Б. Момышұлы атындағы

№35 мектеп-гимназиясы

Рахыш Гаухар Дәулетбайқызы

информатика пәнінің мұғалімі педагог-зерттеуші

«Жаһандық дәуірдегі оқушылардың бейімділіктері мен қабілеттерін үйірме арқылы цифрлық сауаттылыққа бағыттау»Бағдарламаның жалпы сипаты: «Жаһандық дәуірдегі оқушылардың бейімділіктері мен қабілеттерін үйірме арқылы цифрлық сауаттылыққа бағыттау» атты бағдарлама оқу жоспарының вариативті бөлігінің оқу бағдарламалары және элективті курста әзірлеу және әдістемелік қамтамасыз ету барысында барлық деңгейдегі мемлекеттік жалпыға міндетті стандарттарды басшылыққа ала отырып, «Оқу жоспарының вариативті бөлігінің оқу бағдарламалары мен элективті курстарды сараптамадан өту және оларды жаңартылған білім беру мазмұны аясында әдістемелік қамтамасыз ету» туралы ереже ҚР-ң 2007 жылғы 27 шілдедегі №319-ІІІ «Білім туралы» Заңына (06.05.2020 жылы енгізілген толықтырулар мен өзгертулер негізінде) сәйкес әзірленді. Бағдарлама мазмұны аптасына 1 сағат, жылына 34 сағат жүктеме берілген. 7 сыныптың информатика пәнінен үйірме ретінде қолдануға ұсынылған.

Бағдарламаның мақсаты:Жаһандық дәуірдегі оқушылардың қабілеттерін үйірме барысында цифрлық сауаттылыққа бағыттау арқылы ICILS халықаралық зерттеуіне дайындау.

Бағдарламаның міндеттері:

• Жаһандану үдерісін қабылдауға қабілетті, кәсіп түрін саналы таңдауға, талдауға бейім, зияткерлік және ХХІ ғасыр өзгерістеріне бейімделу қабілеттері бар құзіретті тұлға қалыптастыру;

• Қазіргі заманның технология жаңалықтарын сауатты қолдана білу және олардың өзгеруіне сай бұл дағдыларды жетілдіру;

• Сапалы ақпаратты іздеу, авторлық құқық пен ақпаратты пайдалану этикасын сақтау;

• Ақпаратты креативті қолдану, онлайн-сервистер мен мобильді қосымшалармен жұмыс жасай білу;

• Компьютердің негізгі және қосымша құрылғыларымен қатар, жаңа технология жетістіктерімен танысу;

• Бұлттық технология ұғымымен танысу және электронды поштамен жұмыс жасау;

• Компьютерде логикалық, шығармашылық тапсырмаларды орындау арқылы оқушылардың функционалдық сауаттылықтарын арттыру;

• «Цифрлы Қазақстан» мемлекеттік бағдарламасымен танысу.

Өзектілігі: Экономикалық ынтымақтастық және даму ұйымының (ЭЫДҰ) пікірі бойынша компьютерлік және ақпараттық сауаттылық - XXI ғасыр адамының бәсекеге қабілеттілігін білдіретін негізгі дағды болып табылады. [7] Сондықтан оқушыларды цифрлық сауаттылыққа бағыттау арқылы оқушыларды ICILS халықаралық зерттеуіне дайындай аламыз. Елімізде оқушыларды ICILS халықаралық зерттеуіне дайындау жолдары, оқушылардың цифрлық сауаттылығын арттыру өзекті болып табылады. Сонымен қатар, жаңартылған білім мазмұны бойынша информатика пәнін оқытудағы мақсат, міндеттерге сәйкес келеді. Үйірме жаһандық дәуірдегі оқушылардың бейімділіктері мен қабілеттерін, психологиялық жас ерекшеліктерін ескере отырып жүргізіледі. 7-сыныпта мұндай дағдыларды қалыптастыра алған оқушы, 8 сыныпта жүргізілетін зерттеу, олимпиада, байқаулар, күнделікті өмірде қолдануда жақсы нәтиже көрсете алады.

Жаңалығы:

1. Қазіргі заманның технология жаңалықтарын сауатты қолдана білу және олардың өзгеруіне сай бұл дағдыларды жетілдіру;

2. Сапалы ақпаратты іздеу, авторлық құқық пен ақпаратты пайдалану этикасын сақтау, медиасауаттылықты қалыптастыру;

3. Ақпаратты креативті қолдану, онлайн-сервистер мен мобильді қосымшалармен жұмыс жасауды үйрету;

4. Компьютердің негізгі және қосымша құрылғыларымен қатар, жаңа технология жетістіктерімен танысу, білімді инновациялық тәсілдермен үйрету;

5. Бұлттық технология ұғымымен танысу және электронды поштамен жұмыс жасау;

6. Компьютерде логикалық, шығармашылық тапсырмаларды орындау арқылы оқушылардың функционалдық сауаттылықтарын арттыру, жас ерекшелігі мен психологиялық ахуалына, бейімділігіне сай тапсырмалар беру;

7. «Цифрлы Қазақстан» мемлекеттік бағдарламасымен таныстырып, жаһандану үдерісін қабылдауға қабілетті, кәсіп түрін саналы таңдауға, талдауға бейім, зияткерлік және ХХІ ғасыр өзгерістеріне бейімделу қабілеттері бар құзіретті тұлға қалыптастыру;

8. Педагогтер үшін оқушыларды жаңартылған білім беру мазмұны бойынша оқытуда пәнді оңай игеруіне және білім сапасын көтеруге септігін тигізеді.

9. Оқушыларды байқау, зерттеу, олимпиадаларға дайындаудан алдын осы машықтарды қалыптастырып алуға дайын бағдарлама.

Күтілетін нәтиже:

• Жаһандану үдерісін қабылдауға қабілетті, кәсіп түрін саналы таңдауға, талдауға бейім, зияткерлік және ХХІ ғасыр өзгерістеріне бейімделу қабілеттері бар құзіретті тұлға қалыптастырды;

• Қазіргі заманның технология жаңалықтарын сауатты қолдана біліп және олардың өзгеруіне сай бұл дағдыларды жетілдірді;

• Сапалы ақпаратты іздеу, авторлық құқық пен ақпаратты пайдалану этикасын сақтады, медиасауаттылықтарын арттырды;

• Ақпаратты креативті қолданып, онлайн-сервистер мен мобильді қосымшалармен жұмыс жасай білді;

• Компьютердің негізгі және қосымша құрылғыларымен қатар, жаңа технология жетістіктерімен танысты;

• Бұлттық технология ұғымымен танысып және электронды поштамен жұмыс жасады;

• Компьютерде логикалық, шығармашылық тапсырмаларды орындау арқылы оқушылардың функционалдық сауаттылықтарын арттырды;

• «Цифрлы Қазақстан» мемлекеттік бағдарламасымен танысып, жаһандану үдерісін қабылдауға қабілетті, ХХІ ғасыр өзгерістеріне бейімделу қабілеттері бар құзіретті тұлға қалыптасты;

• Педагогтер үшін оқушыларды жаңартылған білім беру мазмұны бойынша оқытуда пәнді оңай игеруіне және білім сапасын көтеруге септігін тигізді.

Қысқа мерзімді жоспар