Ата - аналар жиналысы "Болашақ тәрбиеден басталады "

Тақырыбы: Болашақ тәрбиеден басталады

Мақсаты:

Әр отбасының бала тәрбиесіне белсене қатысуының маңызын көрсету. Баланың мейірімді,сыпайы әдеттерді бойына сіңіріп,өсу жолдарын ата-аналармен бірлесе қарастыру.

Күн тәртібінде: І тоқсан қорытындысы

2. Бала тәрбиесі туралы сөз етсек...

Кіріспе: Сәлеметсіздер ме, құрметті ата – аналар! Мен сіздерді көргеніме қуаныштымын. Бүгінгі жиналысымыз сіздермен «Танысу» деп аталады.

Бір шаңырақ иесі ретінде бір-бірімізбен жақынырақ танысайық. Мына үлгі бойынша: өз есіміңіздің алдына сын есім қосып айтасыз. Мысалы: мен жанашыр Жаңылаймын.... т.с.с.

Олай болса қайта шеңберге оралайық

Тренинг «Барлау» Шарты:Қатысушылар шеңбер жасап тұрады. Бір-біріне доп лақтыру арқылы балалары, олардың босуақыты, ермегі, қызығушылық істері, достары, жақсы көретін және ұнатпайтын нәрселеріне барлау жасау.

Мысалы: Балаңыз өскенде кім болғысы келеді?Кіммен бір партада отырады?

Қорытынды: Қаншалықты өз баламызды танимыз, оларға соншалықты көңіл бөліп жүрміз бе?Ойланарлық жайт.

Ой қозғау

«Баға – еңбектің жемісі» деген сөзге келісесіз бе?

-Бұл туралы сіздердің ой-пікірлеріңіз қандай?

Біз көңіл бөліп жүрміз бе?

- Жүргізіп оқуына, түсінігін айтуына, ереже жаттауына (алфавиттен бастау) диктант жазуына, есеп шығаруына

Дәптерге тапсырманы дұрыс жаза ала ма?

Күнделік толтырып, сабақ кестесі бойынша оқушы сабаққа дайын ба?

Сабаққа кешікпеу

Себепсіз сабақтан қалдырмау

- деген сауалдарға бірлесіп жауап іздеп көрейік, сырласып, ой бөлісейік.

«Бала тәрбиесі» бейнероллик

Дөңгелек үстел

І Бала тәрбиесі мен біліміне әлеуметтік тұрмыстың әсері «Сананы тұрмыс билейді» деген сөзге көзқарас...

Түйін.1) Отбасында әдетте билікке таласу көп орын алады. Әке мен ананың өз орындарын таппаған, ұдайы бір-бірінің сөзіне құлақ аспайтын отбасында баланың ата-ананың сөзіне құлақ аса қоюы екіталай. Ал жасы кішілері үлкендерге бұйрық беруді үйренген, «кішкентай ғой» деген еркелік те тілазарлыққа әкеп соғады. Мұндай балаларда өсе келе өзімшілдік, өз айтқанынан қайтпау, дөрекілік, қаталдық, жалқаулық, жауапсыздық қалыптасады.

2) Ең алдымен өздеріңізге сырттай көз салу. Әке мен ананың арасындағы қарым-қатынас, балалар мен басқаларға көзқарастарыңыз түзу ме?

Баланың дұрыс дамуына ең қажеттісі –сенім. Баланы теріс әрекеті үшін жазалау да дұрыс. Бала бұйрықты ұнатпайды. Оған қойылатын талап – бұйрықты емес, жылы лебізбен айтылғаны жөн. Бала қашанда өзін әдепті ұстауды үйренуі тиіс. Кішкентай балаға өзіңіздің шашыңызды тартқызып, ойнап болса да ұрғызып үйретудің жөні жоқ.

Керек кеңес1.Қашан да және кез келген жағдайда балаңызбен мәдениетті, жаймен және дауыс көтермей сөйлесуге тырысыңыз.

2. Балаңыздың №1 тыңдаушысы болыңыз. Балаға айтқаныңызды тыңдатудан гөрі оны екі есе артық тыңдауыңыз қажет. Әр сағат, әр минут сайын оның айтқандарына құлақ түріңіз.

3. Балаңыздың назарын өзіңізге аударғыңыз келсе, яғни, айтқаныңызды орындасын десеңіз, көрші бөлмеде отырып сөйлеудің жөні жоқ. Көзіне тіке қарап сөйлеуді әдетке айналдырыңыз.

4. Өзіңіз сөйлеп жатқанда сізге және балаңыздың тыңдауына кедергі келтіретіннің барлығын өшіріп тастаңыз. Балаға жақындаңыз да ҚЫСҚА және АНЫҚ айтыңыз.

5. Балаға бірден ойнап жатқан биігінен түсуді талап ету қауіпті. Балаға өз ойын да, бойын да жиып алуға уақыт беріңіз.

