"Ата-анамен балабақша бірлестігі"

Тақырыбы: « Ата – анамен балабақша бірлестігі»

«Бала естігенін айтады , көргенін істейді» -деп қазақ халқы бекер айтпаған .Мектеп жасына дейінгі балалардыадамгершілікке тәрбиелеудің маңызы зор.Кішкентай сәбилеріміз ата-анасының , тәрбиешісінің , достарының мінезін,жүріс – тұрысынан,сөйлеген сөзінен,істеген ісінен үлгі алуға тырысады.Бала бойына адамгершілік қасиеттерді ойын,салт-дәстүр ,мақал-мәтелдер,ертегілер,жұмбақтар ,өлеңдер арқылы сіңіру ата –ана мен тәрбиешілердің басты міндеті.Ертегігінің тәрбиелік мәні бар.Ол сәбидің қиялына қанат бітіріп , бойындағы игі қасиеттердің қалыптасуына жол бастайды.Адамгершілік дүниесіндегі ұрпақтан-ұрпаққа жалғасып келе жатқан қымбат қазыналарымыз бірі-бесік жыры ,мақал-мәтелдер болып келеді.Сәбилер «Бесік жырын» тыңдай отырып , ананың бесік жырымен ,әлдиімен тұңғыш рет нәр алады. «Үлкенге – құрмет,кішіге-ізет» деген мақал-мәтелдер арқылы бала бойына үлкенді құрметтеу , қамқорлық сезімдерін туғызамыз.Балаларды еңбек сүйгіштікке баулу арқылы,адамгершілік,эстетикалық қасиеттерін дамытуға болады.

Өз-өзіне қызмет ету.

__Кішкентай топтарда балалар тәрбиеші көмегімен киініп , жуынып,сүртінеді,бір-біріне көмектеседі. «рахмет,кешір,өтінемін»сөздерін айтуға баулу.Ұжымға тәрбиелеу балалардың өзара ұжымда қарым-қатынастарын қалыптастыру.Осылайша мейірімділіктің негізі қаланады,немқұрайлықтың пайда болуына , құрбыларына , үлкендерге қалай болса солай қарауға мүмкіндігі жасалмайды.Адамгершіліке , еңбек сүйгіштікке тәрбиелеу күнделікті балабақша өмірінде ,тәрбиешімен байланыста болу.

Балабақшамен отбасы арасындағы тығыздық артқан сайын бүлдіршіндеріміздің адамгершілік құнды қасиеттері арта түседі.

Адамгершілік тәрбие отбасынан бастау алатын болғандықтан инабаттылық , мейірімділік,ана сүтімен , ана тілімен келетіні анық.Сол себепті халық даналығы: «Сүтпен біткен мінез,сүйектен кетеді» деген сөз бекер айтылмаған.Баланың ой-өрісі-біліммен қоршаған дүниені тануға қызығушылығы,талаптанушылық,рухани байлығының бейнесі.Баланың ой-өрісі көбіне жанұя жағдайымен , ата-ананың ықпалымен қамқорлық етуіне байланысты рухани дамып отырады.Сәбимен алғаш тіл қатып ,қарым-қатынас жасаудың өзіде оны әр түрлі әсерлерге бөлейді.Балаға неғұрлым көңілді көп аударып,онымен әңгімелесе , айналасындағы заттармен , құбылыстарымен таныстырса , соғұрлым ойларыда дамиды.Бала балабақшадағы білім беру салалары бойынша жасалған ұйымдастыру іс-әрекетіндегі жасаған жұмыстарын жекеде көрген,білгендерін,үйренгендерін ата-аналарына көрсету,айтуға жеткізуге асығады.Тәрбиеші балаға көптеген қызықты заттармен істерді таныстырады.Олар балаға өлең , тақпақтар үйретеді.