400 000+ дайын материалды
1 жыл бойы шексіз жүктеңіз
ҚМЖ, БЖБ, ТЖБ, презентациялар және авторлық материалдар
4 990₸/ 1 жыл
🔥Арнайы баға ·10.12.2026 дейін
Одан кейін - 29 990 ₸
Бір рет төлейсіз · Автотөлем жоқ
Тақырып бойынша 11 материал табылды

Ата-аналарға арналған тренинг-сабақ, Тақырыбы: «Бала тәрбиесіндегі ата-ананың рөлі»

Материал туралы қысқаша түсінік
Материал ата-аналарға көмегі бар, баланың бойындағы жағымды қасиеттерді дамытып, жағымсыз қасиеттерден арылуға, ата-ана мен бала арасында қарым-қатынасын жақсартуға, ата-ананың жауапкершілігін күшейтуге көмектесу
Материалдың қысқаша нұсқасы

7 сынып оқушыларының ата-аналарына тренинг


Тақырыбы: «Бала тәрбиесіндегі ата-ананың рөлі»
Мақсаты:баланың бойындағы жағымды қасиеттерді дамытып, жағымсыз қасиеттерден арылуға, ата-анамен қарым-қатынасын жақсартуға көмектесу;

-әдепті, байсалды бала ата-ананың қуанышы екеніне көз жеткізу;
-ата-ананың жауапкершілігін күшейтуге көмектесу;
Әдістері: пікір алмасу, сұрақ-жауап, сауалнама, психологиялық жаттығулар.
Сәлеметсіздер ме, құрметті ата-аналар! Бүгінгі біздің «Бала тәрбиесіндегі ата-ананың рөлі» атты таным-тренинг сабағымызға қош келдіңіздер!

Жүрісі:
І. Топқа бөлу;
ІІ. Ата-анаға арналған тест;
ІІІ. Сергіту. “Мен сияқты жаса”
ІҮ. Миға шабуыл. “Сен менің әркез жадымдасың”
Ү. Ситуациялық сұрақтар талдау;
ҮІ. “Кім мәреге бірінші жетеді?”
ҮІІ. Қорытынды "Үлгілі отбасы қандай болуы керек?
ҮІІІ. Рефлексия


І. Тренинг мақсатымен танысу.
ІІ. Топқа бөлу. Ата-аналарға 4 түрлі шарлар ұсынылады. шардың түстері бойынша топ

Тренинг ережесі:

ТЫҢДАЙ БІЛУ.
СӨЗДІ БӨЛМЕУ.
БЕЛСЕНДІЛІК.
ШЫҒАРМАШЫЛЫҚ.
ТӨЗІМДІЛІК.
СЫЙЛАСТЫҚ.
ТҮСІНІСТІК ҚАРЫМ-ҚАТЫНАС.
ТОПТАН ҚАЛЫС ҚАЛМАУ.


ІІІ. Ата-анаға арналған тест:
Сіз жақын арада қоныс аудардыныз, бірақ көршілеріңіз көңіліңізден шықпады. Мекен–жайыңызды өзгертейін десеңіз балаңыз мектепке де, достарына да бауыр басып қалды. Қандай шешім қабылдайсыз?
А) пәтерімді міндетті түрде ауыстырамын
Ә) асықпай ойланып шешім қабылдаймын
Б) отбасыммен ақылдасамын. Олар не десе сол болады.
2. Балаңызға ауладағы бір сотқар күнде күн бермейді. Қандай шешім қабылдайсыз?
А) бар ашуымды бойыма жинап, тәртіп орнатуға тырысамын
Ә) баланың ата-анасымен сөйлесемін. Мүмкін олар баласының тентектігінен бейхабар болар
Б) тентектің өзімен сөйлесемін. Ер бала ғой мүмкін түсінісерміз
3. Сіздің жаңа көршілеріңіз бір-біріне қонаққа жиі барады, үнемі басқосулар жасайды, балалары мерекелерін бірге тойлайды.сізге бұл жағжай қалыпты емес, әйтсе де жаңа таныстар сізді де өз орталарына тартқысы келеді. Сіз не істейсіз?
А) асықпай байқап қараймын, мұның бәрі тегін емес
Ә) жағдайды анықтауға психолог құрбымды көмекке шақырамын. Оған дейін шақыруларынан бас тартамын, балаларымды да ойнауға жібермеймін.
Б) көршілерімнің бәрі қарапайым, біз олармен қуана араласамыз.
4. Кез келген істі тастай салып, баламен айналыса аласыз ба?
А) иә, әрқашан солай жасаймын
Ә) кейде ғана
Б) жоқ. Шаруамның уақытылы аяқталғанын жөн көремін
5.Сіз балаңызға ата-анасынан гөрі, ойын мен достары жақын екенін байқайсыз. Балаңыз далабезер болмас үшін не істейсіз?
А) далаға шығуға тыйым саламын
Ә) баламмен бірге серуендеуге шығамын
Б) мен де кезінде бала болғанмын. Уақыт өте бәрі өз орнына келеді. Бұған бола қорқудың еш қажеті жоқ.

