АВТОРЛЫҚ БAҒДAPЛAМA

«Математика және логика»

3-cынып оқушылapынa apнaлғaн

aптacынa 1 caғaт, бapлығы 34 caғaт

Пікіp жaзғaндap:

Р.К.Бекмагамбетова Абай атындағы ҚазҰПУ Педагогика және психология институтының п.ғ.д., профессор

Педагогика ғылымдарының докторы, профессор, бастауыш білім беру кафедрасының кафедра меңгерушісі - Ә.Жұмабаева

2025 жыл

Мазмұны

ТҮСІНІК ХАТ.......................................................................................................................2

ТҰРАҚТАЛУ-МАЗМҰНДЫҚ БӨЛІМ............................................................................4

НОРМАТИВТІ БӨЛІМ. КҮНТІЗБЕЛІК ТАҚЫРЫПТЫҚ ЖОСПАР.....................5

АҚПАРАТТЫҚ-ӘДІСТЕМЕЛІК БӨЛІМ.......................................................................9

ҚОРЫТЫНДЫ.....................................................................................................................10

ПАЙДАЛАНЫЛҒАН ӘДЕБИЕТТЕР...............................................................................11

ҚЫСҚА МЕРЗІМДІ ЖОСПАР..........................................................................................12

ТҮСІНІК ХАТ

«Математика және логика» авторлық бағдарламасы бастауыш сынып оқушыларының математикалық және логикалық ойлау қабілеттерін дамыту мақсатында әзірленген. Бағдарлама оқу үдерісін жеңілдету және оқушылардың пәнге деген қызығушылығын арттыруға бағытталған. Қазіргі таңда білім беру саласында балалардың логикалық және математикалық ойлау дағдыларын қалыптастыру ерекше маңызды болып табылады. Бұл бағдарлама оқушыларға математика мен логиканы жеңіл әрі тиімді үйретудің жаңа әдіс-тәсілдерін ұсынады. Оқушыларға арналған тапсырмалар мен жаттығулар әртүрлі деңгейде әзірленген, бұл балалардың жеке ерекшеліктерін ескере отырып, олардың қабілеттерін дамытуға көмектеседі. Бағдарламада математика мен логика тапсырмаларын шешу кезінде әр түрлі әдіс-тәсілдер қолдану көзделген. Мысалы, ойын элементтерін енгізу арқылы оқушылардың назарын аударып, олардың сабаққа деген қызығушылығын арттыруға болады. Сонымен қатар, күнделікті өмірмен байланыстыру әдісі арқылы балаларға математиканы тек теория ретінде емес, өмірде қолдану дағдыларын үйрету басты мақсат болып табылады. Бағдарлама аясында түрлі деңгейдегі тапсырмалар ұсынылады. Бұл оқушылардың өз мүмкіндіктерін нақты бағалауға, тапсырмаларды дұрыс шешуге және білімдерін тереңдетуге мүмкіндік береді. Қадамдық әдіс арқылы оқушылардың әрқайсысына өз деңгейіне сай тапсырмалар беріледі. Бұл әдіс балалардың білімін жетілдіріп, олардың тапсырмаларды шешу қабілеттерін арттырады. Қорыта айтқанда, осы авторлық бағдарлама бастауыш сынып оқушыларының логикалық және математикалық ойлау қабілеттерін дамытуға, олардың пәнге деген қызығушылығын арттыруға және өз бетінше шешім қабылдау дағдыларын қалыптастыруға арналған тиімді құрал болып табылады.

Бағдарламаның мақсаты: Бағдарламаның мақсаты – оқушыларға математикалық тапсырмаларды шешудің әдіс-тәсілдерін үйрету, олардың логикалық ойлау қабілетін арттыру, есептерді шешу кезінде қателік жасамауға үйрету. Сонымен қатар, бұл бағдарлама балалардың танымдық қызығушылығын арттыру, оқу материалдарын өз бетімен меңгеруге деген сенімін күшейту және оларды математикалық ойлау процесінде белсенді болуға ынталандырады.

Бағдарламаның міндеттері:

1. Оқушыларға математика мен логика бойынша әртүрлі деңгейдегі тапсырмаларды ұсыну.

2. Математикалық ойлау қабілетін арттыру үшін шығармашылық және логикалық тапсырмаларды қолдану.

3. Оқушыларды өз бетімен шешім қабылдауға, қателіктерінен сабақ алуға баулу.

4. Математика мен логика пәндеріне деген қызығушылықты арттыру мақсатында ойын элементтерін енгізу.

5. Қадамдық әдіс арқылы оқушылардың қабілеттерін шыңдау, жеке ерекшеліктерін ескере отырып, тапсырмаларды орындауға үйрету.

Бағдарламада қолданылған әдістер:

1. Ойын әдісі: Оқушылардың математикалық тапсырмаларды шешудегі қызығушылығын арттыру үшін ойын элементтерін пайдалану.

2. Қадамдық оқыту әдісі: Оқушылардың білім деңгейіне қарай тапсырмаларды біртіндеп күрделендіріп, олардың дағдыларын жетілдіру.

3. Көрнекі құралдар мен техникалық жабдықтарды қолдану: Оқушыларға түсінікті болу үшін слайдтар, бейнемазмұндар, интерактивті ойындар пайдалану.

4. Күнделікті өмірмен байланыстыру: Оқушыларға математиканың өмірдегі маңызын түсіндіру арқылы пәнге деген қызығушылығын арттыру.

5. Топтық жұмыс: Оқушыларды топқа бөліп, бірлескен жұмыс арқылы тапсырмаларды шешуге ынталандыру.
   
   
   

Авторлық бағдарлама жаңалығы: Бұл бағдарламада математика мен логика пәндерін оқытуда жаңа тәсілдер мен әдістер қолданылады. Оқушыларға тапсырмаларды шешу барысында тек теориялық білім ғана емес, олардың практикалық дағдыларын да дамытуға бағытталған әдістер енгізілген. Ойын элементтері мен көрнекі құралдардың кеңінен қолданылуы оқушылардың пәнге деген қызығушылығын арттыруға мүмкіндік береді.

Авторлық бағдарлама өзектілігі: Қазіргі заманғы білім беру талаптарына сәйкес, балалардың сыни және шығармашылық ойлау қабілеттерін дамыту қажеттілігі артуда. Бұл бағдарлама бастауыш сынып оқушыларының логикалық және математикалық ойлау дағдыларын ерте жастан бастап дамытуға көмектеседі, сондай-ақ, оқушыларды өз бетімен шешім қабылдауға үйретеді. Сонымен қатар, балаларға жеңіл әрі тиімді әдістермен пәндерді меңгерту маңызды болып табылады.

Күтілетін нәтижелер:

1. Оқушылардың математикалық және логикалық ойлау қабілеттерінің дамуы.

2. Балалардың тапсырмаларды шешу барысында өз бетінше жұмыс істеу дағдыларының қалыптасуы.

3. Математика мен логика пәндеріне деген қызығушылықтың артуы.

4. Оқушылардың өз қателіктерінен сабақ алып, дұрыс шешімдер қабылдау қабілетінің жақсаруы.

5. Оқу процесіне белсенді қатысу, топтық жұмыстарды тиімді орындау.

ТҰРАҚТАЛУ-МАЗМҰНДЫҚ БӨЛІМ