынымыздың аты «Ойллан тап!» деп аталады.

Мен сендерге ойынның шартын түсіндіріп берейін. (Ойынның шартын түсіндіреді)

-Қанекей, бәріміз Тиін досымызбен бірге шаршағанымызды басу үшін сергіту сәтін жасап алайық.

Сергіту сәті:

Әр күніміз сан – салалы,

Жаттығудан басталады.

Орнымызда тұрып ап,

Жүгіреміз бір уақ.

Ор қоянша секіреміз, 1-2-3; 1-2-3,

Біз осылай жетілеміз.

Тиін: - Балалар,ойын ойнағыларың келе ме?

Ойынның аты «Кім жылдам?» деп аталады.

Шарты: Ортаға 4-5 бала шығады. Жерде шашылып жатқан жаңғақтарды жылдам терулері керек. Кім жаңғақты көп терсе, сол бала марапатталады.

Тиін: - Ой, достарым. Сендермен уақытты жақсы өткіздім. Мен енді орманға қайтайын.Сендер де маған қонаққа барыңдар. Сау болыңдар!

-Балалар, ойын ұнады ма?

-Бізге қонаққа кім келді?

-Қандай ертегімен таныстық?

-Сендерге қай кейіпкер ұнады?

Бүгінгі үйренген сөздеріміздің орыс тіліндегі айтылуын үйренейік.Орман – лес, қасқыр – волк, тиін – белка, ертегі – сказка.

Балаларды мадақтап, оқу қызметін қорытындылау.

Біз ерекше баламыз,

Біз әдепті боламыз.

Досымызды көргенде,

Қуанып қарсы аламыз.

-Сәлеметсіздер ме, апайлар?

-Тиін

-қасқыр

Ертегіні мұқият тыңдайды

Қойылған сұрақтарға жауап береді.

-Сәлеметсіз бе?

-Сіз ертегідегі Тиінсіз

Қарақат:

Мен тиінмін, тиінмін
Қысқа жылы киіндім
Қоймам толы жаңғаққа
Іші жылы үйімнің

Дидар:

Ағашқа секіріп,

Жауынан қашады.
Ал қарыны ашқанда
Отырып ап жаңғақ шағады

Ертегіні сахналайды

-ойнайық

Ойынға белсене қатысады.

Музыка әуеніне сай қимылдар жасайды.

-ия

-Сау болыңыз!

Қойылған сұрақтарға жауап береді.

Сөздердің орыс тіліндегі баламасын айтады.

Жаңғырады

Ертегінің мазмұнын тыңдап, айта білуге дағдыланады

Қолданады

Ертегіні рольге бөлініп ойнай алады.

Түсінеді

Ертегі кейіпкерлерінің жақсы – жаман қасиеттерін ажыратады;