Тақырыбы: «Ұлттық мұра қазынамыз!»

Мақсаты: Балаларды қазақ халқымыздың құндылықтарымен таныстыру арқылы ауызекі байланыстырып сөйлеуді, сөйлеудің дыбыстық мәдениетін, жалпы адами құндылықтарын, коммуникативтік танымдық, шығармашылық қабілеттерін, қиялдауын, өз түсініктерін, ойларын, сезімін көркем тілде жеткізе білуге үйрету.

Тәрбиеші:

Сәлем бердік баршаңызға!

«Бүлдіршін» ауылына қош келдіңіздер!

Келіңіздер! Келіңіздер!

Төрімізге еніңіздер! (Биші қыздармен, ата-әжемен қонақтарды қарсы алу)

Қонақ келсе, құт келгені халайық!

Қонақтарға әсем биді арнайық!

«Қыздарымыз ұлттық киіз үй» биімен қонақтарды қарсы алады.

(Зере, Айым С, Шара, Асия) қолдарында кішкентай киіз үй.

(Ата-Раян Е, Әже-АяулымЗ) самаурыннан шай ішеді.

Тәрбиеші: Шашу, шашу, шашу!

Қадірлі қонақтар «Ұлттық дәмханаға» жайғасыңыздар!

«Ұлттық дәмхана»

Қазақтың ұлттық тағамдары: Ас атасы-нан! Сүт өнімдері – май, қаймақ, құрт, ірімшік.(Келген қонақтар ұлттық дәмханада отырады)

Тәрбиеші: Бүлдіршін ауылында «Ұлттық дәмхана» «Ұлттық шеберхана»

«Ұлттық сиқырлы асық алаңы» бар. Келген қонақтар«Ұлттық дәмхана» жайғасады.

«Ұлттық шеберхана» -2 шақыру билеті;

«Сиқырлы асық» алаңы -2 шақыру билеті таратылады.

Арнайы шақыру билетін алған қонақтарымыз шеберханаға, сиқырлы асық алаңына келіңіздер!

(Шақыру билетін алған қонақтар өз орталықтарына өтеді)

Тәрбиеші: Балалар өздерің қалаған орталыққа бара қойыңдар!

«Ұлттық шеберхана»

Тәрбиеші: «Ою-өрнек» сыр шертеді.

Қыздар ұлттық шеберханаға қош келдіңдер!

Қыздар шеберханада нелер бар екен?

Оюлар.

Тәрбиеші:Дұрыс айтасыңдар! Оюлар.Сендер бұл оюлардың аттарын білесіңдер ме?

Балалар ұлттық ою-өрнегімізді қай жерде жиі кездестіреміз!

Балалар: Ұлттық киіз үйде;

Ұлтық ыдыстарда;

Ұлттық киімдерде;

Тұрмыстық заттарда;(Кілемде,жастықта,текеметте)

Олай болса балалар бізде бүгін түрлі –түсті дайын қиылған

ою-өрнектердің атын атап,дайын үлгімен текемет құрастырайық!

Құрастыра аламыз ба?

(Әмина,Аяулым,Әмина Қ,) дайын қиылған оюлардың атын атап,текеметті суреттейді)

(Асия,Зере) дайын «Құс қанаты» оюын дәстүрден тыс сурет салу өнері арқылы су бояқтың, қылқаламның көмегімен көк түске бояйды.

(Айым) адасқан оюларды түстеріне сәйкестендіреді.

2.«Сиқырлы асық» ойын алаңы

«Құмдағы сиқырлы текемет» (Құм терапиясына арналған стандартты тақтайша,,құм,дымқыл сүлгі ,асықтар)

Таза құм тақтасына асықтың тәйке жағымен бір-біріне қиғаштап жолақ ретінде қойып шығамыз.Содан соң текеметтің ішіне әсем гүлдеріміздің күлтешелерін де,асықтың тәйке жағымен орналастырамыз.Текемет сұлбасы дайын.Енді алақанымызға түрлі-түсті боялған құмды уыстап алып,асықтың үстіне ақырын себелеп шығамыз.Болған соң асықтарды

ұқыптап құмнан аламыз.

Міне,біздің «Құм бетіндегі текеметіміз» дайын! (Шара)

«Асықты кілемше»ойыны. Бұл ойынның шарты кілемшенің төрт түрлі түсті бұрыштарына асықтарды түстеріне қарай топтастыру.Асықтарды киелі 7санымен сәйкестендіріп санау. (Қасым,Мағжан)

«Асығым алшысынан түс» ойыны асықтардың ішінен сақа асығын таңдап алып,асықты шиіріп, алшысынан түсіріп ,ортадағы қазандықтан асық ұтып алып,қоржынын толтырады.Ойын соңында ұтып алған асықтарын санап,жеңімпазды анықтайды.(РаянЕ,Ерали,Бақдәулет,Мереке)

«Жүн сабау» сергіту.

«Келіншек» күйі ойналады.Әуенге қыз балалар тәрбиешімен бірге шеңбер бойы айналып,қазақша би билеп,ортадағы жүнді билеп отырып сабайды. Ер балалар түрлі-түске боялған топай асығын, екі-екіден алып, күй ырғағымен оркестрде ойнайды.

«Ғажайып киіз үй» алаңында

«Ұлттық құндылықтар жиынтығы»жинақталған.

«Ұлттық тағамдар»

«Ұлттық киімдер»

«Ұлттық аспаптар»

«Киіз үй жабдықтары»

«Ою-өрнектер»

Балалар ұлттық құндылықтар туралы өз білгендерін ортаға айтады.Сұрақтарға толық жауап беріп,бүгінгі іс-әрекетті қорытындылайды,

Әже (Аяулым) балаларға бүгінгі білімдері үшін ыстық бауырсақ таратады,Ата (РаянЕ) ақ батасын береді.

Раян Е:Дастарханың бай болсын!

Қазан-ошағың май болсын!

Төрт-түлігің сай болсын!

Көңілің толып жай болсын!

Бергеннен Алла танбасын,

Көбейе берсін мал басың!

Өсе берсін жан басың!

Арманың көкке самғасын!

«Әумин!

Ұлттық мұра қазынамыз!

Тәліміңнен нәр аламыз! (Балалармен бірге)

Ақмола облысы білім басқармасының Целиноград ауданы бойынша

білім бөлімінің жанындағы Қажымұқан ауылының

«Қошақан» бөбекжайы

МКҚК

«Ұлттық мұра қазынамыз»

Коммуникативтік дағдыларды дамыту және шығармашылық дағдыларын,зерттеу с-әрекеттерін дамыту бойынша кіріктірілген

іс -әрекет

Тәрбиеші:Жумагамбетова Г.К.

2023-2024 оқу жылы