Қорытындылау:
5-8 ұпай аралығында.
Сіз тамаша ата-анасыз. Ең бастысы отбасыңызды түсінеміз. Жанұяңдағы жағдайдың бәрі жатық болмаса да, шыдамдылық пен балаға деген махаббатыңыз керемет ғажайыптарды жасайтынын білесіз.
9-12 ұпай аралығында.
Сіз үшін аулаңыз ең қауіпсіз жер. Бірақ айнадағыларға күдікпен қараудан арыла алмай келесіз. Бұл әдетті тастау керек. Көршілеріңіз сіз ойлағандай жаман адамдар емес.
13-15 ұпай аралығында .
Сіздің ашуыңыздың шегі жоқ. Жағдайдың бәрін бақылап ұстауға тырысасыз. Мүмкін жанұяңызда жұмсағырақ болған жөн шығар.

ҮІ. Миға шабуыл.
“Сен менің жадымдасың әркез” кім көп біледі?
1.Балаңыздың туған күні?
2.Сынып жетекшісінің толық аты-жөні?
3.Балаңыз қандай өлшемді аяқ киімді киеді?
4.Балаңыздың парталас көршісі кім?
5.Бүгін сабақтан қандай баға алды?
6.Балаңыздың сүйікті асы қандай?
7.Балаңыз қандай түсті жақсы көреді?
8.Балаңыз спорттың қандай түрін жақсы көреді?
9.Балаңыз 1-сыныпқа қай жылы барды?
10.Балаңызды еркелетіп қандай сөз айтасыз?
11.Балаңыз сізді ренжіткенде ең алдымен қандай сөз аузыңызға түседі?
12.Балаңыздың сүйікті ісі?
13.Кімнің баласы математиканы жақсы көреді?
14.Көп ұйықтағанды кімнің баласы жақсы көреді?
15.Кім бірде –бір сұраққа жауап берген жоқ?
ҮІ. Ситуациялық сұрақтар. Талдау
-Балаңыздың өнері, қандай да бір іске қызығушылығы, бейімділігі байқалса не істер едіңіз?

Берілетін кеңес:
Балаңыздың қабілетін одан әрі дамуына жағдай жасаған дұрыс. Мүмкін, ол бала бойында жасырын қабілет болар.
Көптеген биограф-зерттеушілердің айтуынша, мыңдаған Архимед, Моцарт, Рафаэльдің көбі өмірлерін ешбір атақсыз, қарапайым дихан, қолөнерші, аспаз ретінде көрсеткен екен.

-Кейбір ата-аналардың әрбір істеген ісіне көңілі толмай: «Сен сала алмайсың, сен істей алмайсың» деп айтып жатады.


-Балаңыз мектепте бір мұғаліммен тіл табыса алмай жүр. Балаңызға қандай кеңес берер едіңіз?
Берілетін кеңес:
Анық себебін біліп алып, мұғаліммен тіл табысуға ықпал ету.


