Аутотренингтің тақырыбы: «Су асты патшалығында» (әуенді терапия)

Аутотренингтің тақырыбы: «Су асты патшалығында»

(әуенді терапия)

Мақсаты: Тренингке қатысушылардың кәсіби құлшынысын арттыру, жігерлендіріп, көңіл-күйін көтеру.

Көрнекілік: музыка аппараты, жағымды баяу әуенді диск.

Нұсқау: Тренингке қатысушыларды орындыққа ыңғайлы, еркін, отыруды сұрану. Жүргізушінің айтқанын мұқият орындау.

Жүргізілу барысы:

Терең дем алып,әуеннің ырғағына зейін аударып, менің сөздеріме құлақ салыңыз.Еркін отырып көзді жұмыңыз.Көз алдыңызға теңізді елестетіңіз.Ұшы-қиыры жоқ көкпеңбек теңіз.Теңізден ескен самал жел сондай жағымды, жылы, бетіңді жайлап сыйпайды.Су қандай мөлдір, жып-жылтыр жылы, су жағаға қайта-қайта қалқиды. Мен қазір 5-ке дейін санаймын, біз су асты патшалығына қонаққа жүзіп барамыз.Сіздердің алдарыңызда су асты патшалығының керемет байлығы ашылды.1,2,3,4,5. Тып-тыныш, айналаңызға қараңызшы, қандай керемет, балдырлар, әр түрлі балықтар сіздің қасыңызда жүзіп жүр. Сол балықтар арасынан Сізді алтын балықтың өзі қарсы алып тұр. Сізді өзінің патшалығымен таныстырып және әр адамның тілегін орындауға дайын екенін айтуда.Алтын балығымызға сеніммен қарайық. Өзіңіздің арман тілегіңізді ішіңізден ойланып, алтын балыққа аңсаған армандарыңызды айтыңыздар...

Міндетті түрде сіздердің армандарыңыз орындалады. Ал енді арман тілектеріңізді айтып болсаңыздар ақырындап жүзіп жағаға шығайық.Алтын балығыңыз біздің қасымызда, бізді шығарып салып тұр.Терең дем алып мен 5-ке дейін санағанда көзімізді ашамыз.1,2,3,4,5..

Жүргізуші: Міне алтын балық өзінің тілектерін Сіздерге таратады.

Рефлексия: Өз әсерлерімен бөліседі. Сіздер қандай сезімде болдыңыздар? Су асты патшалығы Сіздерге ұнады ма? Армансыз адам болмайды.Алтын балық Сіздердің армандарыңызды міндетті түрде орындайды деп сенеміз. Аңсаған армандарыңызға жетіңіздер.