Ата-анамен тренинг

Мақсаты: Бала тәрбиесіндегі балабақша мен отбасы ынтымақтастығын нығайту. Балалардың мінез - құлқы, бейімі, қызығушылығы, мүмкіндігін т. б. тереңірек зерттеу. Ата - ана, бала, тәрбиеші үштігі арасында өзара сенім мен сыйластық орнауына ықпал ету.

Тренинг барысы:

-Сәлеметсіздер ме,құрметті ата-аналар,апайлар!

Мен сіздерді жақсы күйде көргеніме қуаныштмын. Қазір сіздермен бірнеше тренинг өткізгелі отырмын.

Бұл тренингтердің мақсаты: Бала тәрбиесіндегі балабақша мен отбасы ынтымақтастығын нығайту. Балалардың мінез - құлқы, бейімі, қызығушылығын тереңірек зерттеу. Ата - ана, бала, тәрбиеші үштігі арасында өзара сенім мен сыйластық орнауына ықпал ету.

Ортаға қатысушы ата-аналарды шақырамын.

1-ші тренингіміз «Сәлемдесу»

Өз атымызды айтамыз және бас әрпінен басталатын қасиетімізді айтамыз.

Мысалы,мен Жадырамын,жайдарлы...

2ші тренингіміз

Қазір сіздер мына қорапшаны бір-біріңіздің қолдарыңызға бересіздер.Қорапшаны алған адам ,оны ашып ішіне қарайды.Оның ішінде сіздер жан-жақты,қайталанбайтын бейнені көресіздер.Оған күліп қарауларыңыз керек.

(бәрі болған соң ,сұрақ қою.)

-Жан-жақты және қайталанбайтын деген сөзді қалай түсінесіздер?

-Қорапшаның ішіндегі жан-жақты ,қайталанбайтын бейне кім болып шықты?

-Сіздер ол бейнеге күліп қарағанда ,ол сіздерге қалай қарады?

Демек біз,сіз,сіздің балаларыңыз жан-жақты қайталанбайтын жан.Әрқашан күліп жүрейік, балаларыңызға да мейірім төгіп,қамқор болыңыздар!

3-ші тренинг «Менің балам »деп аталады.

Бұл кезеңде сіздерге өз балаларыңыз туралы айтуға мүмкіндік туып тұр.. Әңгімелеріңізді кезекпе - кезек «Менің балам..»- деп бастап, әрі қарай өз балаларыңыздың тәтті қылықтары, мінезіндегі, түр – сипатындағы ерекшеліктері, т. б. туралы баяндау ұсынылады. Дайын болсақ бастайық!

4ші тренинг «Ертегі тыңдайық!»

Бала-біздің болашағымыз.Оларды тәрбиелеу сіздердің,біздің міндетіміз!

Музыка қойылады,шеңбер бойына тұрамыз. Музыка тоқтағанда екі жұп бірін-бірі құшақтап қалу керек.Артық қалған ата-ана қысқаша қандай ертегі айтады екен баласына тыңдаймыз.

5ші тренинг «Тілек шамы»

Мына шамды сөндіріп алмай бір-бірлеріңізге беру арқылы тренингтен алған әсерлеріңіз жайлы ,өз тілектеріңізді айтып өтсеңіздер деймін.

Қымбатты ата-аналар! Сыйласымды қарым-қатынасымыз бұзылмасын!Жақсы тілектеріңіз періштенің құлағына шалынсын. Бүгінгі күні алдымызда томпаңдап жүгіріп жүрген бүлдіршіндеріміздің, ертеңгі күндері жарқын болсын! Қатысқандарыңызға көп рахмет!