ҮII. “Кім мәреге бірінші жетеді?”
Сіздің балаңыз сізді қатты қуантты.. (бір ісімен). Сіз не айтасыз? Қалай қолдайсыз? (Әр топтың бір мүшесі тақтаға шығып, балаға мадақтау сөздерін айтып, мәреге бірінші жетуге тырысады).
“Баланы тәрбиелеу үшін әр бір тәрбиешінің өзі тәрбиелі болуы керек. Себебі, бала айтып ұқтырғаннан гөрі, көргеніне көп еліктегіш келеді. Солай болған соң балаға не жақсы мінез болсын, іспен көрсету керек.”
Жазушы-педагог Ж.Аймауытов


ҮІІІ. Қорытынды рефлексия

Тренингтен алған әсерімен бөлісу
-құрметті ата-аналар! Бүгін біз сіздермен бірге отырып, бала мен ата-ана арасындағы қарым –қатынасты жақсартуға күш салдық. Олардың денсаулығы мықты, көңіл-күйлері көтеріңкі ақылды, мейірімді, еңбекқор болғанын тілейміз.

Күніміз ашық болсын,
Түніміз тыныш болсын.
Ауамыз таза болсын,
Суымыз мөлдір болсын!

Ұл-қызымыз аман болсын! -дей келе бүгінгі "«Бала тәрбиесіндегі ата-ананың рөлі»" атты таным-тренинг сабағымыз аяқталды.

V. «Балама қандай жылулық беремін?» ойыны
Күннің суреті салынған ватман. Сіз жылуыңызды беріп жатқан күнсіз. Сізден тарап жатқан шуақтарды қалай деп атайсыз. Ата-аналар шығып балаларына күн сияқты қандай жылулық беріп жатқандарын жазулары керек. Мысалы: «Мен баламды мейірімді, жылы сөздер айтып оятамын», «Мен балама күніне бірнеше рет жылы сөздер айтып аймалаймын», «Мен мейірімдімін» т.с.с. Енді шуақты күнімізге қарайықшы. Ол да аспандағы күн сияқты өзінің жылуын, мейірімін уақыт таңдамай, орын таңдамай сыйлап жатыр. Біз де, ата-аналар, өзіміздің балаларымызды ешқандай талап қоймай жақсы көруіміз керек.




Дайындаған: №4 жалпы орта және қосымша білім беру мектеп-орталығының педагог-психологі Зейнгереева А.Х.



































Қызылорда облысы, Қазалы ауданы, Сарыбұлақ ауылы
№78 орта білім беретін мектебі

педагог-психологы

Турмагамбетова Багдаулет Куанышбаевна   

 

Тренинг тақырыбы: Емтиханға дайындық кезіндегі қобалжудың алдын алу

Мақсаты: оқушыларды ҰБТ тапсырудағы жетістікке жетуге арналған жағдайлармен таныстыру, оқушылардың емтихан алдындағы қобалжудың алдын алуға арналған жаттығулар сериясын меңгеруі.

Жаттығу: «Менің атым және қасиетім»

Қатысушылар шеңбер болып отырады, бір-біріне допты немесе ойыншық бере отырып, өздерінің атын айтады және өздерінде бар қасиеттерді есімінде, тегінде және әкесінің атының бастапқы әріптерінен басталатын қасиеттерді айтады. Бұл жаттығуды «Қарлы жентек» әдісімен орындауға болады: әрбір келесі қатысушы бұған дейін айтылғандарды қайталайды және өзінің аты мен қасиетін қосады.

Жүргізуші жаттығуды қорытындылай отырып, қатысушының қасиеттерінің бір-біріне ұқсамайтындығын айтып, дегенмен барлығы бірге жұмыс істейтіндігін атап көрсетеді.

Сауалнама: ҰБТ тапсыруға баланың психологиялық дайындығы.

 

Мақсаты: ҰБТ-ге дайындалудағы оқушылардың психологиялық мәселелерін анықтау.

  1.      Сен тестпен қалай жұмыс істеу керектігін білесің бе?

