Тақырыбы: «Галактика сақшылары» интерактивті

танымдық экскурсиясы.

Мақсаты:Ғылыми білімді арттыру:

Ғалам,планеталар,жұлдыздар және галактикалар туралы ғылыми ақпарат беру;

Қызығушылықты ояту:

Қатысушылардың астрономияға және ғарыш зерттеулеріне деген қызығушылығын арттыру.

Интерактивті тәжірибе:

Қатысушыларға ғарыштық құбылыстарды көрнекі және қызықты түрде көрсету арқылы үйрену процесін жеңілдету.

Креативтілік пен қиялды дамыту:

Ғарыштық тақырыптағы ойындармен тапсырмалар арқылы балалардың креативті ойлауын және қиялын дамыту.

Жеке және топтық жұмыс дағдыларын жетілдіру:

Қатысушылардың бірлесіп жұмыс істеу дағдыларын дамытуға көмектесу.

Экскурсия барысында қатысушылар ғарыш туралы қызықты мәліметтерді біліп,интерактивті ойындар арқылы өз білімдерін нығайта алады.

Пайдаланатын көрнекіліктер: планщет,планеталар макеті,жарық шамдары,зымыран макеті,үлестірмелі дидактикалық тапсырмалар;

Әдіс-тәсілдер: Жасанды интелект,тыныс алу жаттығулары

Тәрбиеші: Бүлдіршін ересек топ экипажы галактика аралына ұшуға дайынсыңдар ма?

Балалар: Дайынбыз!

Тәрбиеші: Дайын болсақ,1/5 дейін санайық!

Балалар: 1,2,3,4,5!

(Зымыран ұшады)

Жұлдызды Лорд: Дабыл қағамын!Жер ғаламшар қонақтары ұялы телефон жарықтарын өшіріңіздер! Байланысты бұғаттаңыздар! «Бүлдіршін» ересек топ экипажы «Галактика» аралына қонды.

(Балалардың қолында кристал болады, экипаж жетекшісі

Қазақстанның Туын ұстайды)

Жұлдызды Лорд: «Бүлдіршін» ересек топ экипажы Галактика аралына қош келдіңіздер!

Мен Галактика сақшыларының басшысы Жұлдызды Лорд боламын.

Тәрбиеші: Сәлем! Жұлдызды Лорд! Біз Қазақстан мемлекетінен келген «Бүлдіршін» ересек топ экипажымыз!

Жұлдызды Лорд: Түсінікті!

«Галактика сақшылары»интерактивті-танымдық экскурсиясына сәттілік!»

Күн жүйесінде 8 планета бар.8 планетаны күннің қашықтығының артуы бойынша бірге атайық!

(Меркурий,Шолпан,Жер,Марс,Юпитер,Сатурн,Уран,Нептун)

Олар күнді өз орбиталары арқылы айналады.

(Балалар Жұлдызды Лордпен бірге планеталарды атайды)

Тәрбиеші: Балалар аталған планеталардың ішінен біз қай планетадан келдік?

Балалар: Жер планетасынан

Тәрбиеші: Иа,жер планетасынан келдік.

Жұлдызды Лорд: «Бүлдіршін» топ экипажы Күн жүйесіндегі барлық планеталар өз орбиталарынан адасып қалды.Планеталарға көмек беру үшін кристалдарды пайдаланып,күннің тапсырмаларын орындау қажет.

Логопед маман: Балалар қараңдаршы Жұлдызды Лорд айтқандай ғаламшарларды қараңдаршы!Қандай керемет!

Кәне, санап шығайықшы қанша екен!

(Балалар ғаламшарларды санап шығады.) бізде кристалдар бар ғой, кәне әркім өз кристалдарының түсіне қарап,сыңарларын тауып, өз планеталарыңды тауып,күннің тапсырмаларын орындайық!

(Балалар қолдарындағы түрлі-түсті кристалдармен өз планеталарын тауып алады)

Логопед маман: Балалар Күн жүйесінің тапсырмаларын дұрыс орындау үшін, бізге тілдік,саусақ маторикаларын дамыту жаттығуларын жасап алуымыз керек.

(Әуен орындалады)

Тілдік жаттығу: Ал кәне ,балалар біздің сөйлегенде дыбысымыздың мәнерлі,таза анық шығуы үшін, нейро жаттығулары арқылы жаттығып алайық!

(Артикулляциялық жаттығулар) Өте жақсы балалар! Ал енді Жұлдызды Лордтың тапсырмаларын орындауға дайынсыңдар!

Тәрбиеші:Жарайсыңдар сендер дайын болсаңдар, тапсырмаларды орындаңдар!

