Ата- аналармен кофе брейк тренингі

☕ Психологиялық кофе-брейк тренингі

Тақырыбы: «Адалдық пен сенім арқылы тәрбие»

Ұйымдастырушы: Қосымша білім беру мекемесінің педагог-психологы

Қатысушылар: ата-аналар

Өткізу форматы: кофе-брейк (жылы сұхбат, тренинг, ойын түрінде)

? Мақсаты:

Ата-аналардың бала тәрбиесіндегі адалдық пен сенімнің маңызын түсінуіне ықпал ету,
ата-ана мен бала арасындағы сенімді, жылы қарым-қатынасты қалыптастыру,
эмоцияны басқару және жағымды қарым-қатынас орнату тәсілдерін үйрету.

? Міндеттері:

1. Ата-аналарға адалдық пен сенім ұғымдарының психологиялық мәнін түсіндіру.

2. Балаға сенім білдіру мен эмоцияны басқарудың тиімді жолдарын көрсету.

3. Топтық ойындар арқылы ата-аналардың өзара тәжірибе алмасуына жағдай жасау.

4. Психологиялық жағымды атмосфера қалыптастыру.

? Өткізу барысы

1. Амандасу және сергіту сәті – “Куб” ойыны

Мақсаты: қатысушылардың көңіл-күйін көтеру, еркін орта қалыптастыру.
Өткізілуі:
Кабинетке кірген ата-аналарға психолог куб лақтырады. Кубтың әр қырында әртүрлі эмоция мен қимыл бейнеленген.
Қатысушы кубта түскен эмоцияны және қимылды көрсетеді, өзгелер қайталайды.
Нәтиже: позитивті көңіл күй, ашық қарым-қатынас орнайды.

2. “Мен және менің жақсы қасиетім” ойыны

Мақсаты: өзін-өзі бағалау мен жағымды қасиеттерді тану.
Өткізілуі:
Әр қатысушы өз есімін атап, соның алғашқы әрпінен басталатын жақсы қасиетін айтады.
Мысалы: “Мен – Гүлжанмын, гиперактивті адаммын”
Нәтиже: өзін құрметтеу, жылы атмосфера қалыптасады.

3. Тақырыпқа кіру және қанатты сөз талқылау

Психолог дәйексөз ұсынады: «Адалдық – адамдықтың айнасы, сенім – отбасының тірегі». Қатысушыларға сұрақтар:

• Сіз үшін адалдық деген не?

• Балаңызға сенім білдіруді қалай түсінесіз?

4. Түсіндірме бөлім – “Адалдық пен сенім арқылы тәрбие”

Психолог қысқаша түсіндіреді:
Адалдық пен сенім – тәрбиенің екі қанаты.
Бала ата-анасының шынайылығын сезсе, өзіне де, өзгеге де сеніммен қарай бастайды.
Тәрбиедегі басты қағида – “айта отырып емес, үлгі бола отырып үйрету.”

5. Топтық жұмыс – “Постермен жұмыс”

Қатысушылар 3 топқа бөлінеді:
1️⃣ Топ 1: «Жақсы ата-ана қандай болуы керек?»
2️⃣ Топ 2: «Балаға сенім білдіру жолдары»
3️⃣ Топ 3: «Отбасындағы жылы атмосфераны қалай құруға болады?»

«Балаға сенім білдіру жолдары» түсіндірмесі

Сенім білдіру — бұл баланы бақылаусыз қалдыру емес,
оған жауапкершілік пен еркіндік беріп, өзіне сенуді үйрету деген сөз.
Бала ата-ананың сенімін сезінгенде, өз ісіне жауапкершілікпен қарай бастайды, өзін маңызды тұлға ретінде қабылдайды.

☘️ Балаға сенім білдірудің негізгі жолдары:

1. Тыңдау және түсіну.
   Баланың айтқан әр сөзіне мән беру — сенімнің алғашқы қадамы.
   Мысалы: “Сенің пікірің мен үшін маңызды”, “Сен не ойлайсың?” деп сұрау.

2. Мінсіздік күтпеу.
   Баланың қателесуіне мүмкіндік беріңіз. Қате – даму құралы.
   “Мен саған сенемін, келесі жолы жақсырақ істейсің” деген сөз — күшті мотивация.

3. Жауапкершілік жүктеу.
   Балаға өз бетімен шешім қабылдайтын ұсақ тапсырмалар беру (мысалы, киім таңдау, үй шаруасына көмектесу).
   Бұл оның өзіне сенімін арттырады.

4. Уәдеде тұру.
   Егер ата-ана уәдесін орындайтын болса, бала да ата-анаға сенуді үйренеді.
   Сенім – тұрақтылық пен сөзге берік болудан қалыптасады.

5. Мақтау мен қолдау.
   Бала жақсы іс істегенде оны міндетті түрде атап өту керек.
   “Сен бұл істі жақсы орындадың”, “Мен сенің адалдығыңды бағалаймын” — осындай сөздер сенімнің көпірін орнатады.

6. Сырлас болу.
   Кешке шай үстінде немесе серуен кезінде баламен ашық сөйлесу – сенімге жол ашады.
   Ол сіздің жанында өзін қауіпсіз сезінеді.

? Қысқаша түйін:

Балаға сенім білдіру – оны бақылаудан босату емес,
өзіне сенетін тұлға ретінде көру.
Сенім – отбасыдағы ең жылы, ең берік көпір.

Әр топ тақырыпты талқылап, постер түрінде қорғайды.
Мақсаты: ата-аналардың тәжірибе алмасуы және өз көзқарасын ортаға салу.

6. Эмоциямен жұмыс – “Ашулы шарлар” ойыны

Мақсаты: эмоцияны басқару, ашуды шығарудың бейбіт тәсілін үйрету.
Өткізілуі:
Әр қатысушыға бір шар беріледі.
Психолог:

“Кейде баламыз төмен баға алып, не бұзақылық жасағанда ашуланамыз. Сол сәттегі эмоцияны есіңізге түсіріп, осы шарға үрлеп толтырыңыз. Бұл – сіздің ашуыңыз.”

Шарлар үрленген соң, психолог:

“Енді бұл ашуды іште ұстамай, жіберейік. Жайлап ауасын шығарыңыз.”

Нәтиже: ата-аналар ашуды бақылау мен басқарудың символикалық тәсілін түсінеді.

7. “Кірпі” ойыны

Мақсаты: ренжіген немесе ашулы баланы жылы сөз бен құшақтау арқылы сабырландыру тәсілін түсіну.
Өткізілуі:
Психолог сұрайды:

“Егер балаңыз ренжіп отырса, не істейсіз? Қалай жылытасыз?”
Қатысушылар жауап береді (жылы сөз, құшақтау, назар аудару т.б.).
Ойын соңында әркім “бала күлімсіреуі үшін не істеуге болатынын” айтады.
Нәтиже: ата-аналар эмоциялық қолдаудың маңызын түсінеді.

Видео О воспитании ребенка https://yandex.kz/video/preview/7149061031430854909

8. Заманауи рефлексия – “Жылы пікірлер тізбегі”

Мақсаты: тренингтен алған әсерді білдіру.
Өткізілуі:
Қатысушылар стикерлерге қысқаша пікір жазады:

«Бүгін мен түсіндім, ...»
«Балаға сенім білдіру – бұл ...»
«Мен үйде міндетті түрде ... жасаймын».

Психолог қорытындылайды:

“Адалдық пен сенім – баланы тұлға ететін екі тірек.
Балаға сеніңіз, сонда ол да өзіне сенімді болады.”