Ата аналар байқауы

«Бекітемін»

Мектеп директоры

Р.Абдыраманов

« 25 » сәуір 2018жыл

Науайы атындағы жалпы орта мектебінде 25 сәуір күні сағат 11.00 де өтетін «Ана тілі және отбасы» байқауының іс-шара жоспары

«Ана тілі және отбасы» байқауына қатысатын отбасылар

Тақырыбы: Ана тілі және отбасы

Мақсаты: еліміздегі әрбір отбасын, қоғамымыздың әрбір мүшесін қазақ тілінің мерейлі мәртебесін қамтамасыз етуге, жан-жақты оқып үйренуге, ата-аналар мен балаларды сайысқа қатыстыра отырып баланың ата-ана өміріндегі маңызын, ата-аналардың балаларға деген тәрбиесін көрсету, ынтымақпен бірлікке, ата-ананы сыйлауға, қадірлеуге, татулыққа тәрбиелеу.
Жүргізуші:

Армысыз Сырлы Созақ, қарт Қаратау,

Шыңдарың алып-биік, түнған тарау.
Жиналыппыз сәтті күн бәрімізде,
Үлкен-кіші жасымыз кәрімізде.
Төрлетіңдер қадірлі қонақтарым,
Гүл-гүл жайнап мына біздің төрімізге.

90 жыл киелі жер бір өзіңе,

Тарихың терең теңіз, нұр өнеге.

Бабаларға мың алғыс, құнды жерді,

Қорғап бізге қалдырған мол кереге.

Алып қала Астана тұр Ақордада,

Деп тұрғандай маған қон бақ қонарда.

Ғасырларға белгісіз 20 жылда,

Өсіп-өнді елімнің не дүлдүлі бас қалада.

Отбасы – бір түбірден тараған. Адамзат баласы шыр етіп дүние есігін ашқан күннен бастап, сол ортаға бейімделіп ықпалына көніп ер жетеді. Бала бақыт, бала қуаныш, өмірді жалғастырушы, демеуші ата-ана тәрбиелеуші.
Әке асқар тау,
Ана мөлдір бұлақ,
Бала жағасындағы құрақ, тәрбие тал бесіктен басталады.
Әке мейірімі мен құрышын қандырып, ана сүтінен нәр алып, әке ұлағаты мен ана тағылымын көріп өскен ұрпақ елін, жерін, халқын сүйетін ұлтжанды тұлға болып қалыптасады.
Әділ қазы береді,
Өнеріне сыйлықты.
Бізге айтып береді,
Кім өнерлі, кім мықты.

Әділ қазылар алқасымен таныстырайық.

Бәйге жарыс деген соң жарысайық,
Мәреде бәрімізге табысайық.
Бұл байқауды биссмиллә, деп бастау үшін,
Алдымен әулеттермен танысайық.
Сайысқа қатысатын отбасылармен таныстырып өтейін.
1. «Шаңырақ» тобы Нурхановтар отбасы
2 .«Ұлағат» тобы Мирзайдиновтар отбасы
3 .«Тұлпар» тобы: Қадырқуловтар отбасы
4 .«Береке» тобы Ахметжановтар отбасы
5. «Құлагер» тобы Бабаевтар отбасы

Отбасылық сайыстың кезеңдері
1. Сұрасаң менің тегім- таныстыру

2.Салт-дәстүр-асыл қазына
3.Өнерліге өріс кең

Көп сөйлеп жөн-жобадан аспайық біз,
Қандай сайыс болса да қашпайық біз.
Ал енді сіздер рұқсат етсеңіздер,
Отбасылық сайысты бастайық біз.

I кезең. Сұрасаң менің тегім-таныстыру

Бәйгенің аттарындай шабыстыра,
Білімнің ұшқыр болсын табыстары
Қол соғып қошеметтеп отырайық
Отбасылар міне бүгін сайысады
Әр отбасы өздерін таныстырады.

II. Салт-дәстүр-асыл қазына

Ал, халайық, ықыласпен демелік
Отбасылық сән үлгісін көрейік
Сырымен сымбатына қарап біз
Әділдікпен бағаларын берейік

III. Өнерліге өріс кең

Жанұя жас ғұмырдың талғамысың
Қуантқан әрбір үйдің арманысың
Дәл бүгін қанат қолдап сыңарында
Сан сұрақтан сүрінбей самғап ұшқан

Сайыс қорытындысын жариялау үшін сөз кезегін әділ қазылар алқасына береміз.
Қорытынды.
Бала біздің болашағымыз, бауыр етіміз. Көктемнің шаттық күніндей, жауқазындай жайнап, қызғалдақтай құлпырып жүре беріңіздер деген тілекпен бүгінгі сайысымызды аяқтаймыз.

«Созақ ауданы әкімдігінің білім бөлімінің Науайы атындағы жалпы орта мектебі» коммуналдық мемлекеттік мекемесі

«Ана тілі және отбасы»

байқауы

Созақ 2018жыл