Сабақтың тақырыбы: Ауызекі сөйлеу стилі

Модуль/Пән: ЖПБ Жалпы білім беретін пәндер/ Қазақ тілі

Педагог З.А.Жумагельдинова дайындады

2024 жылғы « »

1. Жалпы мәліметтер

Курс, топ I 103А

Сабақтың түрі: Дәстүрлі емес сабақ

2. Мақсат, міндеттері Ауызекі сөйлеуде қолданылатын негізгі тілдік құралдарды меңгерту.

Сөз мәдениетін сақтап, дұрыс және түсінікті сөйлеуге дағдыландыру

3. Оқу – жаттығу процесінде білім алушылар меңгеретін күтілетін нәтижелер және кәсіби дағдылар тізбесі 1) Қазіргі кездегі жастар мәселесін білу, жастарға арналған түрлі бағдарламалармен танысу; 2) Болашақ мамандықтың қыр-сырын меңгеру;

4. Қажетті ресурстар 1.А.Қасымбек, Л.Оспанова, С.Темурбаева, Қазақ тілі. Оқулық, Арман-ПВ, 2015;

2.А.Қасымбек, Л.Осапнова. Қазақ тілі. Мұғалім кітабы,-Арман ПВ, 2015

5. Сабақтың барысы

Сабақтың

жоспарланған кезеңдері

Сабақтағы жоспарланған іс – әрекет

Бағалау критерийлері

Сабақтың басы

Ұйымдастыру кезеңі: Білім алушылармен амандасу.

Сабақтың тақырыбы мен мақсаттарын таныстыру.

Сабақтың ортасы

Қызығушылықты ояту:

Мұғалім ауызекі сөйлеу стиліне тән диалогтың қысқа үзіндісін оқып береді:

— Қалайсың? Кеше не істедің?

— Жақсы! Футбол ойнадық. Сен ше?

Оқушылардан бұл сөйлеу стилінің ерекшеліктерін анықтауын сұрау.

Теориялық бөлім:

Ауызекі сөйлеу стилінің анықтамасы: ресми емес жағдайда қолданылатын, еркін әрі бейресми стиль.

Ерекшеліктері:

Қысқа, қарапайым сөйлемдер.

Диалогқа негізделген.

Интонацияның маңыздылығы.

Қаратпа сөздер мен эмоциялық сөздердің жиі қолданылуы.

Ауызекі сөйлеу стилі — тілдің негізгі қызметі қарым-қатынас жасау қызметінің жүзеге асуына байланысты. Бұл өте кең таралған функционалды стиль. Тұрмыста, отбасыда, өндірістегі бейресми қатынастарда адамдардың еркін қарым-қатынас жасау саласын қамтамасыз етеді. Ауызекі сөйлеу стилі өте функционалды стильдерге, әсіресе олардың ауызекі түрлеріне ықпал жасайды: баяндама, дәріс, пікірталас т.б.

Ауызекі сөйлеу стилі өзіндік ерекшеліктерін жасайтын белгісі — жағдайға байланысты сөйлеу мәнері, эмоцияға қарай тілдік бірліктерін қолдану өзгешелігі.

Сабақ бойынша рефлексия

Үй тапсырмасы

Күнделікті өмірден бір диалог жазып, оны ауызекі сөйлеу стиліне сәйкестендіріп өзгерту