Материалдар / Ата-аналарға арналған сазды тренинг

Ата-аналарға арналған сазды тренинг

Материал туралы қысқаша түсінік

Менің анам (Aналарға арналған сазды тренинг). Ата-аналардың өз баласын түсіну мүмкіндіктерін кеңейту; Ана - өмірдің гүлі, анаға тек ұлылық тән екенін ұғындыру. Анасын сүю арқылы еліне, жеріне деген сүйіспеншілігін арттыру. Оқушыларды аналардың еңбегін бағалай, құрметтей білуге тәрбиелеу.

Абдрахманова Гульнур Тоханаевна

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

10 Сәуір 2018

571

0 рет жүктелген

Сынып жетекші Ата-аналармен жұмыс 5 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Менің анам (Aналарға арналған тренинг)Тренингтің міндеттері:Ата аналарға баламен өзара әрекеттің жаңа дағдыларын меңгеру; ана - өмірдің гүлі, анаға тек ұлылық тән екенін ұғындыру. Анасын сүю арқылы еліне, жеріне деген сүйіспеншілігін арттыру. Оқушыларды аналардың еңбегін бағалай, құрметтей білуге тәрбиелеу. Балалармен бірге мейірімділікке, ұстамдылыққа тәрбиелеудің жолдарын көрсету, бала тәрбиелеу сапасының аз да болса жоғарылауына ықпал ету. Сабақтың көрнекілігі: Тәрбие сағаты өтілетін бөлмені мерекеге лайық безендіру. Әдістері: пікір алмасу, сұрақ-жауап, тест, психологиялық жаттығулар.Тренинг барысы:Кіріспе сөз: (Ән ойнап тұрады)1 - жүргізуші: - Сәлеметсіздер ме, құрметті ата-аналар! Бүгінгі біздің «Менің анам» атты тренинг – сабағымызға қош келдіңіздер! Ата-ананың тілегі–баласының жақсы адам болуы, еңбексүйгіштігі, оқу мен еңбектегі табыстары. Аналар шаңырақ ұйытқысы, ырыс-берекесі, алтын діңгегі. Сонау, заманнан ерлерімізге тірек болып, жігер берген аналарымыз қаншама. 2 - жүргізуші: Анаңды Меккеге үш рет арқалап барсаң да, қарызын өтей алмайсың.1 - жүргізуші: Иә, дұрыс айтасың. Біздің әрқайсымыз үшін өмірдегі ең жақын, ең әзиз жан ол – анамыз. 1. «Есімдер аллитерациясы» Нұсқау: Алдымен өз есімдеріңіздің алдына балаңыздың бойында бар жақсы қасиеттің біреуін айтып, өзіңіз туралы қысқаша мәлімет беруіңіз керек. Мысалы: Мен сымбатты, сері Салауаттың анасы Гүлмирамын. Осы қасиеттеріңіз әрқашан балаларыңызға жұғысты болып, тек жақсы қасиеттерімен қуантып жүрсін!2. Топқа бөлу. Ойын: «Жұбыңды тап» Мақсаты: Сөзсіз қарым - қатынасқа шақыру, ауызбіршілікке бірлесіп жұмыс істеуге шақыру. Қатысушыларға бүктелген қағаздар таратылады. Ол қағаздың ішінде «Бишілер», «Әншілер» -ді іс - қимылмен салып өзінің жұбын тауып алуы керек. 2 - жүргізуші: Нұрдаулеттің өз жадынан шығарған өлең жолдарына құлақ түріңіздер.

