Авторлық бағдарлама

«Атамекен» арнаулы курсы

Құрастырған: Умарбаева А. А. бірінші санатты география пәні мұғалімі

2019-2020 оқу жылы
Түсінік хат
«Атамекен» арнаулы курсы жалпы орта білім беретін мектептердің 8-сынып оқушыларына арналған. Бұл бағдарлама Қазақстан Республикасында білім беруді және ғылымды дамытудың 2016-2019 жылдарға арналған Мемлекеттік бағдарламасын негізге ала отырып құрылды. Сонымен қатар «2019-2020 оқу жылында Қазақстан Республикасының жалпы орта білім беретін ұйымдарында оқу процесін ұйымдастырудың ерекшеліктері туралы» әдістемелік нұсқау хат басшылыққа алынды. Курстың мақсаты: Атамекен арнаулы курстың материалдарын оқыту арқылы мектеп оқушыларына өлкеміздің жерін таныстырып, меңгерту. Туып-өскен жері туралы мәліметті игерту. Еліне, жеріне деген сүйіспеншілігін, қоршаған ортаға деген ерекше көзқарастарын қалыптастыру. «Атамекен» арнаулы курсының тәрбиелік мақсаты ретінде Отанына деген патриоттық, ұлтжандылық, азаматтық сезімді тәрбиелеу. Туған жерінің белгілі тарихи қайраткерлерінің өмірлерін оқып-тану. Ұлы Отан соғысына қатысқан батырларымыздың ерлігі туралы құжаттарды, мәліметтерді жинастырып, мектеп мұражайындағы жәдігерлер қатарын толықтыру. Өлкемізде тұратын ұлт өкілдерінің шығармашылығы, салт-дәстүрлері, әдет-ғұрыптары, ұлттық тағамдары, ұлттық қолөнері туралы оқып-біліп, танысады. Оқушылар туған аймақтың табиғи-экономикалық ерекшеліктерін және олардың даму келешегін оқып-үйренеді. Бос уақыттарын тиімді пайдалануды, салауатты өмір салтына қалыптастыруды көздейді. Өлкеміздің тарихы туралы материалдарды жинақтай отырып, оны ғылыми тұрғыда зерттеп, шығармашылықпен қолдана білу іскерліктерін дамытуға мүмкіндік береді.

Ұсынылып отырған арнаулы курс  жеті бөлімнен тұрады. Арнаулы курс оқу үдерісі бойынша жобаны зерттеу жұмысына бағытталған. «Атамекен» арнаулы курсының оқу жүктемесі аптасына 1сағат, жылына 34 сағат.

Арнаулы курсының міндеттері:

• Туған жерге деген сүйіспеншілігін арттыру;

• география, Қазақстан тарихы, биология пәндері сабақтарында алынған білімдері мен дағдыларын кеңейту, тереңдету;

• Маңғыстаудың тарихи ескерткіштерін сақтау жолдарын қарастыра отырып шығармашылықпен жұмыс істеу жолдарын қамтамасыз ету;

• еңбек, өнер адамдардың жұмыстарын бағалай білуге үйрету;

• білім алушылардың эстетикалық талғамдарын, танымдық және географиялық қызығушылықтарын арттыру;

• Атамекеннің табиғи байлықтарын, яғни минералды ресурстарды, тарихи ескерткіштері туралы білімдерін молайту;

• жалпы білім беретін мектеп оқушыларының зерттеушілік қабілеттерін қалыптастыру, қызығушылығын арттыру.

• Атамекенін сүйетін, оның тарихын, әдет-ғұрпын, тілін құрметтейтін тұлға тәрбиеленеді;

• білім алушының бойында оқулықтан тыс материалдармен шығармашылық жұмыс істеу қажеттілігі пайда болады;

• оқушыларда қоршаған ортаны бақылай алу білігі қалыптасады, олардың күнделікті істерге қатысу қабілеті дамиды;

• туған өлкесіндегі ұлттардың салт-дәстүрін біледі және құрметпен қабылдайды;

• туған өлке тарихының тірі куәгерлерін саралау категорияларын білу: Ұлы Отан соғысы ардагерлері, тыл ардагерлері, еңбек ардагерлері, еңбегі сіңген педагогтар мен дәрігерлер және т.б.;

• туған жерінің өсімдік жамылғысын, жануарлар дүниесін біліп, ажырата алады;

• Атамекен туралы негізгі анықтамалық мәліметтерді қамтитын түрлі форматтағы ақпараттық материалдарды әзірлейді;

• Атамекеннің тарихына жаңа беттер қосылады.