«Бабатай негізгі орта мектебі»КММ

2025-2026 оқу жылында « 3» сынып ата-анамен жүргізілетін жұмыс жоспары

Мақсаты:

Оқушылардың оқу-тәрбие процесіне ата-аналарды жүйелі түрде тарту арқылы білім сапасын арттыру, отбасылық тәрбие мен мектеп арасындағы байланысты нығайту, баланың жеке дамуына бірлесіп қолдау көрсету.

«Бабатай негізгі орта мектебі»КММ

Ата-аналар жиналысының хаттамасы №1

02.09.2025ж.

Қатысқандар: 4

Сынып жетекші:Шаимова.Г.А

Тақырыбы:«Бала тәрбиесінде бірлік қажет»

Күн тәртібінде:

1.Кіріспе сөз

2.Баяндама:

3.«Бала тәрбиесінде мектеп пен отбасының бірлігі – табыстың кілті»

4.Ата ана комитет мүшелерін тағайындау

1. Кіріспе сөз

Құрметті ата-аналар, ұстаздар, қонақтар!
Бүгінгі басқосуымыздың басты мақсаты – бала тәрбиесіндегі ата-ана мен мектептің өзара бірлігі мен ынтымақтастығын нығайту. Халқымызда «Ұяда не көрсең, ұшқанда соны ілерсің» деген дана сөз бар. Демек, бала тәрбиесі – әуелі ата-анаға, одан кейін мектеп пен ұстазға байланысты. Ал осы екеуінің бірлігі мен біртұтастығы ғана жас ұрпақтың дұрыс бағытта дамуына жол ашады.

2. Баяндама. «Бала тәрбиесінде мектеп пен отбасының бірлігі – табыстың кілті»

Балаға дұрыс тәрбие беру – мектеп пен ата-ананың ортақ ісі. Ұстаз қанша жерден жақсы білім берсе де, үйде ата-ана қолдау көрсетпесе, нәтиже толық болмайды. Ал егер ата-ана баласының оқуына, тәртібіне назар аударып, ұстазбен тығыз байланыста болса, онда балаға дұрыс бағыт беріледі.
Бірлік – табыстың кілті. Бала тәрбиесі – ұрпақтың, елдің болашағы.

4.Ата ана комитет мүшелерін тағайындау: Ата-ана комитеттері тағайындалды: Төрайымы: Ақбисенова. Ж, хатшы: Нұржігітова.Г.

Шешімі:

1. Отбасындағы бала тәрбиесі, қауіпсіздігіне тікелей ата-ананың жауапкершілігіне жүктелсін.

2. Жоғарыда көрсетілген жұмыстарға басшылық, бақылау жүргізу сынып жетекшіге жүктелсін.

Хатшы: Нұржігітова.Г

Баяндама

Тақырыбы: «Бала тәрбиесінде мектеп пен отбасының бірлігі – табыстың кілті»

Құрметті ата-аналар, қадірлі әріптестер!

Бүгінгі таңда қоғам алдында тұрған ең өзекті мәселенің бірі – жас ұрпақты тәрбиелеу. Бала – ата-ананың ғана емес, елдің ертеңгі болашағы. Сондықтан оның дұрыс тәрбиеленуі – баршамызға ортақ міндет.

1. Бала тәрбиесінде отбасының орны

Бала тәрбиесі ең алдымен отбасынан басталады. Отбасындағы қарым-қатынас, ата-ананың балаға деген мейірімі, үлгі-өнегесі – оның мінез-құлқы мен болашақтағы бағытын айқындайды.

• Отбасы – баланың алғашқы ұстазы.

• Халық даналығы: «Ұяда не көрсең, ұшқанда соны ілерсің» дейді.

• Баланың жауапкершілігі, әдептілігі, адамгершілігі ең алдымен ата-ананың өз іс-әрекетіне байланысты қалыптасады.

2. Мектептің рөлі

Мектеп – балаға жүйелі білім беріп, қабілетін ашатын, жеке тұлға ретінде қалыптастыратын орта.

• Мұнда оқушы тек білім ғана емес, қоғамдағы тәртіпті, ұжымдық қарым-қатынасты үйренеді.

• Мұғалімдер баланың жас ерекшелігіне сай қабілеттерін дамытады, болашағына бағыт береді.

• «Мектеп – кеме, білім – теңіз» дегендей, бала болашағын мектеп айқындайды.

3. Отбасы мен мектептің бірлігі – табыстың кілті

Бала тәрбиесінде ата-ана мен мектептің байланысы үзілмеуі керек.

• Егер ата-ана ұстаздың еңбегін қолдап, үйде жалғастырса, балада қызығушылық пен ынта артады.

• Мектеп тарапынан ата-анамен тығыз байланыс орнату арқылы тәрбие жұмыстары нәтижелі болады.

• Ата-ана мен мектептің өзара түсіністігі – баланың тәртібін түзеудің, үлгерімін көтерудің, тұлғалық дамуын қалыптастырудың басты тетігі.

Мысалдар:

• Үйде ата-анасы кітап оқуға уақыт бөлсе, мектепте бала кітап оқуға бейімделеді.

• Ата-ана баланың күнделікті оқуын қадағаласа, мұғаліммен байланыста болса – балаға жауапкершілік қалыптасады.

• Керісінше, егер отбасы мен мектеп арасында түсініспеушілік болса, бала екі ортада сенімсіздікке бой алдырады.

4. Ортақ мақсат – ұрпақ тәрбиесі

Ұрпақ тәрбиесінде бірлік – табыстың кілті.

• Мектеп пен отбасының ынтымақтастығы арқылы жас ұрпақ елін сүйетін, отансүйгіш, еңбекқор, білімді азамат болып өседі.

• Бүгінгі бала – ертеңгі ата-ана, ертеңгі маман, елдің тірегі. Сондықтан біз бір-бірімізге қолдау көрсетіп, ортақ жауапкершілікті сезінуіміз қажет.

Қорытынды

Құрметті ата-аналар!
Бала тәрбиесі – тек мектептің немесе тек отбасының ғана міндеті емес, ол – ортақ іс. Отбасындағы жылулық пен мектептегі білім мен тәрбие үндескенде ғана біз мықты ұрпақ тәрбиелей аламыз.
Сондықтан әрқашан ынтымақ пен бірлікте жұмыс жасайық!