6. Егер балаңыз мүлде тыңдамаса, аз сөйлеп, көп істеңіз. Қолынан жетелеп, қоқыс шелекті ұстатып немесе еден жуатын шүберекке алып келіңіз.

7. Тілазар балаңыз бірден өзгеріп сала береді деп күтпеңіз. Оған да уақыт керек.

ІІ. Баланың оқу үлгерімі жақсы болсын десеңіз...

Баласының жақсы оқуы, оқуда озат болуы – барлық ата-ананың тілегі. «Баламның жақсы оқығанын қалаймын. Бірақ сабақ үлгерімін қалайша жоғарылатамын?» Бұл кез келген ата-ананың көкейінде жүретін сауал.

Ал бала сабағына неге үлгермейді, неге оның алатын бағасы орташа? Алдымен ғалымдардың зерттеуіне көңіл бөлсек...

1.Жазу үлгісінің қисық болуы...Ол баланың ұсақ моторикасының дамымағандығы деп түсіндіреді. Бұл дегеніміз – баланың мектепке дейін ермексазбен түрлі мүсіндер жасамағандығы, ұсақ суреттерді боямағандығы және қайшымен суреттерді қиып жаттықпағандығы

2.Оқығанын ұмытып қала берсе, есте сақтау қабілетін дамытатын жаттығулар қажет.

3.Тақтаға шыққанда сабақ айта алмау. Балаңыз расында үйде сізге жатқа айтып берген тапсырмасын тақтаға шыққан соң дұрыс айта алмаса, демек оның өзіне деген сенімсіздігі, өзін төмен бағалауы. Өз іс-әрекетіңізді ойша саралап көріңіз, балаңыз сізден мақтау сөздерді жиі ести ме, әлде керісінше ме?

4.Қателік. Сабақ үлгерімі бойынша бір қате пікір – өздері жақсы оқыған ата-ананың мектепте үлгерімі орта болған баласының болашақта ешқандай жетістікке қол жеткізе алмайтынына сенімді. Онысымен қоймай баланың санасына сол көзқарасты сіңдіріп те қояды. «Менің балам нашар оқиды! Масқара, ұят емес пе? Естігендер не дейді?»

Бір ата-аналар бар, сабақ үлгерімін балаға қол жұмсау, бұрышқа тұрғызу, жазалау арқылы жоғарылатқысы келеді. Бұл тәсіл де нәтиже бермейді. Керісінше, сабақ оқудан баланы жерітіп алуыңыз мүмкін. Таяқ жеген баланың армандауы мен ой-қиялы төмендейді.

Мектептен қандай баға алса да ол – сіздің балаңыз. Оның бағасы төмен болса да, өзі «төмен» емес. Яғни, бағасы нашар болса да ол жақсы. Өйткені, ол сіздің ғана балаңыз, басқа ешкімнің де емес. Міне, бала осыны түсінуі тиіс. Баланың сабағын қадағалау – тек сұрақ қойып, сабақта не болғанын білу емес. Ата-анасы сабағын қандай ыждағаттықпен қадағаласа, бала да сабағын солай оқиды. Өзіңіз қызығушылық танытпасаңыз, балада да сабаққа деген қызығушылық болмайды

Жиналыс бойынша өзіндік талдау:

Бұл жиналысты өткізудегі мақсатым ата-аналарды жиналысқа түгел қатыстыра отырып, ашық ой-пікірлерімен бөлісе білу.

Жиналыстың сәтті өткенін ата-аналардың жүздерінен байқалды. Дөңгелек үстелге қызығушылық танытып, баланы тәрбиелеуді өздерінен бастау керек екенін түсініп, қалай тәрбиелеп жатқанынын, әркім өздерінің өмір тәжірибелерімен бөлісті. Ата-аналар бір-біріне ұтымды ой тастап, болашақта баламен жұмыстың түрлі тәсілдерін ортаға салды.

Кері байланыс

1. Жиналыс барысында менің түйгенім .........................................

2.Маған ...................... ұнады, себебі .................................................

3.Мен үшін ең пайдалы, құнды болған ..........................................

4.Бұдан да ашық, шынайы болар едік, егер .................................

5.Маған ұнамағаны .................... , себебі .........................................

6.Келесі жиналыста біз мына жайттарды білгіміз келеді ............

7.Сынып жетекшінің орнында мен болсам, ...................................

Кері байланыс

1. Жиналыс барысында менің түйгенім .........................................

2.Маған ...................... ұнады, себебі .................................................

3.Мен үшін ең пайдалы, құнды болған ..........................................

4.Бұдан да ашық, шынайы болар едік, егер .................................

5.Маған ұнамағаны .................... , себебі .........................................

6.Келесі жиналыста біз мына жайттарды білгіміз келеді ............

6.Келесі жиналыста біз мына жайттарды білгіміз келеді ............

7.Сынып жетекшінің орнында мен болсам, ...................................