Ата-аналар жиналысы.Психологиялық тренинг

Абай облысы білім басқармасының

Аягөз ауданы білім бөлімінің

«Аягөз қалалық№1 бөбекжай-балабақшасы» КМҚК

Педагог-психолог Хайсина Майгуль Адилгазиновна

Ата –аналар жиналысы.Психологиялық тренинг.

№4 «Алтын балық»тобы
Күн тәртібі:
1. Кіріспе.
2. Баяндама: «Отбасы- бала тәрбиесінің қайнар көзі.»
3. Сауалнама «Барлық уақытта өз-өзінді зертте.

Мінез акцентуациясына арналған «Психогеометриялық фигуралар» әдістемесі.

Қай ағашты таңдайсыз? Психологиялық тест.Суретті тест.

4. Тренинг.Ата-аналарға арналған психологиялық жаттығулар.
5. Қорытындылау.

Мақсаты:Ата-аналармен бала-бақша арасында қарым-қатынасты нығайту,өзін-өзі тану құрметтеу,өзін еркін сезінуге көмектесу.Психологиялық ахуал қалыптастыру.

Бағыты: ата-аналармен жұмыс.

Құрал-жабдықтар:Музыкалық сүйемел,қалам,сары, жасыл түсті ленталар.
-Сәлеметсіздер ме,құрметті ата-аналар!

№4 «Алтын балық» тобында ұйымдастырылған кезекті ата-аналар жиналысына қош келдіңіздер!

Бүгінгі біздің жиналысымыздың тақырыбы: «Отбасы –бала тәрбиесінің қайнар көзі» деп аталады.
Азамат баласының ең негізгі мақсат-дүниеге келген ұрпағының болашағына жауапкершілікпен қарау. Бала - атаның көз қуанышы,болашағы.Бала тәрбиесі –бұл ересек адамға жүктелетін ең үлкен жауапкершілік. Бала үшін дүниеде ең жетілген,білімдіде,мәртебелі адам-оның ата-анасы.Ең бастысы,ата-ананың айрықша рөлі-балаларын сүю мен тәрбиелеу,сонымен қатар олардың бойында өзін-өзі бағалау мен өзіне деген сенімділік сезімдерін қалыптастыру.

Бүгін сіздердің психикалық көңіл-күйлеріңізді көтеруге,өз-өзіңізге құрметпен қарауға,бір-бірімізбен сыйластық қарым-қатынаста болуға арналған тренингке ұйымшылдықпен қатысуға шақырамын.

Шаттық шеңбері:
Ата - аналарды қолымыздан ұстап, шаттық шеңберіне тұрғызу. Мен сіздермен кездескеніме өте қуаныштымын. Қане, бәріміз бір - біріміздің қолымыздан ұстап шеңбер құрайық. Осы дөңгелек шеңберді неге шаттық, жылулық шеңбері деп атаймыз? Қалай ойлайсыздар. Шеңберге тұрудың үлкен бір қасиеті бар. Шеңберіміз көктегі жылу беретін күн сияқты дөңгелек. Шеңберге тұрып, бір - бірімізді жақсы көре аламыз, жақсылық пен жылулығымызды сыйлай білуге үйренеміз. Міне, сондықтан бұл шеңберді жылулық, шаттық шеңбері деп атаймыз. Енді бәріміз жақсылық тілеп, шаттана қуанып, күлкімізді сыйлайық.

«Жұлдыздар» жаттығу.

Мақсаты:қарым-қатынасты белсенділікті арттыру.

Әдемі әуен қойылады.Музыка ырғағымен ортада қатысушылар билеп жүреді.Жүргізуші 5 жұлдыз десе 5адам болып,7 жұлдыз десе 7адам жиналу қажет.Артық қалған ойыншы ойыннан шығады.

«Достық көмек» жаттығу.

Мақсаты:Бірлесіп жұмыс істеу.Сенімді болуға үйрену.

Алдымызда екі арал бар.Сол аралға бәріміз орналасуымыз керек.Шеңбер құрып музыка ырғағымен билеп жүреді,музыка тоқтайды бәріміз бір-бірімізге достық көмек көрсетіп аралға орналасады.Өздерінің достарына деген жауапкершілігін көрсетеді.

«Сілкіп таста» жаттығу.

Мақсаты: жағымсыз қажет емес кедергі жасайтыннан құтылу.

Айналанызда орын қалдырып еркін тұрыңыздар.Қолыңызды, білегіңізді,иығыңызды сілкіңіз.Осы сәтте өзіңізді жағымсыз жағдайлардан арылғандай сезіңесіздер.Аяқтарыңызды саннан тобыққа дейін сілкіңіздер.Жағымсыз сезімнен тобыққа дейін сілкіңіздер.Жағымсыз сезімнен арылғаңыды біртіндеп сергек,көңілді бола түскеңізді елестетуге тырысыңыз.

Қорытынды: тренингтен алған әсерлерімен бөліседі.

«ХИ!- ХА !-ХО!» Жаттығу.

Қатысушылар шеңбер жасап қолдарын ұстап тұрады.Жүргізушінің нұсқауымен 3-рет жоғары секіреді.Бірінші секіргени кезде қатты айқайлап» «ХИ!». 2-ші рет секіруде «ХА!». 3-ші рет секіруде «ХО»!.Барлығы дауыстап«ХИ!- ХА !-ХО!» деп айқайлайды.Жаттығу аяқталған соң барлығы қолдарын шапалақтайды.Қатысқандарыңызға көп рахмет!

- Міне, қоштасатын да сәт жетті, ата – аналар.
Бала дегеніміз –болашақ. Балаларымызды қалай тәрбиелесек болашағымыз солай болмақ. Келешегіміздің болашағы балаларымызды білімді де мәдениетті, тәрбиелі де әдепті, кішіпейіл де қарапайым етіп тәрбиелеу өз қолымызда.
Ұлт тәрбиесі- ұлт болашағы. Егеменді еліміздің ертеңгі болашағы жас ұрпақ тәрбиесі. Білімді денсаулығы мықты азамат өсіру үшін, балабақша болып ынтымақтасып та, ат салысуымыз қажет. Бала бақытының кепілі-ата –ананың өнегелі тәрбиесінде.Отбасы, ұшқан ұя - жылылықтың, жылулықтың мекені.

Ата - аналар алтын уақыттарыңызды бөліп келгендеріңізге көп рахметімді айта отырып, отбасыларыңызға бақыт нұры шашыла берсін.Әр атқан күндеріміз бақыт сыйласын!