№2 облыстық арнайы мектеп-интернаты.

Нарымбаева Г.М.

Карагуйшиева Ш.Т.

Тақырыбы: «Аурухана» (Сюжеттік - рөлдік ойын)

Мақсаты: Баланың сөз қорын, тіл байлығын дамыту. Бір - біріне деген жағымды қарым – қатынас, көңіл - күй сезімдерін, ой - қиялын одан әрі дамыту; ойын арқылы балаларға қоршаған өмір жайлы кең білім қолдана отырып, тәрбиелеу. Ойын барысында ақ халатты абзал жандардың игілікті еңбегіне деген балалардың сүйіспеншілігін арттыру. Дәрігердің сезімталдығы мен кішіпейілдігі, қамқорлығы сияқты жақсы қасиеттерін жеткізе білу және тәрбиелеу.
Құрал - жабдықтары: Ақ халат, ойыншықтар, түрлі сюжеттегі плакаттар, медициналық ойыншық құрал - жабдықтар.
Алдын - ала жұмыстар: топтың іші ауруханадағыдай безендірілген, түрлі сала бойынша кабинеттер жасалған, (тіс дәрігері, көз дәрігері, т. б.) макеттер қойылған.

Барысы:

Сәлеметсіздерме балалар. Аппараттарын тексеру.

Үштік жаттығу.

Мұстафа Сұлтаннан сұра кезекші дыбыстар қандай?

- Сұлтан Кезекші дыбыстар қандай? Р,Л

- Сұлтан Мұстафадан сұра қазір қай мезгіл?

- Мұстафа Қазір қыс мезгілі.

- Аяулым Ерғалидан сұра қазір қай ай?

- Ерғали Қаңтар айы

- Аяулым бүгін нешесі?

- Бүгін жиырма тоғызы.

- Аяулым Ахмедиярдан сұра бүгін аптаның қай күні

- Ахмедияр Бейсенбі

Кезекші дыбыстар қандай? Р,Л

Сөздік: Емхана, дәрігер, дәрі, дәріхана, науқас, емдейді.

Тәрбиеші: Біз тісіміз, ішіміз ауырса қайда барамыз?
Балалар: Дәрігерге.
Тәрбиеші: Дәрігер қайда жұмыс жасайды?
Балалар: Ауруханада
Тәрбиеші: Олай болса, бүгін біз сендермен «Аурухана» ойынын ойнаймыз. Қане, балалар өздерің орындарыңа барып жайғаса қойыңдар.
Балалар өздерінің орындарына барып жайғасады.(Алдын ала рөлдерге бөлінген балалар дәрігерлік сала бойынша «Аурухана кабинеттерінде» отырады).
Алғаш болып, балалар дәрігеріне бір ана ұлымен келеді.

Ана (Клара М):- Саламатсыз ба, дәрігер?
Дәрігер (Аяулым):- Саламатсыз ба?
Ана:- Менің ұлыма екпе салу керек еді, ұлымды тексеріп жіберіңізші.
Дәрігер:- Жарайды (ұлын тексеріп, өкпесін тыңдайды) ұлыңыздың тамаққа тәбеті қалай?
Ана:- Ия, жақсы.
Дәрігер:- Олай болса, мына жеке медициналық кітапшасын алып, медбикеге барыңыз. Сізге екпе салып береді.

Ана. Жақсы, сау болыңыз.
Дәрігерге тағы кезекте тұрған науқас - Мұстафа.

• Сәлеметсіз бе.

• Дәрігер: Сәлеметсіз бе, қай жерін аурып тұр.

• Мұстафа, басым ауырып тұр.

• Дәрігер: Қызуыңды тексерейін. Аузыңды аша ғой.

• Дәрі берем, дәріханаға барып ал.

• Мұстафа. Рахмет. Сау болыңыз.

• Дәрігер. Келесі кезекте кім? Кіріңіз.

• Ахмедияр. Сәлеметсіз бе.

• Дәрігер: Сәлеметсіз бе, қай жерін аурып тұр.

• Ішім, басым аурып тұр.