3. Ой жинақтау. Cитуацияға байланысты диалог түрінде көрініс. Үш топқа тақырып беріледі. Ата–аналар сол бойынша өз ойларын диалог түрінде ортаға салады. Қазіргі балалар сабақ оқуға эмоционалды түрде дайын емес. Өйткені әсер етуші факторлар көп.1 топ. Балаларға технология әсер етіп жатыр. Көптеген ата-ана технологияны тегін күтуші ретінде қолданады. Өзі жұмысын бітіріп алуы немесе баласы мазасызданбауы үшін телефонды қолына ұстатып кете береді. Оның миы көптеген визуалды эффектілерге, қызылды-жасылды графикаға үйреніп қалады. Ал сабақтағы ақпарат оны жалықтырады.Шешім: Соның нәтижесінде сабақ оқуға деген ынтасы жойылады. Одан бөлек, технологиялар бала мен ата-анасының арасын алшақтатады. Ал баланың дамуы үшін оның ата-анасымен эмоционалды байланыста болуы маңызды. Балаңызбен араңыздағы эмоционалды байланысты қалай қалпына келтіресіз? 2 топ. Бала қалағанына бірден қол жеткізіп үйреніп қалған. Көптеген ата-ана баласының қалағанын бірден орындауға тырысады. Бірі қатты жақсы көргендіктен, екіншісі жылап мазасын алмауы үшін. Бала: “Қарным ашты”,-десе, ата-ана қолына жейтін бірдеңе ұстата қояды; “Ана ойыншықты алып бер!” – “Қазір”; “Ішім пысты” – “Менің телефонымнан мультфильм қара”… Шешім: Психологияда қалағаныңды кейінге шегеріп үйрену – адамның күйзеліске қарсы тұруына көмектесетін бірден-бір тәсіл. Әдетте, ата-ана бұл туралы ұмытып кетеді. Себебі баласын дәл қазір бақытты еткісі келеді. Бірақ бұл оның болашағына кері әсер етеді. Бала сәтсіздікке төзімсіз болып өседі.3 топ. Бала әлеуметтік ортаға бейімделмеген. Бұрын балалар далада ойнайтын еді. Достарымен сөйлесіп, әлеуметтік ортаға бейімделетін. Қазір баланың көп уақыты компьютер мен телефон алдында өтіп жатыр. Тіпті ана-ананың өзі де баласымен серуендеп жүргенде онымен сөйлесудің орнына телефонына үңіліп жүреді. Шешім: Баланы бөлісуге, жеңуге және жеңілуге, рахмет айтуға, өтініш білдіруге үйретіңіз; Үйге қонақтар келгенде “ана бөлмеге” отырғызып қоймай, қонақтармен сөйлесуге бейімдеңіз.1 - жүргізуші: Сыныбымыздың жезтаңдай әншісі, «Мен де жұлдыз боламын» телеконкурсының жүлдегері Алпыс Аянаның орындауында «Алғысым көп бәріңе» әнін қабыл алыңыздар.

2 - жүргізуші: Танымал ақындарымыздың ана туралы өлеңдеріне кезек берейік.

Мұқағали Мақатаев «Шеше, сен бақыттысың!» (Азамат)

Шеше, Сен бақыттысың! Жыламағың.Жай түсіп жатқанда да құламадың.Тәңіріңнен мен едім ғой сұрағаның,Сондықтан жыламағын, жыламағын!

Бармын ғой, Тірімін ғой, Қасыңдамын.Өлмеймін, мен өзіңдей асылданмын!Таусылып, өз - өзіңнен шашылмағын,Байырғы берекеңді қашырмағын!

Мен сенің қанықпын ғой көз жасыңа,Өзім кепіл тот басып тозбасыма.Екі жыр жазсам саған бірін арнап,«Шеше» деп жаздым ылғи сөз басына.

(Тәңірім кеше көрсін кесірімді.)Аспанға жазам сенің есіміңді!!!Шеше! Сен бақыттысың, тербете бер,Құба талдан иілген бесігімді...

Жұмекен Нәжімеденов – «Ана» (Ілияс)

Бесікте – Ана, бесікте – бөбек:Бірі тербеледі, бірі тербетеді.Бал - бөбек былдыр, өсіп те келеді,Анаға жалғыз, сол жетеді.Ана, Ана, қайран, ана!Тербейді Ана әлемдегі күлкіні,Нұр себеді аналардың кірпігіөліге де ояуға,Ана дайын біреу үшін жылауға,біреу үшін аяуға.Тербейді Ана қуанышты, бақытты,тербейді Ана – тебіренеді жаны шын.Тербейді Ана уақытты;Барлық әлем – бір - ақ бесік Ана үшін.Тербейді Ана бөбегін,Сол арқылы тербетеді өз елін, Құмын, тауын, өзенін.Тербейді Ана көлеңкені, шуақты –Планетаның алақаны сияқты...