А) иә          1

Ә) жоқ       0

2.  Қалай ойлайсың сенде жұмыс істеу дағдылары қалыптасқан ба?

А) иә          1

Ә) жоқ       0

     3. ҰБТ тапсыру жайлы ойлағанда сен қаншалықты дәрежеде қобалжисың?

         А) қобалжымаймын              2

         Ә) шамалы                                      1

         Б) өте қатты қобалжимын     0

    4. Сені бірінші кезекте не қобалжытады?

А) пәндер бойынша төмен білім    0

Ә) өз-өзіме сенімсіздік                   1

Б) таныс емес жағдай (ситуация)   2

В) басқа (көрсету)                         

5. ҰБТ тапсырудағы қиындықтарды айтып, сені қобалжытатын, алаңдататын кімдер?

А) мұғалімдер    0

Ә) ата-аналар     1

Б) өзім                 2

В) алаңдаймын   3

6. Сенің үйіңде сабақ оқуға ыңғайлы жер бар ма?

 А) иә                  1

Ә) жоқ                 0

7. Тапсырмаларды орындап жатқан кезіңде, үйдешілер сенің көңіліңді басқа жаққа аударады ма?

А) иә          1

Ә) жоқ       0

8. Ата-анам көбінесе:

А) мені мазақ қылады 0

Ә) мені қолдайды        2

Б) оларға бәрі-бір                 1

9. Бір іс-шараға дайындалып жатқанда, мен ойша:

А) жеңіске, табысқа жеткендей боламын.                  2

Ә) жағымсыз әсер етеді                                              0

Б) ештеңе туралы ойламауға тырысамын                 1

10. Сенде қол сағат бар ма?

А) иә          1

 Ә) жоқ                0

11.  Сен мамандық таңдадың ба?

А) иә          1

Ә) жоқ       0

12. Қандай оқу орнына түсетін болып шештің?

А) иә          1

Ә) жоқ       0

Қорытынды:

0-7 ұпай – төмен деңгей

8-13 ұпай – орташа деңгей

14-19 ұпай – жоғары деңгей.

Жаттығу: «Ашулы шарлар»

Шарты: барлық оқушыны ортаға шығарып, шарларды үрлеп, оларды байлауын сұраймын.

-         Шарлар адамның денесін бейнелейді, ал оның ішіндегі ауа – сезімін білдіреді. Енді осы шарларды аяқтарыңызбен жарыңыздар.  Шарды жарғанда қандай сезімде болдыңыздар?

-          Ашудың осылай шыққаны дұрыс жол ма?

-         Ондай ашудан кейін қандай сезімде болдыңыздар?

-         Бұлай қатты жарылған шар ол агрессияны білдіреді, ол – қатерлі жол.

Енді қатысушыларға жаңа шар беріп, үрлеуін өтінемін.

-         Қолдарыңыздағы шарды байламай, ұстап тұрыңыздар. Бұл шарлар ашу толы сезімді білдіреді, ал енді шарды жайлап ашып, аузынан ауасын жіберіңіздер.

-         Шар кішірейді, бірақ жарылмады.  Бұл нені білдіреді?

-         Егер ашуды бақылап шығарса, ол ешкімге зақым келтірмейді.

-         Енді шардағы ауаны толығымен шығарыңыздар. Бұл нені білдіреді?

-         Яғни, ашудың қауіпсіз жолын табу – әр адамның өз қолында.

          Ойға анықтама беріңіз:

-         Ережесіз қимылдау – бұл дүниедегі ең қиын және шаршататын нәрсе (А.Мандзони).

