Іс-шараның мақсаты:

Жас жеткіншектерге мерекелік көңіл-күй сыйлау; қуаныштарын үлкендермен бөлісуге, мейірімділікке тәрбиелеу, халқымыздың ұлттық салт-дәстүрімен, ұлттық құндылықтармен кеңірек таныстыру; әртүрлі ұлттық ойындар арқылы жас жеткіншектердің тұлғалық қабілетін дамыту.

(Мерекелік іс-шараның ашылуын білдіретін музыка үні қойылады)

Фанфар: «Наурыз» биі

1-жүргізуші:

Арма, ағайын! Қайырлы күн, құрметті ұстаздар, ата-аналар, оқушылар! Жер жүзіндегі халықтардың бәрінің де түрлі мейрамдары бар. Шығыс халықтарының сондай ерекше мейрамдарының бірі – Наурыз. Көгілдір көктемнің хабарын жеткізген, Самарханның көк тасы еріп, күллі дүниеге жан бітірген Наурыз мерекесіне орай «Әз-наурыз!» тақырыбымен өткізіліп отырған мерекелік іс-шарамызға қош келіпсіздер!

2- жүргізуші:

Дәстүрімізге айналған Ұлыстың Ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа Жыл келеді. Ендеше, той құтты болсын! Ұлыс оң болсын! Ақ мол болсын! Ұлы мереке сіздерге тек жақсылық әкелсін!

І-жүргізуші:

Жылғалардан су ағып, көктем келді еліме, Алтын түсті алтын күн нұрын шашты төгіле. Құстар сайрап, ән салып, шартарапта ұшады, Бәйшешектер бүр жарып, нұр ойнайды көгімде.

ІІ-жүргізуші: Алауыртқан қыстан соң, көктем келді қуантып, Көк желекке оранып, құлпырар гүлдер бүр жарып. Аспан шайдай ашылып, көкке орнады нұрлы күн, Әсем көктем келеді, қырларымнан ән салып.

І-жүргізуші:

Ұлттық құндылықтарымызды, салт-дәстүрімізді, әдет-ғұрпымызды насихаттау мақсатында өткізіліп отырған мерекелік іс-шараның шымылдығын мерекелік құттықтаумен ашу үшін мектебіміздің көшбасшысы Тугелов Аділ ағайды және директордың тәрбие ісі жөніндегі оырнбасары Әбу Қалмұрат ағаймызды сахна төріне шақырамыз.

(-------------- мерекелік құттықтау айтады)

ІІ-жүргізуші:

Көкпеңбек дала, туымдай асқақ көгілдір, Көк кілем төсеп, көк көйлек киген өңір дүр. Бәйшешек гүлге қылтиған жанын елітіп, Жадырап қалған көңілді күндей өңір бұл.

Сахна төріне «Қызғалдақ» би тобының «Жетіген» биін қабыл алыңыздар!

Сатымбек Айзере, Оңғарбай Айгерім,Әбдішүкір Нұрсая орындауында «Наурыз көктем» әнін қарсы алыңыздар!

І-жүргізуші:

Наурыз құтты болсын ағаларға, Наурыз құтты болсын аналарға. Жыл сайын тойланатын мәңгі бақи, Наурыз құтты болсын баршамызға!

1 «а» сынып Бақытжан Елнұр «Біздің елде туған ұлдар» әнін қарсы алыңыздар

4- сынып қыздары «Бипыл» биін қарсы алыңыздар

ІІ-жүргізуші:

Көктем келсе табиғат құлпырады, Жүректерге ғажайып сыр тұнады. Гүлге толып айнала күн жарқырап Жанарларда қуаныш нұр тұрады.

«Наурыз » әнімен сахына төріне Баратбек Аиданы шақырамыз.

5-сынып оқушыларының «Үнді биі» қыздардың орындауында тамашалаңыздар!

І-жүргізуші:

Көктемді күткен сағынып, Қыр жатыр күнге табынып. Арнадан асқан бұлақ та Әнінен қалған жаңылып. Жас өнерпаздың мерекелік тарту-таралғысын қабыл алыңыздар!

«До-ре-ми» биін қарсы алыңыздар

ІІ-жүргізуші:

Әнім де саған,биім де, Құт қонақ өзің үйімде. Қуаныш сыйлап еліме Күлімде наурыз күлімде.

Ержан Раянаның «Жақсы көрем» әнімен қарсы алыңыздар.

7ә-сынып Ортада қыздардың орындауында «Қамажай» биін тамашалаңыздар

І-жүргізуші:

Мектебіміздің мың бұралған биші қыздарымыз «Көк ту» биін қошеметпен тамашалайық. 5ә- сынып

ІІ-жүргізуші:

Түзел Мерейдің орындауында «Ләйлім» әнін қарсы алыңыздар

ІІ-жүргізуші:

Келді көктем, жайраң қақты таң күліп, Жап-жасыл болып жайнайды әлем паң күліп. Жақсылықтардың жаршысы болған наурызым, Сен өмірімнің көктеміндейсің мәңгілік.

3- сынып «Қамажай» биін қарсы алыңыздар

Ән.Қалдыбек Аружанның орындауында «Алақай наурыз келді!» Қарсы алыңыздар

І-жүргізуші:

5б- сынып ұлдарының «Қара жорға» биін қарсы алыңыздар.

ІІ-жүргізуші:

Көктемгі көңіл күйді әнмен әуелетіп, бимен бағындырайық деген ниетпен ортаға «Полат Баубектің орындауында «Наурыз» әнімен ортаға шақырамыз.

І-жүргізуші:

Бейбіт күніміз, бейбітшілігіміз мәңгілік болсын! Осымен бүгінгі мерекелік іс-шарамызды аяқтаймыз! Күніміз нұрлы, аспанымыз әрдайым ашық болсын! Сау-саламатта болыңыздар!

.