Авторлық бағдарлама "Оқушылардың жазылым дағдысын қалыптастыру әдістері"

Акт

«Оқушылардың жазылым дағдысын қалыптастыру әдістері» авторлық бағдарламасын талқылау және қабылдау туралы

Күні: «25» қаңтар 2025 ж.
Өткізу орны: Алматы облысы Ұйғыр ауданы «Молотов атындағы орта мектеп» КММ

Қатысқандар: Қазақ тілі мен әдебиеті, ұйғыр тілі мен әдебиеті пәні мұғалімдері, әдістемелік бірлестік мүшелері, директордың оқу ісі жөніндегі орынбасары, шығармашылық топ мүшелері
Қатысушылар саны: 6 адам

Күн тәртібі:

1. «Оқушылардың жазылым дағдысын қалыптастыру әдістері» атты авторлық бағдарламаны талқылау

2. Бағдарламаның мазмұны мен құрылымын саралау

3. Бағдарламаны мақұлдау туралы шешім қабылдау

Тыңдалды:

Дильнарәм Тохти Тылывалдықызы
Қазақ тілі мен әдебиеті пәні мұғалімі, бағдарламаның авторы. Ол өз сөзінде авторлық бағдарлама мазмұны, мақсат-міндеттері, құрылымы, оқушылардың жазылым дағдыларын қалыптастырудағы тиімді әдіс-тәсілдері туралы баяндады. Бағдарлама жаңартылған білім мазмұнына сай құрастырылғанын және оқушылардың жазылымдық қабілетін арттыруға бағытталғанын атап өтті. Енгізу барасында өткізілген шаралар бойынша монитринг жүргізілді.

1. Мониторинг мақсаты:

Оқушылардың жазылым дағдысын қалыптастыруға бағытталған авторлық бағдарламаның тиімділігін бағалау, оқу процесіндегі қолданылуын бақылау және нәтижелерін талдау.

2. Мониторинг жүргізілген мерзімі мен әдістері:

• Қамтылған сыныптар: 5АӘ сыныптар

• Әдістері:

  • Сабақтарға қатысу (бақылау)

  • Оқушылардың жазбаша жұмыстарына талдау

  • Мұғалімдермен сұхбат

  • Оқушыларға сауалнама жүргізу

3. Мониторинг барысы:

Бағдарлама аясында оқушылардың жазылым жұмыстары (әңгіме, сипаттама, хат, эссе) бірнеше кезеңде жинақталды.
Мұғалім тарапынан тапсырмалар оқушылардың деңгейіне сай таңдалып, жүйелі түрде берілуі қамтамасыз етілген. Сабақтарда креативті әдістер (кластер, сұрақ-жауап, бағытталған жазу, модельдеу әдістері) қолданылғаны байқалды.

4. Нәтижелер:

• Оқушылардың жазу қабілеттерінде оң өзгеріс байқалды: сөйлем құрылымының күрделенуі, сөз байлығының артуы.

• Жазу уақыты мен мазмұнға көңіл бөлу қабілеті артты.

• 5-сынып оқушыларының 78%-ы «орта» деңгейден «жақсы» деңгейге көтерілді.

• Мұғалімдердің 90%-ы бағдарламаның мазмұны тиімді екенін айтты.

5. Қорытынды және ұсыныстар:

Авторлық бағдарлама оқушылардың жазылым дағдысын қалыптастыруда нәтижелі екені байқалды. Бағдарламаны кең көлемде қолдану ұсынылады.
Ұсыныс ретінде:

• Бағдарламаға жазылым бойынша деңгейлік тапсырмалар қосу

• Жазылым түрлерін пәндік сабақтармен байланыстыру

• Мұғалімдерге арналған әдістемелік нұсқаулық әзірлеу

Сөйлегендер:

1. Жалилова Г.М – қазақ және ұйғыр тілі пәні мұғалімі: бағдарламаның құрылымы жүйелі екенін, сабақта тиімді қолдануға болатынын айтты.

2. Иминова Х.О – әдістемелік бірлестік жетекшісі: бағдарламаны бекіту және мектепішілік қолдануға ұсыну туралы ұсыныс жасады.

3. Есен А.Т. – директордың оқу ісі жөніндегі орынбасары: бағдарламаның әдістемелік құндылығы жоғары екенін атап өтті.

Шешім:

1. «Оқушылардың жазылым дағдысын қалыптастыру әдістері» авторлық бағдарламасы талқыланып, бірауыздан мақұлдансын.

2. Бағдарламаны мектеп деңгейінде оқу-әдістемелік құрал ретінде қолдануға ұсынылсын.

3. Бағдарлама тәжірибеде қолданылып, кері байланыс нәтижелері негізінде толықтырылып отырсын.