Ауыр ядролардың бөлінуі. Тізбекті реакция. Ядролық реактордың жұмыс принципі.АЭС 9 сынып

Пәні: физика

Сыныбы: 9

Күні: 5.04.2018 ж.

Сабақтың тақырыбы: Ауыр ядролардың бөлінуі. Тізбекті реакция. Ядролық реактордың жұмыс принципі.АЭС

Сабақтың мақсаты

Білімділік- Ауыр ядролардың бөлінуі. Тізбекті реакция. Ядролық реактордың жұмыс принципі.АЭС туралы мағлұмат беру

Дамытушылық- тақырып бойынша есептер шығару арқылы оқушылардың ой-өрісін дамыту

Тәрбиелік- оқушылардың тақырып бойынша оқып-үйренуге,есептер шығаруға тәрбиелеу.

Сабақтың түрі: Жаңа білімді қалыптастыру

Сабақтың әдіс-тәсілі: Түсіндірмелі,баяндау,тірек-сызбалар,есептер шығару

Сабақтың көрнекілігі: сурет,тірек-сызба,формулалар

Сабақтың барысы:

I.Ұйымдастыру кезеңі

Сәлемдесу,оқушыларды түгелдеу

Сынып тазалығын,сабаққа қажетті құрал-жабдықтарды тексеру

Оқушылардың жаңа сабаққа дайындығын тексеру

II.Үй тапсырмасын сұрау

1.Масса ақауы дегеніміз не?

2.Байланыс энергиясы деген қандай энергия?

3.Байланыс энергиясы мен масса ақауының арасында қандай тәуелділік бар?

4.Меншікті байланыс энергиясы қандай энергияны айтады?

5.Радиактивті сәулеленулерге нелер жатады?

6.Гамма сәулеленуінің табиғаты қандай?

III. Жаңа сабақты түсіндіру

Ядролардың өз бетімен түрленіп, альфа,бета және басқа да бөлшектер мен сәулелерді шығаруларын олардың радиоактивті ыдырауы деп атайды.

Радиоактивті изотоп ядроларының тек жартысы ыдырайтын уақыт осы изотоптың жартылай ыдырау периоды деп аталады.

Ядроларды бөлу деп оны нейтрондармен атқылау арқылы ірі жарықшақтарға ажыратуды айтады.

Туынды нейтрондардың қатысуымен ядролардың тасқынды жарылуы тізбекті ядролық реакция деп аталады.

Жеңіл ядролардағы энергия тек оларды бір ядроға біріктіргенде ғана босайды.

Атомдардың ядроларын бөлетін немесе біріктіретін реакциялар арнайы қондырғыларда орындалады. Ондай қондырғыларды атомдық реакторлар немесе атомдық бомбалар деп атайды.

Ең бірінші қолдан басқарылатын ядролық реактор АҚШ-тың Чикаго қаласының іргесінде Э.Фермидің басшылығымен 1942 жылдың 2 желтоқсанында іске қосылды. Екінші реактор, бұдан үш жыл өткен соң, КСРО –да Москва түбіндегі Серпухов қаласында И.В.Курчатовтың басшылығымен салынды.

Тізбекті бөліну реакциясына қажетті ядролық материалдың ең аз массасын сындық масса дейді.

IV.Сабақты бекіту

47- жаттығу

V.Қорытынды

1.Ядролардың бөлінуі деп қандай физикалық процесті айтады?

2.Жартылай ыдырау периоды деген қандай уақыт?

3.Радиоактивті ыдырау заңы қалай өрнектеледі?

4.Ядролардың бөлінуі дегеніміз не?

5.Сындық масса дегеніміз не?

6.Ядролық реактордың негігі бөліктері қандай?

VI.Бағалау

VII.Үй тапсырмасы

Ауыр ядролардың бөлінуі. Тізбекті реакция. Ядролық реактордың жұмыс принципі.АЭС