Ата-ана мен оқушы арасындағы қарым-қатынасты нығайту

Ата-ана мен оқушы арасындағы қарым-қатынасты нығайту

Бұл тренинг ата - аналарымен өткізіледі.
Мақсаты: ата - ананың бала тәрбиелеудегі оң психологиялық көзқарасын, балаға деген жауапкершілік сезімін қалыптастыру.
Қатысушылар: ата - аналар.
Құрал - жабдықтар: түрлі - тусті қағаз, шам, стикерлер,плакат.
Тренинг сабақтың міндеті: ата - ананың балаға деген сүйіспеншілігін байқау; өзінің және өзгенің даралығын бағалау, өзін құрметтеу; көңіл - күйді көтеру, сезім мен эмоцияны реттеу.
Тренинг барысы:

1. Топқа бөлу. Ән шумақтары бойынша

2. Сәлемдесу рәсімі «Есімдер аллитерациясы»

3. Кім шапшаң ойыны

4. «Жанұя бақыты» жаттығу.

5. Кездейсоқ жағдайдан шығу

6. Жаттығу: «Тілек шамы»

7. «Сиқырлы жүрек» ой – түйін

Мен бүгінгі дөңгелек үстелімді Мұзафар Әлімбаевтың мына өлеңімен бастағым келіп тұр.

Қипақтайды қит етсе анаң. Әкең

Қайтсем ғана осыны адам етем

Басқалардың осындай балалары

Тап осындай жаңғалақ шала ма екен

Ойым емес оллохи біздікінің

Енжарлығы елде жоқ ала бөтен

Туа сала тұлпардың жалын тартқан

Қырғиларға қызығып қарап өтем

Жарық сыйлап маңына жылу сыйлап

Бұ да бір күн алаудай жана ма екен

Ел қатарлы елеулі еңбек етсе-ау

Болмасада топ жарған дара бөтен

Мүше тістеп мықтылар той жасаса

Жерге қарап мен сорлы қалар ма екем

Үміт пен күдіктің ортасында

Ата ананың үміті талады екен

Міне ,осылайша өз баласының болашағына алаңдап, Қайтсем де баламды адам етем деген ата –ананың арманы баласымен бірге жасайды екен.
Бала – ата - ана өмірінің жалғасы. «Баламның табанына кірген шөңге менің маңдайыма кірсін,» деп әлпештеп өсірген перзенті ауырып не басқа бір қатер төнгенде мойындарына бұршағын салып, «Өзімді алып, баламды аман қалдыр!» деп құдайға жалбарынған.
Ата - аналардың жастығы мен бала тәрбиесіндегі тәжірибенің жоқтығы, болмаса тәрбие жұмыстарында тек қана өз ойлары мен көзқарастарына ғана жүгінуі немесе қажетті педагогикалық білімдерінің жетіспеушілігі салдарынан тәрбие процестері көптеген қателіктерге ұшырап отырады.
Сондықтан да мектеп өміріндегі ата - аналардың педагогикалық білімін жетілдіру, мәдениетін арттыру, бала тәрбиесіне белсене араластыру, соның нәтижесінде ата - ананы баланың алғашқы ұстазына айналдыру мақсатында ұйымдастырылатын семинар тренингтердің маңызы орасан зор.

1. Топқа бөлу. Ата-аналардың қолынаАта-ана парызы әннің жолдары жазылған қағаз қиындыларын таратамын. Сол жолдар бойынша топтасып әннің шумағын құрап шығады. Әр шумақ бойынша топ болып отырады.

2. Сәлемдесу «Есімдер аллитерациясы»
   Нұсқау: Алдымен өз есімдеріңіздің алдына адамның бойында бар жақсы қасиеттің біреуін айтып, өзіңіз туралы қысқаша мәлімет беруіңіз керек.
   Мысалы: Мен нұрлы – Нұргүлмін;
   Мен көрікті - Әсеммін;
   Мен дарынды – Дидармын.

3. Кім шапшаң ойыны

Өз баларымызды қаншалықты білетіндігімізді байқау үшін Кім жылдам ойынын ойнайық.

Ата-аналар дөңгелене тұрады, мұғалім сұрақ қойып допты береді ,ата-ана жылдам жауап ,беріп келесі ата-анаға береді.

-Балаңыздың туған күні қашан?

-Сынып жетекшісінің аты-жөні кім?

-Балаңыздың парталас көршісі кім?

Балаңыз бірінші сыныпқа қай жылы барды?

-Балаңыздың сүйікті асы?