-         Яғни, адам уақытын босқа өткізбей, білім-ғылымға ден қойып, алдамызға биік мақсат қойып, соған жету үшін күш-жігерімізді жұмсауымыз керек. Ал егер де ешқандай мақсат қоймай өмір сүрсек, онда өміріміз мәнсіз, әрі қызықсыз болады. Адам мақсатқа жету арқылы бақытқа кенеледі. Ал енді мен сіздерге аңыз әңгіме айтып беремін:

 Тесік шелек

       Бір байдың үйіне қызметшісі күнде екі шелекпен су таситын. Алайда, оның біреуінің түбі тесік болатын. Бүтін шелекпен суды қожайынның үйіне төкпей-шашпай жеткізсе, тесік шелекке құйылған су жол бойы тамып, жартысы ғана кәдеге жарайтын. Осылайша арада екі жыл сырғып өте шығыпты.
        Бір күні әдеттегідей өзен жағасына тағы барғанда, шыдамаған тесік шелек су тасушыға қысыла-қымтырыла: «Сізден кешірім сұрасам деп едім, білсеңіз ылғи алдыңызда ұяттан өртене жаздаймын»,– депті. Таңқалған су тасушы: «Неге?» деп сұрайды. Шелек: «Өйткені, түбім тесік болғандықтан, судың жартысын ғана жеткізіп, өзіме жүктелген міндетті толық орындай алмай жүргеніме іштей қатты қысылам. Менің кесірімнен сіз де тиесілі еңбекақыңызды толықтай ала алмай келесіз» дегенде қызметші: «Оған түк те қайғырма. Одан да қожайынның үйіне баратын жолдың сен жағындағы гүлдеріне бір қарашы», – депті жай ғана.
        Шынында да қожайынның үйіне жеткенше жолдың өз жағы жапырағы жайқалған, иісі аңқыған гүлдермен көмкеріліпті. Әдеміліке тамсанған шелек бір сәт аңтарылып тұрып қалғанда, су тасушы:
– Жолдың сен жағына әдейілеп гүлдер ектім. Күн сайын су алып қайтқанда сен оларды суғарып тұрдың. Екі жылдан бері қожайынды осылайша қуантып келдім. Егер сен тесік болмағаныңда, гүлдер болар ма еді?!», – деген екен.
        Пенде болған соң тесік шелек секілді әркімнің де өзіне тән кемшіліктері болары сөзсіз. Алайда, одан қуыстанып, қорқа беру де жөн емес. Дегенмен, кемшілігін түзеп, үлгі ала білсе, жақсылыққа қарай ұмтылса, сіздің де біреуге пайдаңыз тиері сөзсіз. 

-         Сурет салу: «Қазіргі мен» және «Болашақтағы мен»

Мақсаты: қазіргі бет бейнесі мен болашақтағы бейнесіне деген көзқарастарын қалыптастыру.

Жаттығу: «Аяқталмаған сөйлем»

Бүгін 7 маусым, мен таңертең сағат 5.30-да тұрамын... Ары қарай оқушылар бір-бір сөйлемнен айтып, жаттығудыжақсы жетістікпен аяқтайды(Кешкі сағат 17.00! Алақай, мен 125 ұпай алдым! Барлығы аяқтарын көтеріп, тізелерін бүгіп, бірдей секіреді ).

Тренинг соңында оқушыларға «Мектеп бітіруші түлектерге ҰБТ тапсыру жөнінде бірқатар ақыл-кеңес» таратылып беріледі.

 



Материалды Word форматында жүктеп аласыз
Тарифке кіреді
5 ұстаз жүктеп алған
17 мамыр
1318
Бұл материалды қолданушы жариялаған. UstazTilegi материалдың мазмұны мен авторлық құқықтарына жауап бермейді. Авторлық құқық бұзылған жағдайда шағым қалдыра аласыз
"Ұстаз" платформасында тіркелген пәндік олимпиадалар
Аттестацияға жарамды екенін көру үшін "Ұстаз" платформасында "Жарыстар, олимпиадалар тізімінен "Ustaz tilegi" деп іздесеңіз шығады
Қазақстандағы ең үлкен материалдар базасынан іздеу
Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде керек материалды іздеп, жүктеп алып сабағыңызға қолдана аласыз
Осы тақырыпта
көрнекілік керек па?
10 000 астам көрнекіліктерді жинап қойдық.
Көрнекілік бөліміне өтіп тақырыбын жазып жүктеп алыңыз!
Министірлікпен келісілген Аттестацияға жарамды курстар тізімі