Меркурий- «Ғарышкерге қажетті заттар көлеңкесін табу» дидактикалық ойыны.

Шолпан- «Ғарыш сұлбасы» құм терапиясы

Жер- «Жұлдыздар шеруі» дәстүрден тыс жіппен жұлдыздарды суреттеу.

Марс- «Ғарыш әлемін» жарық арқылы суреттеу

Юпитер- «Зымыранды» түстер арқылы ұшыру

Сатурн- Сандарды ретімен қойып,зымыран,ұшқыш суреттерін құрастыру.

Уран-«Жасырынған планеталарды табу» май шаммен сурет

Нептун- «Ғарыш сиқыры» құрастыру.

Жұлдызды Лорд: Күннің тапсырмасы сәтті орындалды.Топ экипаждары адасқан планеталарды өз орбиталарына орналастырыңдар!

Логопед маман: Балалар, Жер тіршілікке ие жалғыз орын. Адамдар мен басқа тіршілік иелері Жер планетасын өз үйіміз деп санайды.Жердің тағы бір маңызды ерекшелігі оның атмосферасы .Атмосфера (ауа) бұл жерді толық қоршап тұрған қалың газ қабаты. Ол негізі азот пен оттегінен тұрады. Атмосфера бірге тыныс алуға мүмкіндік береді.Олай болса балалар мына жер шарының көмегімен мұрнымызбен дем алып,ауаны аузымызбен шарды

үрлеп отырып,жер планетасына орналастырайық! (Әуен орындалады)

Тәрбиеші: Балалар біз Жұлдызды Лордтың барлық тапсырмаларынан сүрінбей өтіп,ғарыш әлеміндегі ғажайыптармен таныстық! Осы ғарыш әлемін зерттеген қазақ батыр ғарышкерлерін білесіңдер ме?

Балалар: Тоқтар Әубәкіров:Талғат Мұсабаев:айдын Айымбетов:

(Жанайым:Апай егер мен ғарышқа ұшсам ең бірінші қазақ батыр қыз ғарышкер боламын ма?)

Тәрбиеші: Иа,Жанайым сендер болашақ ғарышкерсіңдер!

Енді ғарыш әлемін зерттейтін ғарышкердің арнайы киімін алдарыңдағы планшеттің көмегімен киіндіріңдер!

Жұлдызды Лорд: «Бүлдіршін» топ экипажы Күн жүйесіндегі планеталар сәтті орналасты. Барлық экипаж мүшелері дене қыздыру жаттығуларына дайындал!

Логопед маман:Ал кәне,балалар дыбыс ырғақтарың мен қимыл қозғалыстарыңды да, Жұлдызды Лордқа көрсетейік! Лого ырғақ жаттығуы

(балалар әуен ырғағымен лого ырғақ жаттығуларын жасайды)

Тәрбиеші: Балалар сендер ғарыш әлемін жақсы танып,білдіңдер !Енді мына бейнебаяннан қызықты ойын ойнағыларың келе ме?

Балалар сендер ғарыш әлемі туралы өз білімдеріңді танымдық экскурцияда дәлеледідіңдер!Осы ғарыш әлемі саяхаты ұнады ма?Саяхатымызға шолу жасайықшы!

Рефлекция: Мнемокесте арқылы бүгінгі «Галактика сақшылары интерактивті –танымдық экскурсиясынан алған әсерлерін әңгімелеу.

Жұлдызды Лорд: Жер ғаламшар қонақтары Қазақстан мемлекетінен келген «Қошақан» бөбекжайының «Бүлдіршін»ересек топ экипаждары кристалдарды пайдаланып,күннің тапсырмаларын орындап, адасқан планеталарды өз орбиталарына сәтті орналастырды. «Бүлдіршін»ересек топ экипаждары білімді болашақ ғарышкерлер екен!

(«Көк тудың желбірегені» әні орындалып,балалар қолдарын көтеріп,қуанады)

Тәрбиеші:Жұлдызды Лордтың сендерге арнаған тосын сыйы бар екен!

Балаларды бағалау: «Болашақ ғарышкерлер» әр бала болашақ ғарышкер! (Өздерінің бейнесі бар ғарышкер макеті таратылады)

Тәрбиеші: Бүлдіршін ересек топ экипажы өз ғаламшарымызға қайтуға дайынсыңдар ма! (Зымыранның дауысы әуен,балалардың ұшуы)

МКҚК «Қошақан» бөбекжайы

«Галактика сақшылары»

интерактивті –танымдық экскурсиясы

(Аудандық семинарда ұйымдастырылған кіріктірілген іс-әрекет)

Тәрбиеші: Жумагамбетова Г.К

Логапед маман: Кенжегалиева Т.К.

2024-2025 оқу жылы