• Кеуденді тыңдайын

• Дәрігер: (тексеріп көреді де, қағазға рецепт жазып береді). Мына дәрілерді алып, күніне 2 мезгіл іш.

• Ахмедияр: Рахмет дәрігер. Сау болыңыз!
  (Ортада «Дәріхана» (Аптека) болады.)
  
  

• Науқас Мұстафа:- Сәлеметсіз бе!

• Дәріханашы: – Сәлеметсіз бе!

• Мұстафа:- Мына дәрілерді маған беріңізші.

• Дәріханашы: (Рецепт бойынша дәрілерді тауып береді). - Мінекей алыңыз.

• Мұстафа қанша?

• 2000 (екі мың) теңге

• Ауырмаңыздар, сау болыңыз!

• 2-ші науқас Ахмедияр:- Сәлеметсіз бе!

• Дәріханашы: – Сәлеметсіз бе!

• Ахмедияр:- Мына дәрілерді маған беріңізші.

• Дәріханашы: (Рецепт бойынша дәрілерді тауып береді). - Мінекей алыңыз.

• Ахмедияр қанша?

• 1000 ( мың) теңге

• Ауырмаңыздар, сау болыңыз!
  Сюжеттік - рөлдік ойын осы жерден аяқталады).
  Тәрбиеші: Балалар, жарайсыңдар. Ал енді, балалар, бізге бүгін қонақ келе жатқан сияқты.
  (Осы кезде Дәріханашы: - Мінекей дәріңіз. Ауырмаңыздар, сау болыңыз!
  (есіктен балабақшаның медбикесі кіріп келеді.)
  Медбике:- Саламатсыңдар ма, балалар! Қал - жағдайларың жақсы ма? Денсаулықтарың қалай? Бүгін барлығың аппақ болып, әдемі болып кетіпсіңдер.
  Тәрбиеші: Саламатсыз ба, дәрігер. Біз бүгін «Аурухана» ойынын ойнап, дәрігер рөлінде болдық.
  Медбике: Ой жарайсыңдар, балалар, осылай ақылды бала болыңдар. Ал енді мен сен сендердің аңғарымпаздықтарыңды байқайын. Маған бір ойын ойнап беріңдерші.
  Тәрбиеші: Қанеки, балалар, біз қазір сендермен «Не артық?» деген ойын ойнайық.
  (Ортада тұрған медициналық құралдардың арасында жеміс - көкөністер, ойыншықтар тұрады. Балалар артық затты табу керек.)
  Тәрбиеші: Ал, балалар, құрал - жабдықтың барлығы ауруханаға қажетті заттар. Ал енді осының ішінде медициналық құралға жатпайын не нәрсе. Қанекей не артық?
  (Балалар артық заттарды алып, көрсетеді).
  Тәрбиеші: Жарайсыңдар, балалар, тапқырлық таныттыңдар.
  Дәрігер:– Жарайсыңдар, балалар, тапқыр екенсіңдер. Рахмет сендерге. Ал енді мен сендерге өз сыйлығымды ала келдім. Сендерге өте пайдалы, құнарлы тамақтану керек. Күнделікті жуынып, таза болып жүру керек және дәрумендер пайдалану керек. Мен сендерге бүгін дәрумендер ала келдім. Мінекей ала қойыңдар.
  Тәрбиеші: Рахмет сізге, дәрігер!
  Ал, балалар, осымен бүгінгі «Аурухана» ойынымыз аяқталды. Ауырмайық, деніміз сау болсын!

• Біз бүгін сабағымызда не істедік?

Ойнадық, тыңдадық, оқыдық.

Күтілетін нәтиже:
Жаңғыртады: аурухана туралы балалар білетін түсініктерін еске түсіреді;
Түсінеді: дәрігерлердің түрлі салаға бөлініп, қызмет ететіндіктерін түсінеді;
Қолданады: рөлдерге бөлініп ойнау арқылы дәрігер еңбегін бағалап, үйренеді,
олардың қиын жұмыстарына құрметпен қарайды.