Қалқаман Сарин «Асыл ана» (Санжар)

Асыл ана! Түсімде көрем сені,Бұрынғыдай емессің неге еңселі?Мен білсем, саған деген сағыныштың,Осынау жұмыр жерде жоқ өлшемі.

Тербеп сол сағыныштың күшті ырғағы,Елжіреп елесіңді құштым тағы.Хат байлап қанатына жіберер ем,Бармайды - ау, біздің жаққа құстың бәрі.

Ал, бүгін ақын болды ақылды ұлың,Жанымды жегідей жеп жатыр мұңым.Ардақтап арнамасам саған өлең,Адыра қалатындай ақындығым.

1 - жүргізуші: Шетелдерде Аналар күніне арнайы сыйлықтар дүкен сөрелеріне шығарылады екен. Бұл күннің ең басты сыйы - Анаға арналған тәтті торт. Ал америкалық аналардың сол күнгі жалғыз ғана жұмысы - өзіне арнап әдейі жолданған сыйлықты, гүл шоғын қабылдау үшін сыртқы есікті ашу ғана. Тағы бір қызығы, тап осы күні Румыния Әкелер Күнін тойлайды екен. 2 - жүргізуші: Ал Канадада Аналар күніне арналған қызықты шаралар мен жолсапарларға деген билет бірнеше апта бұрын сатылып кетеді екен. Мерекені ұйымдастырушылар арнайы экскурсиялық пойыз шығарып, әсем жерлерді тамашалауға мүмкіндік жасаумен қатар, аналарға әдемі естелік сыйлықтар тарту етеді.1 - жүргізуші: Қазақта «Алғыспенен ел көгерер, батаменен жер көгерер»- деген даналық сөз бар. Сол батаның қадірін біліп жүрміз бе? Көрініс «Батаның қадірі»4. «Қызықты сұрақтар» айдары (доп беру арқылы ата-ана жауап береді) 1. Балаңыздың сәби күнінен қызықты сәт? 2 Балаңызды не деп еркелетесіз? 3. Балаңыз аяқкиімінің өлшемі қандай ? 4. Балаңыздың сүйікті асы қандай? 5. Балаңыздың мінез-құлқы көңіліңізден шыға ма? 6. Балаңыз үйдегі шаруаны ойыңыздағыдай орындай ма? 7. Балаңызға қатты ренжіген кезіңіз болды ма? 8. Балаңыз сізге келіп мен осындай қызды ұнатамын, менің ерекше сыйлық жасауым керек десе не істейсіз? 9. Балаңызға ашуланғанда, ең алдымен ауызыңызға қандай сөз түседі? 10. Балаңызбен табиғат аясында жиі отбасылық демалыс жасайсыз ба?1 - жүргізуші: Сыныбымыздың күміс көмей әнші қыздарынынң бірегейі, «Мен де жұлдыз боламын» телеконкурсының жүлдегері Копжасарова Диананың орындауында «Әна-әке» әнін шашу етеміз. Қабыл алыңыздар.

5. Сергіту сәті: «Түстер сөйлейді»Ақ – қайырымдылық пен пәктіктің түсі. Қара – ең сиқырлы түс. Көпшілік санасында, қара адамдардың мүмкіншілігі мен деңгейі жайлы сыр беретіндігі анықталған.Қызыл –шапшаң мiнездi, ақжарқын, тәуекелшiл, қарсыласуға әзiр адамдар. Қоңыр түс – топырақтың және ағаш тақтаның реңі. Төзімділік және сенімділік береді. Қоңыр, сондай-ақ, жердің түсі. Жер халықтың тіршілік орны. Осымен байланысты қазақ елінің танымында ерекше жағымды мәнде ассоциацияланады.

