Ауылға сағыныш

Ауылға сағыныш
Жайлауы жасыл,аспаны ашық ауылым,
Ып-ыстық маған түтінің менен,дауылың.
Қыр қызы болып еркелеп саған өсіп ем,
Жырақта жүріп, балалық шақты сағындым.
Сағындым ауыл,сағынды қызың,қызғалдақ,
Арналар саған сағыныш өлең жүз парақ.
Өзіңе барып,мауқымды басып қайтар ем
Ғажайып орнап,иыққа бітсе қос қанат.
Сағыныш сезім орнады сол жақ кеудеме,
Сағынбау мүмкін емес дегенге сенбеп ем.
Ауылға деген,бауырға деген махаббат
Тып-тыныш жатқан жүректі мына тербеген .