-Балаңыз қандай түсті жақсы көреді?

Балаңыздың аяқ киім өлшемі қандай?

-Балаңызды еркелетіп қандай сөз айтасыз?

-Балаңыздың досы кім?

Балаңыздың сүйікті мультфилімі қандай?

-Балаңыздың хоббиі?

-Балаңыздың арманы?

4. Жаттығу: «Жанұя бақыты» жаттығу.
   Мақсаты: Ата - ананың бала тәрбиесіндегі қарым - қатынасы туралы түсініктер беру арқылы ата - аналардың білімін көтеруге көмектесу.
   «Жанұя бақыты» атты тренингімізді бастайық. Тренингтің шарты: «Бақытты жанұя» моделін құру. Яғни, ата - ана өзінің отбасын салу және отбасы бақытын сурет арқылы көрсетіп, суреттің жан жағына отбасы сөздері арқылы жеткізу керек.жаттығу

5. «Кездейсоқ жағдайдан шығу»
   1. Сіз тәрбиелі отбасы иесісіз. Бірақ балаңыздың жат әрекеттерге бой алдырып бара жатқанын байқадыңыз. Балаңызды қалай қорғап аласыз?
   2. Биыл сіздің балаңыздың сыныбында оқитындардың бәрінде «ұялы телефон» бар, тек сіздің балаңызда жоқ. Үйде алып бер деп мазаңызды алады. Сабаққа барғысы келмейді сіз не істейсіз?
   3. Сіздің тұңғышыңызды атасы мен әжесі бауырына басқан. Сабағы қиындап кеткен соң «өздерің қадағалаңдар» деп әкеліп береді. Ал балаңыз тәрбиеге еш көнер емес, не істейміз?
   4. балаңыз диктант дәптерін үйге әкелді. жазба жұмысынан «4» деген баға алған. Қатесін сіз де, балаңыз да көріп тұрсыздар, ал пән мұғалімі оны жөндемеген. Сіз балаңызға неліктен жөндемегенін балаға қалай түсіндіресіз?
   
   5. Мен өз отбасымды жақсы көрем, себебі....
   6. Мен қалар едім отбасымның....

7.Бала дегеніміз кім?
8. Бала жақсы өмір сүру үшін, қандай жақсы қасиеттер керек?
9.Балаңыз сізді ренжіткенде ең алдымен ауызыңызға қандай сөз түседі?

10Балаңыз мектепте сіздің көзіңізше мұғалімге дауыс көтерді.....

11.Балаңыз мектепте өзінен кіші баланы ұрып төбелес жасапты. Оны сізге мұғалім келіп айтып тұр....

12.Анашым мен бүгін сабаққа бармай ақ қояйыншы. Үйге берген тапсырманы орындамап едімү ауырып қалды деп айта салыңызшы. .... (Көңіл күйін іс қимылмен көрсету)

13.Әке мен бүгін мектепте жарысқа қатысып мақтау қағазын алдым. .... (Көңіл күйін іс қимылмен көрсету)

Жаттығу: «Тілек шамы».
Мақсаты: тренинг туралы пікірлеріңізді ортаға салу.
Құрметті ата - аналар! Біз сіздермен жанұядағы ата - ана мен бала арасындағы қарым - қатынасын түрлі жақтарын тануға, жан - жақты талқылауға тырыстық. Отбасы, ұшақ ұя - жылулықтың мекені. «Отбасы» атауының мәніне терең үңілер болсақ, оттың да үлкен маңызы бар екенін сеземіз. Сондықтан оттың басы, ошағымыздың түтіні түзу болуы үшін «Тілек шамы» жаттығуын бір - бірімізге тілек айта отырып жүргізейік. Бір - бірімізге мына шамды бере отырып бүгінгі кездесуден алған әсерлеріңізбен бөлісіп, тренинг барысында айта алмай қалған ойларыңыз болса барлығыңыз да осы жерде айтуларыңызды сұраймын.
Ой - түйін: «Сиқырлы жүрек»
Нұсқау: Бала тәрбиелеудегі жүрек жылуын алдарыңыздағы жүрек қағаздарға жазылу ұсынылады. Жақсы сөздер арқылы мейрімді жүрекке айналу қажет.

Дөңгелек үстел тақырыбымен таныстыру сәті

Тренингтің мақсатымен таныстырусәті

Ата-аналардың постер қорғау сәті

Ата –аналардың сұрақтарға жауап берә сәттері

“Тілек шамы “ тренингі кезінде

Орындаған: Казиева Улмекен Орынбасаровна