Жасыл –қайсар мiнездi, жұмсақ жүректi, ақкөңiл адам. Қайрымды жандар. Олар балаларына ерекше мейрiмдi. Жасыл - Америка мәдениетінде ақшаны ассоциациялайды.Сары –қиялы бай, ұшқыр ойлары парасатымен ұштасып жататындар. Қуаныштың, күн шапағатының нышаны. Көк түс – жан тыныштығын, молшылықты, татулықты білдіреді. Ол адамдар мен қоғамды байланыстыратын негізгі дәнекер іспетті, бірлік, көпшілдік сезімнің, сенімнің түсі. Сиякөк –ешкiмге ұқсамайтын дара творчестволық тұлғалар.

1 - жүргізуші: Алдарыңызда «Мен де жұлдыз боламын» телеконкурсының жүлдегері «Жігерлі жастар» тобының орындауында Жарылқасын Дәулеттің әні «Батырлар жыры»

6. Ситуациялық сұрақтар.Ата-аналар үстел үстінен үлестірмелі қағаздарды бөліп алып, сұрақтарға жауап береді.1. Кейбір ата-аналардың баласының әрбір іс-әрекетіне көңілі толмай: «Сен сала алмайсың, сен істей алмайсың», - деп айтып жататынын байқаймыз. Бала іс –әрекетіне қалай қолдау көрсетесіз?2. Балаңыздың сабағы, тәртібі жайлы білгіңіз келіп, мектепке келіп тұрасыз. Сынып жетекшісі сізді қатулы қабақ, ашулы күймен қарсы алды. Сіздің әрекетіңіз?3. Сіздің тұңғышыңызды атасы мен әжесі бауырына басқан. Сабағы қиындап кеткен соң, өздерің қадағалаңдар деп әкеп тастады. Ал балаңыз тәрбиеңізге көнер емес, не істейсіз? 7. 1 - жүргізуші: Көрініс «Ана қадірі» Балаларға қатысты қызықты ақпараттар:

Сіз білесіз бе басқада жәндіктердің балалары сияқты адамның баласы 6-7 айлығына дейін тек мұрнымен демалады.

Сіз білесіз бе бір айлық баланың жұдырығын жұмуынан бір күндік баланың жұдырығын жұмуы күштірек.

Сіз білесіз бе 6-7 айлық сәби бір уақытта ауа жұтып және тамақ жұта алады ал үлкендер оны істей алмайды.

Сіз білесіз бе ең көп бала туған ананың баласының саны 69-ға жеткен .

Сіз білесіз бе баласы көп әке мароккалық сұлтан Исмаил. Оның қазіргі таңда 548 ұлы және 340 қызы бар.

Сіз білесіз бе ең ескі ойыншыққа 3000 жыл ол бұрынғы Парсы жерінен табылған қазір Франциядағы Лувр мұражайында сақтаулы.

Сіз білесіз бе 3 жасар баланың даусы 200 үлкен адамның даусынан қатты шығады.

Сіз білесіз бе орта есеппен 4 жасар бала күніне 437 сұрақ қояды екен.

Сіз білесіз бе Кореяда баланың жасына анасының құрсағында болған 9-айы да жазылады екен. Құжаттар бойынша олар дүниежүзіндегі өзінің құрдастарынан бір жас үлкен болады.

Сіз білесіз бе Қытайда адамдардың көптігіне байланысты бір жанұяда бір бала деген заң шыққан. Қазіргі таңда қытайда қыз балалар ұл балаларға қарағанда 20 000 000 –ға аз.

Сіз білесіз бе дүниежүзінде балалар қорғау күні болса, Сейшел аралдарында бір ай балалар күні болады.

2 - жүргізуші: «Нағыз қазақ қазақ емес, нағыз қазақ-домбыра» демекші Копжасарова Диананың орындауында Дәулеткерейдің күйі «Қызақ желі». Қабыл алыңыздар!

8. Кері байланыс. «Ашығын айтсам ... ».Ата-аналарға төмендегідей бланкілер таратылып толтырылады:Маған ең пайдалы, құнды болған---------- Маған ұнамағаны--------------

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!