Атамның өсиеті

Тарамдап күміс сақалын,

Тақпақтап үлгі мақалын,

Өнеге қылып айтқаны,

Өсиет сөзі атамның.

Ерлікпен туған азат күн,

Еңбегі салты ғажап тым

Дәстүрін сақта қазақтың,

Мейірің күн мен тең болсын,

Пейілің шалқар кең болсын.

Жамандық көрсең жасырма,

Жақсылық көрсең асырма

Әділ бол дос пен қасыңа,

Досыңды тап та асылдан,

Арыңды сақта жасыңнан

Халқымның салтын сақтаймын,

Атамның сөзін жақтаймын.

Өнеге тәлім үлгісін,

Өмірде іспен ақтаймын.

Атамның айтқан сөздерін,

Мәңгілік есте сақтаймын.